REVELATION OF JOHN
Chapter 7
| Reve | VulgSist | 7:1 | Post haec vidi quattuor Angelos stantes super quattuor angulos terrae, tenentes quattuor ventos terrae ne flarent super terram, neque super mare, neque in ullam arborem. | |
| Reve | VulgSist | 7:2 | Et vidi alterum Angelum ascendentem ab ortu solis, habentem signum Dei vivi: et clamavit voce magna quattuor Angelis, quibus datum est nocere terrae, et mari, | |
| Reve | VulgSist | 7:3 | dicens: Nolite nocere terrae, et mari, neque arboribus, quoadusque signemus servos Dei nostri in frontibus eorum. | |
| Reve | VulgSist | 7:4 | Et audivi numerum signatorum, centum quadraginta quattuor millia signati, ex omni tribu filiorum Israel. | |
| Reve | VulgSist | 7:5 | Ex tribu Iuda duodecim millia signati: Ex tribu Ruben duodecim millia signati: Ex tribu Gad duodecim millia signati: | |
| Reve | VulgSist | 7:6 | Ex tribu Aser duodecim millia signati: Ex tribu Nephthali duodecim millia signati: Ex tribu Manasse duodecim millia signati: | |
| Reve | VulgSist | 7:7 | Ex tribu Simeon duodecim millia signati: Ex tribu Levi duodecim millia signati: Ex tribu Issachar duodecim millia signati: | |
| Reve | VulgSist | 7:8 | Ex tribu Zabulon duodecim millia signati: Ex tribu Ioseph duodecim millia signati: Ex tribu Beniamin duodecim millia signati. | |
| Reve | VulgSist | 7:9 | Post haec vidi turbam magnam, quam dinumerare nemo poterat ex omnibus gentibus, et tribubus, et populis, et linguis: stantes ante thronum, et in conspectu Agni, amicti stolis albis, et palmae in manibus eorum: | |
| Reve | VulgSist | 7:10 | et clamabant voce magna dicentes: Salus Deo nostro, qui sedet super thronum, et Agno. | |
| Reve | VulgSist | 7:11 | Et omnes Angeli stabant in circuitu throni, et seniorum, et quattuor animalium: et ceciderunt in conspectu throni in facies suas, et adoraverunt Deum, | |
| Reve | VulgSist | 7:12 | dicentes, Amen. Benedictio, et claritas, et sapientia, et gratiarum actio, honor, et virtus, et fortitudo Deo nostro in saecula saeculorum, Amen. | |
| Reve | VulgSist | 7:13 | Et respondit unus de senioribus, et dixit mihi: Hi, qui amicti sunt stolis albis, qui sunt? et unde venerunt? | |
| Reve | VulgSist | 7:14 | Et dixi illi: Domine mi, tu scis. Et dixit mihi: Hi sunt, qui venerunt de tribulatione magna, et laverunt stolas suas, et dealbaverunt eas in sanguine Agni. | |
| Reve | VulgSist | 7:15 | ideo sunt ante thronum Dei, et serviunt ei die ac nocte in templo eius: et qui sedet in throno, habitabit super illos: | |
| Reve | VulgSist | 7:16 | non esurient, neque sitient amplius, nec cadet super illos sol, neque ullus aestus: | |