ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 63
| Isai | TpiKJPB | 63:1 | ¶ Em i husat na i kam long lusim Idom wantaim ol klos i gat kala na i kam long Bosra? Dispela wanpela i kisim biknem long ol klos bilong Em, na Em i wokabaut long bikpela strong bilong Em? Em Mi, man i toktok long stretpela pasin na stap strong long kisim bek. | |
| Isai | TpiKJPB | 63:2 | Olsem wanem Yustap retpela long klos bilong Yu, na ol klos bilong Yu i olsem man i wokabaut insait long bikpela dram bilong krungutim wain? | |
| Isai | TpiKJPB | 63:3 | Mi wanpela tasol i bin wokabaut insait long dispela masin bilong krungutim wain, na i no gat wanpela bilong ol dispela manmeri i stap wantaim Mi. Long wanem bai Mi wokabaut antap long ol long belhat nogut tru bilong Mi, na krungutim ol long bikpela kros bilong Mi, na blut bilong ol bai kapsait isi isi long ol klos bilong Mi, na long dispela bai Mi givim kala long olgeta klos bilong Mi. | |
| Isai | TpiKJPB | 63:4 | Long wanem de bilong bekim ol rong em i stap long bel bilong Mi, na yia bilong lain bilong Mi, Mi bin baim bek, em i kamap. | |
| Isai | TpiKJPB | 63:5 | Na Mi bin lukluk, na i no gat wanpela long helpim, na Mi tingting planti long i no gat wanpela long strongim. Olsem na han bilong Mi yet i bin bringim kisim bek i kam long Mi. Na belhat nogut tru bilong Mi, em i bin strongim Mi. | |
| Isai | TpiKJPB | 63:6 | Na bai Mi wokabaut antap long dispela manmeri long belhat bilong Mi, na mekim ol i spak long bikpela kros bilong Mi, na bai Mi bringim strong bilong ol i kam daun long graun. | |
| Isai | TpiKJPB | 63:7 | ¶ Mi laik toktok long ol pasin bilong laikim tru i kirapim gutpela pasin bilong BIKPELA, na ol pasin bilong litimapim nem bilong BIKPELA, bilong bihainim olgeta samting BIKPELA i bin givim long yumi, na long dispela bikpela gutpela pasin Em i mekim long lain bilong Isrel. Em i bin givim dispela long ol bilong bihainim ol sori bilong Em, na bilong bihainim planti tru pasin bilong Em long laikim tru i kirapim gutpela pasin. | |
| Isai | TpiKJPB | 63:8 | Long wanem Em i tok, Tru tumas ol i stap ol manmeri bilong Mi, na ol pikinini i no laik giaman. Olsem Em i bin stap Man bilong Kisim Bek ol. | |
| Isai | TpiKJPB | 63:9 | Long olgeta hevi bilong ol, Em i bin kisim hevi, na ensel bilong Em i stap, em i bin kisim bek ol. Long laikim tru bilong Em na long sori bilong Em, Em i bin baim bek ol, na Em i litimapim ol na karim ol long olgeta de bilong bipo. | |
| Isai | TpiKJPB | 63:10 | Tasol ol i bin bikhet na givim hevi long holi Spirit bilong Em. Olsem na Em i senis long i stap birua long ol, na Em i pait birua long ol. | |
| Isai | TpiKJPB | 63:11 | Long dispela taim Em i bin tingim gen ol de bilong bipo, long Moses na ol manmeri bilong Em, na i tok, Em i stap we, em dispela wanpela i bin bringim ol i lusim solwara na i kam antap wantaim wasman bilong bung bilong sipsip bilong Em? Em i stap we, em dispela wanpela i bin putim holi Spirit bilong Em insait long em? | |
| Isai | TpiKJPB | 63:12 | Em i bin go pas long ol long han sut bilong Moses wantaim han bilong Em i gat glori, na brukim wara long pes bilong ol long mekim nem bilong Em yet i stap oltaim oltaim? | |
| Isai | TpiKJPB | 63:13 | Em i bin go pas long ol long namel long dispela hap i daunbilo tru, olsem wanpela hos i stap long ples gras, bai ol i no ken sutim lek? | |
| Isai | TpiKJPB | 63:14 | Olsem wanpela animal i go daun long ples daunbilo, Spirit bilong BIKPELA i bin mekim em i malolo. Olsem tasol Yu bin go pas long ol manmeri bilong Yu, long mekim nem bilong Yu yet i kisim glori. | |
| Isai | TpiKJPB | 63:15 | ¶ Lukluk i kam daun long heven na lukluk i kam long hap bilong pasin holi bilong Yu na bilong glori bilong Yu. Strongpela laik long mekim bilong Yu na strong bilong Yu, na nois bilong bel bilong Yu, na bilong ol marimari bilong Yu i go long mi, ol i stap we? Yu bin pasim ol? | |
| Isai | TpiKJPB | 63:16 | Tru tumas Yu stap papa bilong mipela, maski Ebraham i no save long mipela, na Isrel i tok long mipela i no bilong em. Yu, O BIKPELA, Yu stap papa bilong mipela, na Man bilong baim bek mipela, na nem bilong Yu i bin stap oltaim oltaim. | |
| Isai | TpiKJPB | 63:17 | O BIKPELA, bilong wanem yu bin mekim mipela i popaia na lusim ol pasin bilong Yu, na mekim bel bilong mipela i kamap olsem ston bilong lusim pret long Yu? Kam bek bilong helpim ol wokboi bilong Yu, em ol lain i stap ol samting papa i bin givim long Yu. | |
| Isai | TpiKJPB | 63:18 | Ol manmeri bilong pasin holi bilong Yu ol i bin holimpas dispela liklik taim tasol. Ol birua bilong mipela i bin krungutim haus holi bilong Yu aninit long lek bilong ol. | |