EZEKIEL
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Chapter 19
| Ezek | TpiKJPB | 19:2 | Na tok, Mama bilong yu em i wanem samting? Em i wanpela laion meri. Em i slip namel long ol laion, em i givim kaikai long ol pikinini bilong em namel long ol yangpela laion. | |
| Ezek | TpiKJPB | 19:3 | Na em i lukautim wanpela pikinini bilong em inap em i bikpela. Em i kamap wanpela yangpela laion, na em i kisim skul long kisim abus. Em i kaikai olgeta ol man. | |
| Ezek | TpiKJPB | 19:4 | Ol kantri tu i harim stori bilong em. Ol i kisim em long bikpela hul bilong ol, na ol i bringim em wantaim ol sen i go long hap bilong Isip. | |
| Ezek | TpiKJPB | 19:5 | Nau taim meri i luksave long em i bin wet, na hop bilong em i lus, nau em i kisim narapela pikinini bilong em, na mekim em i kamap wanpela yangpela laion. | |
| Ezek | TpiKJPB | 19:6 | Na em i go antap na go daun namel long ol laion. Em i kamap wanpela yangpela laion, na kisim skul long kisim abus, na em i kaikai olgeta ol man. | |
| Ezek | TpiKJPB | 19:7 | Na em i save long ol haus king bilong ol i stap nating olgeta, na em i mekim i stap pipia ol biktaun bilong ol. Na dispela hap i stap nating olgeta, na olgeta samting i pulap long en, long nois bilong bikpela krai bilong em. | |
| Ezek | TpiKJPB | 19:8 | Nau ol kantri i strongim ol yet i birua long em long olgeta wan wan sait long ol provins, na opim umben bilong ol antap long em. Ol i kisim em long bikpela hul bilong ol. | |
| Ezek | TpiKJPB | 19:9 | Na ol i putim em long ples wasman long ol sen, na bringim em long king bilong Babilon. Ol i bringim em long ol kalabus, inap long ol man i no ken harim nek bilong em moa antap long ol maunten bilong Isrel. | |
| Ezek | TpiKJPB | 19:10 | ¶ Mama bilong yu i olsem wanpela rop wain insait long blut bilong yu, ol i planim klostu long ol wara. Em i karim planti kaikai na em i pulap long ol han bikos planti wara i stap. | |
| Ezek | TpiKJPB | 19:11 | Na em i gat ol strongpela stik bilong stap ol stik bilong king bilong ol husat i bosim ol man, na antap bilong em i go antap namel long ol patpela han bilong diwai, na em i kamap ples klia long longpela bilong em i go antap wantaim ol planti han tru bilong em. | |
| Ezek | TpiKJPB | 19:12 | Tasol ol i kamautim em wantaim belhat nogut tru, ol i tromoi em i go daun long graun, na is win i mekim kaikai bilong em i drai. Ol strongpela stik bilong em i bruk na i go drai olgeta. Paia i kaikai ol olgeta. | |
| Ezek | TpiKJPB | 19:13 | Na nau ol i planim em pinis long ples i no gat man, long wanpela graun i drai na i sot long wara. | |