ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 47
| Isai | TpiKJPB | 47:1 | ¶ O pikinini meri bilong Babilon i no bin slip yet wantaim man, yu mas kam daun na sindaun long das, yes sindaun long graun. I no gat sia kwin i stap, O pikinini meri bilong ol Kaldia. Long wanem bai ol i no tokaut moa long yu no mekim hatwok na yu stap mani meri. | |
| Isai | TpiKJPB | 47:2 | Kisim bikpela ston bilong krungutim wit na wokim plaua. Rausim laplap i karamapim gras bilong yu, na rausim laplap long lek, na rausim inap long antap bilong lek, na go hapsait long ol wara riva. | |
| Isai | TpiKJPB | 47:3 | Bai yu stap skin nating, yes ol bai lukim sem bilong yu. Bai Mi bekim long yu na bai Mi no kam long yu olsem wanpela man. | |
| Isai | TpiKJPB | 47:4 | Bilong makim Man bilong baim bek mipela, nem bilong Em i BIKPELA bilong bikpela ami, na Em i dispela Wanpela i Holi bilong Isrel. | |
| Isai | TpiKJPB | 47:5 | Yu mas sindaun na pasim maus na go long ples tudak, O pikinini meri bilong ol Kaldia, long wanem bai ol i no tokaut long yu i hetmeri bilong ol kingdom. | |
| Isai | TpiKJPB | 47:6 | Mi bin belhat long ol manmeri bilong Mi, Mi bin bagarapim ol samting papa i givim pikinini bilong Mi, na givim ol i go long han bilong yu. Yu no bin soim sori long ol. Antap long ol lapun tru yu bin putim yok bilong yu i hevi tru. | |
| Isai | TpiKJPB | 47:7 | ¶ Na yu bin tok, Bai mi stap hetmeri inap long oltaim oltaim. Inap long yu no bin larim ol dispela samting i wok long bel bilong yu, na tu yu no bin holim tingting long las taim bilong dispela. | |
| Isai | TpiKJPB | 47:8 | Olsem na harim dispela nau, yu husat i laikim tumas ol amamas, yu husat i no lukautim gut sindaun bilong yu, yu husat i tok long bel bilong yu olsem, Mi stap, na i no gat narapela i stap olsem mi. Bai mi no sindaun olsem meri man bilong em i bin dai pinis, na tu bai mi no kisim save long pasin bilong lusim ol pikinini. | |
| Isai | TpiKJPB | 47:9 | Tasol dispela tupela samting, em kamap meri man bilong em i bin dai pinis wantaim lusim ol pikinini, bai kam long yu wantu tasol long wanpela de. Ol bai kam long yu long pasin i inap tru bilong ol, bilong bekim planti tru sanguma pasin bilong yu na bilong bekim planti taim yu bin wokim poisin. | |
| Isai | TpiKJPB | 47:10 | Long wanem yu bin putim bilip bilong yu long ol pasin nogut bilong yu. Yu bin tok, No gat wanpela i lukim mi. Save bilong yu na pasin bilong yusim save bilong yu em i bin paulim yu, na yu bin tok long bel bilong yu, Mi stap, na i no gat narapela i stap olsem Mi. | |
| Isai | TpiKJPB | 47:11 | Olsem na taim nogut bai kam long yu. Bai yu no save long dispela i kamap long we. Na bagarap bai pundaun antap long yu. Bai yu no inap lusim dispela, na bagarap yu no save long em bai kam long yu wantu. | |
| Isai | TpiKJPB | 47:12 | Sanap nau wantaim ol poisin pasin bilong yu na wantaim planti tru sanguma pasin bilong yu. Yu bin hatwok long dispela long taim yu bin stap yangpela inap long nau. Traim sapos dispela em inap long helpim yu, o sapos em inap long mekim yu win. | |
| Isai | TpiKJPB | 47:13 | Yu stap les long planti tru tok helpim bilong yu. Ol poisin man i bihainim ol sta, na ol husat i luksave long ol sta, na ol i tok save long ol wan wan mun, larim ol i sanap nau na kisim bek yu long ol dispela samting em bai kam long yu. | |
| Isai | TpiKJPB | 47:14 | Harim, ol bai stap olsem ol stik bilong wit. Paia bai kukim ol. Bai ol i no kisim bek ol yet long strong bilong dispela lait bilong paia. Bai ol i no gat hap diwai i kuk yet bilong hatim skin bilong ol, o paia long sindaun klostu long dispela. | |