ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 36
| Isai | TpiKJPB | 36:1 | ¶ Nau em i kamap long namba 14 yia bilong king Hesekaia olsem, Senakerip, king bilong Asiria, i bin kamap na birua long olgeta biktaun bilong Juda i gat bikpela banis i raunim ol. Na em i winim ol. | |
| Isai | TpiKJPB | 36:2 | Na king bilong Asiria i salim Rap-seke i lusim Lekis na i go long Jerusalem wantaim wanpela bikpela ami bilong tokim king Hesekaia. Na em i sanap klostu long rot bilong wara bilong wanpela liklik raunwara i antap. Em i stap long bikpela rot bilong graun bilong lain i mekim klos i kamap strong na klin. | |
| Isai | TpiKJPB | 36:3 | Long dispela taim pikinini man bilong Hilkaia, em Elaiakim man bilong bosim haus bilong king, na Sepna, man bilong rait, na pikinini man bilong Esap, em Joa, man bilong raitim ol stori bilong gavman, ol i kam long Rap-seke. | |
| Isai | TpiKJPB | 36:4 | Na Rap-seke i tokim ol, Yupela mas spik long Hesekaia nau olsem, Dispela bikpela king em king bilong Asiria i tok olsem, Em wanem kain strongpela tingting i stap na em i samting yu putim bilip bilong yu long em? | |
| Isai | TpiKJPB | 36:5 | Yu tok olsem, Mi tok mi gat tok helpim na strong bilong mekim bikpela pait, (tasol ol dispela tok em i toktok nating). Nau yu putim bilip bilong yu long husat long yu sakim tok na birua long mi? | |
| Isai | TpiKJPB | 36:6 | Harim, yu putim bilip bilong yu long dispela samting bilong helpim yu, em dispela pitpit i bruk, em long Isip. Sapos wanpela man i putim hevi bilong em long dispela i ken sapotim em, em bai bruk na go insait long han bilong em na givim sua long dispela. Fero king bilong Isip i stap olsem long olgeta i putim bilip bilong ol long em. | |
| Isai | TpiKJPB | 36:7 | Tasol sapos yu tokim mi olsem, Mipela i putim bilip bilong mipela long BIKPELA em i God bilong mipela, ating em i no dispela god Hesekaia i bin rausim ol hap i stap antap bilong em na ol alta bilong em? Na Hesekaia i bin toktok long Juda na long Jerusalem olsem, Yupela mas lotu long pes bilong dispela alta? | |
| Isai | TpiKJPB | 36:8 | Olsem na nau mi askim yu strong long yu mas givim ol tok long yu bai bekim i go long bosman bilong mi, em king bilong Asiria. Na bai mi givim yu 2,000 hos, sapos long strong bilong yu, yu inap putim ol man bilong sindaun antap long ol. | |
| Isai | TpiKJPB | 36:9 | Orait, olsem wanem bai yu tanim i go bek pes bilong wanpela kepten bilong lain i no gat namba bilong ol wokboi bilong bosman bilong mi, na yu putim bilip bilong yu i go long Isip bilong kisim ol karis bilong pait na bilong kisim ol man i sindaun long ol hos? | |
| Isai | TpiKJPB | 36:10 | Na ating nau mi kamap na birua long dispela hap graun bilong bagarapim em na mi no gat BIKPELA? Nogat. BIKPELA i bin tokim mi olsem, Go antap na birua long dispela hap graun na bagarapim em. | |
| Isai | TpiKJPB | 36:11 | ¶ Long dispela taim Elaiakim na Sepna na Joa i tokim Rap-seke olsem, Mipela i askim plis long yu long toktok long mipela ol wokboi bilong yu long tokples bilong ol Siria, long wanem mipela i save long dispela. Na yu no ken tokim mipela long tokples bilong ol Ju long ol ia bilong ol manmeri i stap antap long banis. | |
| Isai | TpiKJPB | 36:12 | Tasol Rap-seke i tok, Ating bosman bilong mi i bin salim mi long mekim dispela tok long bosman bilong yu na long yu tasol? Ating em i no bin salim mi long ol man i sindaun antap long dispela banis, bai ol i ken kaikai pekpek bilong ol yet na dringim pispis bilong ol yet wantaim yupela? | |
| Isai | TpiKJPB | 36:13 | Long dispela taim Rap-seke i sanap na singaut long strongpela nek long tokples bilong ol Ju na tok, Yupela harim ol tok bilong dispela bikpela king, em king bilong Asiria. | |
| Isai | TpiKJPB | 36:14 | King i tok olsem, Yupela no ken larim Hesekaia i giamanim yupela. Long wanem em i no inap tekewe yupela long dispela. | |
| Isai | TpiKJPB | 36:15 | Na tu yupela i no ken larim Hesekaia i mekim yupela i putim bilip bilong yupela long BIKPELA, na tok, Tru tumas BIKPELA bai tekewe yumi. Bai dispela biktaun i no go long han bilong king bilong Asiria. | |
| Isai | TpiKJPB | 36:16 | Yupela i no ken harim gut tok bilong Hesekaia, long wanem king bilong Asiria i tok olsem, Wokim kontrak wantaim mi long wanpela presen na kamaut na kam long mi. Na yupela olgeta wan wan i ken kaikai long diwai wain bilong em yet. Na yupela olgeta wan wan i ken kaikai long diwai fik bilong em yet. Na yupela olgeta wan wan i ken dring wara bilong hul wara bilong em yet. | |
| Isai | TpiKJPB | 36:17 | Inap long mi kam na kisim yupela i go long wanpela hap graun i olsem hap graun bilong yupela yet. Em i hap graun bilong wit samting na wain. Em i hap graun bilong bret na ol gaden bilong diwai wain. | |
| Isai | TpiKJPB | 36:18 | Lukaut, nogut Hesekaia i pulim yupela na tok, BIKPELA bai kisim bek yumi. Ating wanpela bilong ol god bilong ol kantri i bin kisim bek hap graun bilong em long han bilong king bilong Asiria? | |
| Isai | TpiKJPB | 36:19 | Ol god bilong Hemat na Arpat i stap we? Ol god bilong Sefarvaim i stap we? Ating ol i bin kisim bek Samaria long han bilong mi? Nogat! | |
| Isai | TpiKJPB | 36:20 | Ol i husat namel long olgeta bilong ol god bilong ol dispela hap graun na ol i bin kisim bek hap graun bilong ol long han bilong mi, bai BIKPELA i ken kisim bek Jerusalem long han bilong mi? | |
| Isai | TpiKJPB | 36:21 | Tasol ol i no mekim toktok na ol i no mekim wanpela tok long bekim tok long em. Long wanem king i bin mekim strongpela tok na tok, No ken bekim tok long em. | |
| Isai | TpiKJPB | 36:22 | Long dispela taim pikinini man bilong Hilkaia, em Elaiakim, man bilong bosim hauslain bilong king, na Sepna, man bilong rait, na pikinini man bilong Esap, em Joa, man bilong raitim ol stori bilong gavman, ol i kam long Hesekaia na ol i bin brukim ol klos bilong ol na ol i tokim em long ol tok bilong Rap-seke. | |