DEUTERONOMY
Chapter 16
| Deut | TpiKJPB | 16:1 | ¶ Lukaut gut long mun Abip na mekim bikpela kaikai pasova i go long God BIKPELA bilong yu. Long wanem, long mun Abip God BIKPELA bilong yu i bin bringim yu long kamaut long Isip long nait. | |
| Deut | TpiKJPB | 16:2 | Olsem na yu mas mekim ofa bilong kilim animal i dai bilong pasova i go long God BIKPELA bilong yu. Animal i mas i kam long ol sipsip samting na ol bulmakau na yu mas kaikai long ples BIKPELA bai makim long putim nem bilong Em long dispela ples. | |
| Deut | TpiKJPB | 16:3 | Yu no ken kaikai bret i gat yis wantaim em. Yu mas kaikai bret i no gat yis sevenpela de long dispela taim, em bret bilong hevi, long wanem yu bin kamaut long graun bilong Isip long pasin bilong hariap. Mekim long yu ken holim tingting long olgeta de bilong laip bilong yu, long dispela de yu bin kamaut long graun bilong Isip. | |
| Deut | TpiKJPB | 16:4 | Na wanpela i no ken lukim bret i gat yis i stap wantaim yu insait long olgeta arere bilong kantri bilong yu long dispela sevenpela de. Na tu dispela mit bilong ofa bilong kilim animal i dai yu mekim long namba wan de long apinun tru, i no gat wanpela hap bilong dispela i ken i stap olgeta nait inap long moningtaim. | |
| Deut | TpiKJPB | 16:5 | Yu no ken mekim dispela ofa bilong kilim animal i dai bilong pasova insait long wanpela bilong ol dua bilong banis bilong yu, God BIKPELA bilong yu i givim ol long yu. | |
| Deut | TpiKJPB | 16:6 | Tasol long ples God BIKPELA bilong yu bai makim long putim nem bilong Em long em, long dispela ples yu mas mekim ofa bilong kilim animal i dai bilong pasova long apinun tru, long taim san i go daun, long taim bilong yia yu bin kamaut long Isip. | |
| Deut | TpiKJPB | 16:7 | Na yu mas kukim long paia na kaikai dispela long ples God BIKPELA bilong yu bai makim. Na long moningtaim yu mas tanim yu yet na go long ol haus sel bilong yu. | |
| Deut | TpiKJPB | 16:8 | Yu mas kaikai bret i no gat yis sikispela de. Na long de namba seven, wanpela bikpela bung bilong lotu long God BIKPELA bilong yu mas i stap. Yu no ken mekim wok long dispela de. | |
| Deut | TpiKJPB | 16:9 | Yu mas makim sevenpela wik long yu. Stat long makim dispela sevenpela wik taim yu stat long putim sarip long katim ol kon samting. | |
| Deut | TpiKJPB | 16:10 | Yu mas bihainim dispela bikpela kaikai bilong ol wik i go long God BIKPELA bilong yu. Na yu mas kam wantaim planti samting bilong givim wanpela ofa long laik bilong yu yet na i stap long han bilong yu. Yu mas givim dispela long God BIKPELA bilong yu long wankain mak olsem God BIKPELA bilong yu i bin blesim yu. | |
| Deut | TpiKJPB | 16:11 | Na yu mas amamas tru long pes bilong God BIKPELA bilong yu, em yu na pikinini man bilong yu na pikinini meri bilong yu, na wokboi bilong yu na wokmeri bilong yu, na man bilong lain bilong Livai i stap insait long ol dua bilong banis bilong yu, na man bilong narapela kantri, na ol pikinini i no gat papa, na ol meri man bilong em i dai pinis husat i stap namel long yupela. Kaikai dispela long ples God BIKPELA bilong yu i bin makim long putim nem bilong Em long dispela ples. | |
| Deut | TpiKJPB | 16:12 | Na yu mas tingim gen long yu bin i stap slev long Isip. Na yu mas strong long mekim ol dispela strongpela tok i stap long buk. | |
| Deut | TpiKJPB | 16:13 | Yu mas mekim dispela bikpela kaikai bilong ol haus sel long sevenpela de bihain long yu bin bungim ol kon samting bilong yu na ol wain bilong yu. | |
| Deut | TpiKJPB | 16:14 | Na yu mas amamas tru long dispela bikpela kaikai bilong yu, em yu na pikinini man bilong yu na pikinini meri bilong yu, na wokboi bilong yu na wokmeri bilong yu, na man bilong lain bilong Livai, na man bilong narapela kantri, na ol pikinini i no gat papa, na ol meri man bilong em i dai pinis, em ol i stap insait long ol dua bilong banis bilong yu. | |
| Deut | TpiKJPB | 16:15 | Sevenpela de yu mas mekim wanpela bikpela kaikai i go long God BIKPELA bilong yu long ples BIKPELA bai makim. Long wanem God BIKPELA bilong yu bai blesim yu long olgeta samting i kamap planti moa na long olgeta wok bilong ol han bilong yu. Olsem na tru tumas yu mas amamas tru. | |
| Deut | TpiKJPB | 16:16 | Tripela taim long wanpela yia olgeta man na pikinini man bilong yu i mas kam long pes bilong God BIKPELA bilong yu long dispela ples Em bai makim, em long bikpela kaikai bilong bret i no gat yis na long bikpela kaikai bilong ol wik na long bikpela kaikai bilong ol haus sel. Na ol i no ken kam nating long pes bilong BIKPELA. | |
| Deut | TpiKJPB | 16:17 | Olgeta wan wan man i mas givim olsem em inap long bihainim ol blesim bilong God BIKPELA bilong yu long ol samting Em i bin givim yu. | |
| Deut | TpiKJPB | 16:18 | ¶ Yu mas makim ol jas na ol ofisa bilong yu i stap long olgeta dua bilong banis bilong ol biktaun bilong yu God BIKPELA bilong yu i givim yu namel long ol lain bilong yu. Na ol bai skelim tok bilong ol manmeri long stretpela kot. | |
| Deut | TpiKJPB | 16:19 | Yu no ken paulim kot. Yu no ken tingim wanpela man i winim narapela na tu yu no ken kisim presen. Long wanem presen i mekim ol saveman i aipas na krungutim ol tok bilong stretpela man. | |
| Deut | TpiKJPB | 16:20 | Yu mas bihainim ol pasin i stretpela olgeta, bai yu ken i stap laip na kisim olsem i long papa dispela hap graun God BIKPELA bilong yu i givim yu. | |
| Deut | TpiKJPB | 16:21 | Yu no ken planim wanpela bung bilong wanpela kain diwai klostu long alta yu wokim dispela bilong God BIKPELA bilong yu. | |