GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 22
| Gene | Pohnpeia | 22:1 | Kedekedeo, Koht ahpw ketin song Eipraam; e mahsanihong, “Eipraam!” A Eipraam sapeng, patohwan, “Iet ngehi, Maing!” | |
| Gene | Pohnpeia | 22:2 | Koht ahpw ketin mahsanih, “Ale Aisek, noumw pwutak iehrosen, me ke kin kesempwalki, oh kohla nan wehin Moria. Kowe kohla meirongkihong ie nin duwen meirong isihs ehu pohn nahna me I pahn kasalehiong uhk.” | |
| Gene | Pohnpeia | 22:3 | Eri, nin sohrahn en mandahn rahno, Eipraam ahpw wesehda eh tuwien meirongo, oh audehda nah ahso oh wahda Aisek, iangahki ladu riemen. Re ahpw mwesellahng wasa me Koht ketin mahsanih en patolahng ie. | |
| Gene | Pohnpeia | 22:5 | Ih eri ndaiong eh ladu ko, “Kumwa mihmihte met rehn ahset. Ngehi oh pwutaket pahn kolahng wia kaudok mwo, se ahpw pahn pwurodo rehmwa.” | |
| Gene | Pohnpeia | 22:6 | Eipraam eri kihong Aisek en wahda tuwien meirong ko, a pein ih wahda samwit en kisiniei oh pil naip pwoat. Ni ara kohkohla nanialo, | |
| Gene | Pohnpeia | 22:7 | Aisek ahpw idek reh, “Ipa!” A e sapeng, “Dah mwo, samwa?” Aisek ahpw nda, “I kilikilang samwit en kisiniei oh tuwien meirong kat, a ia sihmpwul mehn meirongen?” | |
| Gene | Pohnpeia | 22:8 | Eipraam sapeng, nda, “Samwa, Koht pahn pein ketikihda ata mehn meirong.” Ira eri dodouluhlla nanialo. | |
| Gene | Pohnpeia | 22:9 | Ni ara lel wasa me Koht ketin kasalehiong Eipraam, e ahpw kauwada pei sarawi ehu oh koasoanediong powe tuwi ko. E ahpw salihedi nah pwutak Aisek oh kidahng pohn kapakap en tuwi ko pohn pei sarawio. | |
| Gene | Pohnpeia | 22:11 | A iet tohnleng en KAUN-O ahpw malipe sang nanleng, mahsanih, “Eipraam, Eipraam!” A e sapeng, “Iet ngehi, Maing.” | |
| Gene | Pohnpeia | 22:12 | Tohnlengo ahpw mahsanih, “Ke dehr sair pwutaken, de wiahiong mehkot. I dehdehkiher uwen omw poadidiong Koht, pwehki omw sohte kahng meirongkihong ie noumw pwutak iehrosen.” | |
| Gene | Pohnpeia | 22:13 | Eipraam ahpw kilikilengseli oh kilangada sihpw wol emen me kode ko tengalahr ni kisin rahntuhke kei. E ahpw kohla ale oh wiahkihla eh mehn meirong isihs wiliandi nah pwutako. | |
| Gene | Pohnpeia | 22:14 | Eipraam ahpw kihong eden wasao, “KAUN-O me ketin Sawaskihda.” Lel rahnwet aramas akan kin kahdanehkihki wasao, “Nahnahn Sawas en KAUN-O.” | |
| Gene | Pohnpeia | 22:16 | “I kahukilahr ni pein mwarei-KAUN-O me mamahsen-me I pahn kapaiaiukada mehlel, pwehki omw wiadahr met oh sohte kahng meirongkihong ie noumw pwutaken. | |
| Gene | Pohnpeia | 22:17 | I inoukihong uhk me I pahn kangederehla kadaudokomw kan duwehte ngeder en usu kan en pahnlahng de ngeder en pihk kan pohn oaroahr kan. Kadaudokomw kan pahn kalowehdi ar imwintihti kan. | |
| Gene | Pohnpeia | 22:18 | Wehi koaros pahn peki I en kapaiairailda nin duwen ei kapaiadahr kadaudokomw kan-pwehki omw kapwaiadahr ei mahseno.” | |
| Gene | Pohnpeia | 22:19 | Eipraam eri pwurala rehn eh ladu ko, re ahpw sapahllahng Peersepa, wasa e kin kousoan ie. | |
| Gene | Pohnpeia | 22:20 | Mwurin ahnsou ehu Eipraam ahpw esehda me Milka naitikihada seri welimen ong rie Nahor: | |
| Gene | Pohnpeia | 22:23 | Petuel semen Repeka. Milka naitikihada pwutak welimen pwukat ong Nahor, rien Eipraam. | |