JAMES
Chapter 3
| Jame | TpiKJPB | 3:1 | ¶ Ol brata bilong mi, no ken stap planti bikman, taim yumi save long yumi bai kisim bikpela pe nogut moa long kot. | |
| Jame | TpiKJPB | 3:2 | Long wanem, long planti samting yumi bagarapim bel bilong olgeta. Sapos wanpela man i no bagarapim bel wantaim toktok, dispela man stret em i inap tru, na inap tu long stiaim gut olgeta hap bilong bodi. | |
| Jame | TpiKJPB | 3:3 | Lukim, yumi putim ol ain insait long maus bilong ol hos, inap long ol i ken bihainim tok bilong yumi. Na yumi tanim nabaut olgeta hap bilong bodi bilong ol. | |
| Jame | TpiKJPB | 3:4 | Lukim tu ol sip, husat maski ol i stap bikpela olsem, na ol strongpela win i ranim ol i go, yet ol man i tanim ol nabaut wantaim wanpela liklik stia tru, long wanem hap we bosman i gat laik. | |
| Jame | TpiKJPB | 3:5 | Yes, olsem tasol tang em i wanpela liklik hap bilong bodi, na i tok hambak long ol bikpela samting. Lukim, liklik paia i ken kirapim wanpela kain bikpela samting moa! | |
| Jame | TpiKJPB | 3:6 | Na tang em i wanpela paia, wanpela samting i pulap tru long sin nogut. Tang em i olsem namel long ol hap bilong bodi bilong yumi, inap long em i mekim olgeta hap bilong bodi i doti, na kirapim paia long wok bilong pasin bilong dispela graun. Na hel i kirapim paia long en. | |
| Jame | TpiKJPB | 3:7 | Long wanem, olgeta wan wan kain bilong ol animal, na bilong ol pisin, na bilong ol snek, na bilong ol samting insait long biksi, man i ken mekim em sindaun isi, na man i bin mekim em sindaun isi. | |
| Jame | TpiKJPB | 3:8 | Tasol i no gat man i ken mekim tang long sindaun isi. Em i wanpela samting nogut man i no inap bosim gut, pulap long marasin nogut bilong mekim man i dai. | |
| Jame | TpiKJPB | 3:9 | Wantaim dispela yumi blesim God, yes, Papa. Na wantaim dispela yumi tok nogutim ol man, husat em i wokim i bihainim samting i wankain olsem God. | |
| Jame | TpiKJPB | 3:10 | Ausait long wanpela maus stret blesing na tok nogut i kam. Ol brata bilong mi, em i no gutpela long ol dispela samting i stap olsem. | |
| Jame | TpiKJPB | 3:11 | Ating wanpela ai bilong wara i sut i salim i kam ausait wara i swit na wara i pait tru long wanpela ples stret? | |
| Jame | TpiKJPB | 3:12 | Diwai fik, ol brata bilong mi, i ken karim ol oliv beri? O wanpela diwai wain, ol fik? Olsem tasol ai bilong wara i sut i no inap givim wara i sol na i klin wantaim. | |
| Jame | TpiKJPB | 3:13 | ¶ Husat em i saveman na i pulap wantaim save namel long yupela? Larim em soim, ausait long gutpela pasin bilong em, ol wok bilong em wantaim pasin bilong stap isi bilong save tru. | |
| Jame | TpiKJPB | 3:14 | Tasol sapos yupela i gat ol mangal tingting i gat pait tru na ol strongpela pait insait long ol bel bilong yupela, no ken glori long dispela, na no ken giaman i birua long tok tru. | |
| Jame | TpiKJPB | 3:15 | Dispela save tru i no kam daun long antap, tasol em i samting bilong dispela graun, em i samting bilong bihainim bodi, na em i samting bilong ol spirit nogut. | |
| Jame | TpiKJPB | 3:16 | Long wanem, we mangal tingting na strongpela pait i stap, i gat pasin paul i stap na olgeta wan wan wok nogut. | |
| Jame | TpiKJPB | 3:17 | Tasol dispela save tru i kam long antap em i klin pastaim, bihain i gat pasin bel isi, pasin isi, na em i isi long mekim strongpela askim long en, pulap long sori na gutpela kaikai, i no gat pasin bilong skelim kranki, na i no gat pasin bilong tupela maus. | |