ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 59
| Isai | TpiKJPB | 59:1 | ¶ Harim, han bilong BIKPELA i no sotpela, long dispela i no inap kisim bek, na tu ia bilong Em i no iapas, long dispela i no inap harim. | |
| Isai | TpiKJPB | 59:2 | Tasol ol pasin nogut bilong yupela i bin mekim yupela na God bilong yupela i stap longwe, na ol sin bilong yupela i bin haitim pes bilong Em long yupela, bai Em i no laik harim. | |
| Isai | TpiKJPB | 59:3 | Long wanem ol han bilong yupela i doti long blut, na ol pinga bilong yupela i doti long sin nogut. Ol maus bilong yupela i bin mekim tok giaman, na ol tang bilong yupela i bin toktok long samting nogut. | |
| Isai | TpiKJPB | 59:4 | No gat wanpela i singaut long stretpela kot, o mekim strongpela askim long tok tru. Ol i putim bilip long samting nating na mekim tok giaman, na ol i kirapim trabel, na kisim i kam sin nogut. | |
| Isai | TpiKJPB | 59:5 | Ol i kirapim pikinini long ol kiau bilong snek i gat marasin nogut na wokim ol haus bilong spaida. Man i kaikai sampela bilong ol kiau bilong ol, em bai dai pinis, na ol kiau ol i krungutim ol i kamap snek i gat marasin nogut. | |
| Isai | TpiKJPB | 59:6 | Ol haus bilong spaida bilong ol bai i no kamap ol klos, na tu ol bai i no karamapim ol yet long ol wok bilong ol. Ol wok bilong ol i ol wok bilong sin nogut, na pasin bilong bagarapim narapela i stap long ol han bilong ol. | |
| Isai | TpiKJPB | 59:7 | Ol lek bilong ol i ran long mekim nogut na ol i hariap long kapsaitim blut i no mekim rong. Ol tingting bilong ol em i ol tingting bilong sin nogut, na tromoi nating na bagarap em i stap long ol rot bilong ol. | |
| Isai | TpiKJPB | 59:8 | Ol i no save long rot bilong bel isi, na i no gat stretpela kot long rot bilong ol. Ol i bin wokim liklik rot i krungut planti. Olgeta manmeri i go long dispela bai ol i no save long bel isi. | |
| Isai | TpiKJPB | 59:9 | ¶ Olsem na stretpela kot i stap longwe long yumi, na tu pasin i gutpela i no kam long yumi. Yumi wet bilong kisim lait, tasol yumi lukim lait i no stap, na wet long strongpela lait, tasol yumi wokabaut long tudak. | |
| Isai | TpiKJPB | 59:10 | Yumi putim han i go bilong pilim banis olsem ol aipas, na yumi putim han i go olsem yumi i no gat tupela ai. Yumi sutim lek long belo olsem long nait, na yumi stap long ol hap i stap nating olsem ol man i dai pinis. | |
| Isai | TpiKJPB | 59:11 | Yumi olgeta i singaut olsem ol bea, na krai sori olsem ol pisin balus. Yumi lukluk bilong kisim stretpela kot, tasol i no gat wanpela i stap, na bilong lukim kisim bek, tasol em i stap longwe long yumi. | |
| Isai | TpiKJPB | 59:12 | Long wanem ol pasin bilong mipela bilong kalapim lo em i stap planti taim long pes bilong Yu, na ol sin bilong mipela i tokaut klia bilong birua long mipela. Long wanem ol pasin bilong mipela long kalapim lo em i stap wantaim mipela, na bilong ol sin nogut bilong mipela, mipela i save long ol. | |
| Isai | TpiKJPB | 59:13 | Em long mekim pasin bilong kalapim lo na tok giaman bilong birua long BIKPELA, na long i go longwe long God bilong mipela, na long mekim toktok long givim hevi na mekim bikhet pasin, na long kirapim na autim ol tok giaman i kam long bel bilong mipela. | |
| Isai | TpiKJPB | 59:14 | Na stretpela kot i tanim i go bek, na pasin i gutpela i sanap longwe tru. Long wanem tok tru i pundaun long rot na pasin i no gat giaman i no inap kam insait. | |
| Isai | TpiKJPB | 59:15 | Yes, tok tru em i no stap moa, na man i lusim pasin nogut em i mekim em yet i kamap abus bilong ol. Na BIKPELA i bin lukim dispela, na pasin bilong i no gat stretpela kot em i skrapim bel bilong Em. | |
| Isai | TpiKJPB | 59:16 | ¶ Na Em i bin lukim olsem, i no gat wanpela man i stap, na Em i tingting planti long i no gat man bilong tokaut long i stap namelman. Olsem na han bilong Em i bin bringim kisim bek i kam long em, na stretpela pasin bilong Em, dispela i bin strongim em. | |
| Isai | TpiKJPB | 59:17 | Long wanem Em i putim stretpela pasin olsem siot kapa, na hat ain bilong kisim bek long het bilong Em. Na Em i putim ol klos bilong bekim nogut bilong karamapim Em na Em i bin putim pasin bilong strongpela laik long mekim olsem saket. | |
| Isai | TpiKJPB | 59:18 | Bilong bihainim ol samting ol i bin mekim, long dispela Em bai bekim belhat nogut tru long ol i givim hevi long Em, na pasin bilong bekim long ol birua bilong Em, na long ol ailan Em bai bekim long pasin bilong bekim. | |
| Isai | TpiKJPB | 59:19 | Olsem ol i kam long hap san i go daun, bai pret long nem bilong BIKPELA, na ol i kam long hap san i kamap bai pret long glori bilong Em. Taim birua i kam insait olsem bikpela tait, Spirit bilong BIKPELA bai litimapim wanpela plak bilong woa long birua long em. | |
| Isai | TpiKJPB | 59:20 | BIKPELA i tok, Na Man bilong Baim Bek bai kam long Saion, na long ol lain bilong Jekop husat i lusim pasin bilong kalapim lo. | |
| Isai | TpiKJPB | 59:21 | BIKPELA i tok, Tingting bilong Mi i olsem, dispela em i kontrak bilong Mi wantaim ol, spirit bilong Mi i stap antap long yu, na ol tok bilong Mi, Mi bin putim ol long maus bilong yu, ol bai i no lusim maus bilong yu, o lusim maus bilong ol pikinini bilong yu, o lusim maus bilong ol tumbuna pikinini bilong yu long dispela taim inap long oltaim oltaim, BIKPELA i tok. | |