ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 43
| Isai | TpiKJPB | 43:1 | ¶ Tasol nau BIKPELA husat i bin wokim yu long nating, O Jekop, na Man i bin wokim yu, O Isrel, i tok olsem, Yu no ken pret, long wanem Mi bin baim bek yu. Mi bin singautim yu long nem bilong yu. Yu bilong Mi. | |
| Isai | TpiKJPB | 43:2 | Taim yu wokabaut namel long ol wara, bai Mi stap wantaim yu, na winim ol wara riva bai ol i no winim yu. Taim yu wokabaut insait long paia, bai dispela i no kukim yu, na tu lait bilong paia i no bai kirap long yu. | |
| Isai | TpiKJPB | 43:3 | Long wanem Mi stap BIKPELA na God bilong yu, dispela Wanpela i Holi bilong Isrel, na Man bilong Kisim Bek yu. Mi bin givim Isip bilong baim bek yu, Itiopia na Siba bilong kisim yu. | |
| Isai | TpiKJPB | 43:4 | Yu bin i stap dia tumas long ai bilong Mi, yu bin i gat ona na Mi bin laikim tru yu. Olsem na bai Mi givim ol man bilong helpim yu, na ol manmeri bilong lukautim laip bilong yu. | |
| Isai | TpiKJPB | 43:5 | Yu no ken pret, long wanem Mi stap wantaim yu. Bai Mi bringim ol tumbuna pikinini bilong yu i kam long hap sankamap na bungim yu i kam long hap san i go daun. | |
| Isai | TpiKJPB | 43:6 | Bai Mi tok long hap not olsem, Kisim i kam, na long hap saut, No ken holimpas. Bringim ol pikinini man bilong Mi i kam longwe na ol pikinini meri bilong Mi i kam long ol las hap bilong dispela graun. | |
| Isai | TpiKJPB | 43:7 | Yes, olgeta wan wan ol i kolim em long nem bilong Mi. Long wanem Mi bin wokim em long nating bilong givim glori long Mi. Mi bin wokim em, yes Mi bin mekim em. | |
| Isai | TpiKJPB | 43:8 | ¶ Bringim i kam ol aipas manmeri husat i gat ol ai, wantaim ol iapas husat i gat ol ia. | |
| Isai | TpiKJPB | 43:9 | Larim olgeta kantri i bung wantaim, na larim ol manmeri i bung. Husat namel long ol i ken tokaut long dispela na soim yumi ol samting i bin kamap pastaim? Larim ol i kisim i kam ol witnes bilong sapotim tok bilong ol, bai em i ken kamap klia long tok bilong ol em i stretpela, o larim ol i harim dispela na tok, Em i tok tru. | |
| Isai | TpiKJPB | 43:10 | BIKPELA i tok, Yupela i stap ol witnes bilong Mi na wokboi bilong Mi, Mi bin makim, bai yupela ken save na bilipim Mi na save gut long Mi stap dispela Man. Pastaim long Mi i no gat wanpela God i bin kamap. Na tu bai i no gat wanpela bihain long Mi. | |
| Isai | TpiKJPB | 43:11 | Mi, yes Mi stap BIKPELA, na i no gat wanpela i narapela long Mi i ken kisim bek manmeri. | |
| Isai | TpiKJPB | 43:12 | BIKPELA i tok olsem, Mi bin tokaut na kisim bek na Mi bin soim yupela, taim i no gat narapela god i stap namel long yupela. Olsem na yupela i stap ol witnes bilong Mi, long Mi stap God. | |
| Isai | TpiKJPB | 43:13 | Yes, pastaim long de i bin stap Mi stap dispela Man, na i no gat wanpela i ken kisim narapela long lusim han bilong Mi. Bai Mi mekim wok na husat bai pasim dispela? | |
| Isai | TpiKJPB | 43:14 | ¶ BIKPELA, man bilong baim bek yu, em dispela Wanpela i Holi bilong Isrel, i tok olsem, Bilong helpim yupela Mi bin salim ami i go long Babilon, na Mi bin bringim olgeta bikman bilong ol i kam daun, wantaim ol Kaldia, krai bilong ol i stap long ol sip. | |
| Isai | TpiKJPB | 43:15 | Mi stap BIKPELA, dispela Wanpela i Holi bilong yupela, na Man bilong wokim long nating Isrel, na King bilong yupela. | |
| Isai | TpiKJPB | 43:16 | BIKPELA, Man i wokim rot insait long solwara na liklik rot insait long ol strongpela wara, i tok olsem, | |
| Isai | TpiKJPB | 43:17 | Em i bringim i kam karis bilong pait na hos, ami na strong bilong pait, ol bai slip wantaim na bai ol i no kirap, ol i pinis olgeta, ol i pinis hariap olsem paia i stap long liklik wik i stap long lam. | |
| Isai | TpiKJPB | 43:18 | Yupela i no ken tingim gen ol samting bilong pastaim o tingim na skelim ol samting bilong bipo tru. | |
| Isai | TpiKJPB | 43:19 | Harim, bai Mi wokim wanpela nupela samting. Nau em bai kamap hariap. Ating yupela i no save long dispela, a? Yes, bai Mi wokim rot long hap i no gat man, na ol wara riva long hap i drai olgeta. | |
| Isai | TpiKJPB | 43:20 | Ol animal i stap long hap gras bai givim biknem long Mi wantaim ol dragon na ol tarangau bilong nait. Long wanem Mi givim ol wara long ol hap i no gat man na ol wara riva long hap i drai olgeta, long givim wara bilong dring long ol manmeri bilong Mi, Mi bin makim. | |
| Isai | TpiKJPB | 43:21 | Mi bin wokim dispela manmeri bilong Mi yet. Ol bai mekim biknem bilong Mi i kamap ples klia. | |
| Isai | TpiKJPB | 43:23 | Yu no bin bringim i kam long Mi meme na sipsip, em ol ofa bilong yu, yu bin kukim olgeta. Na tu yu no bin givim biknem long Mi long ol sakrifais bilong yu. Mi no bin givim yu hatwok long mekim ofa o mekim yu les long smok smel. | |
| Isai | TpiKJPB | 43:24 | Yu no bin baim long mani suga long Mi. Na tu yu no bin inapim Mi long gris bilong ol sakrifais bilong yu, tasol yu bin mekim Mi hatwok long ol sin bilong yu ,na yu bin mekim Mi les long ol pasin nogut bilong yu. | |
| Isai | TpiKJPB | 43:25 | Mi, yes Mi, stap Man i rausim ol pasin bilong yu long kalapim lo, na bai Mi no tingim gen ol sin bilong yu bilong bihainim laik bilong Mi yet. | |
| Isai | TpiKJPB | 43:26 | Kirapim Mi long tingim gen, larim yumi mekim strongpela askim wantaim. Yu mas tokaut bai yu ken stap stretpela. | |
| Isai | TpiKJPB | 43:27 | Namba wan tumbuna papa bilong yu i bin mekim sin, na ol tisa bilong yu i bin mekim pasin bilong kalapim lo i birua long Mi. | |