TpiKJPB - I Chronicles - 13

13:1  ¶ Na Devit i kisim tingting wantaim ol kepten bilong ol tausen na ol handret, na wantaim olgeta wan wan lida.

13:2  Na Devit i tokim olgeta bung bilong ol manmeri bilong Isrel, Sapos em i luk olsem em i gutpela long ai bilong yupela, na sapos em i bilong BIKPELA, God bilong yumi, larim yumi salim tok i go ausait i go long ol brata bilong yumi long olgeta hap, husat i stap yet long olgeta hap bilong Isrel, na wantaim ol tu long ol pris na ol lain Livai husat i stap long ol biktaun na ol ples arere bilong biktaun bilong ol, inap long ol i ken bungim ol yet i kam long yumi.

13:3  Na larim yumi bringim gen bokis kontrak bilong God bilong yumi i kam long yumi. Long wanem, yumi no askim long en long ol de bilong Sol.

13:4  Na olgeta bung bilong ol manmeri i tok long ol bai mekim olsem. Long wanem, dispela samting em i stretpela long ol ai bilong olgeta manmeri.

13:5  Olsem na Devit i bungim olgeta Isrel wantaim, i stat long Saihor bilong Isip, yes, i go inap long ai bilong Hemat, long bringim bokis kontrak bilong God i lusim Kiriat-jerim i kam.

13:6  Na Devit i go antap, na olgeta Isrel, long Beala, em i olsem, long Kiriat-jerim, dispela i bilong Juda, bilong bringim bokis kontrak bilong God BIKPELA i kam antap long dispela ples, husat i stap namel long tupela serupim, husat nem bilong Em ol i putim antap long en.

13:7  Na ol i karim bokis kontrak bilong God long wanpela nupela karis ausait long haus bilong Abinadap. Na Usa na Ahio i ranim karis.

13:8  Na Devit na olgeta Isrel i pilai long ai bilong God wantaim olgeta strong bilong ol, na wantaim pasin bilong singim song, na wantaim ol harp, na wantaim ol kain gita, na wantaim ol liklik kundu, na wantaim ol simbol, na wantaim ol biugel.

13:9  ¶ Na taim ol i kam long plua bilong klinim wit bilong Kidon, Usa i putim han bilong em i go ausait long holimpas bokis kontrak. Long wanem, ol bulmakau man i sutim lek.

13:10  Na belhat bilong BIKPELA i kirap na birua long Usa, na Em i paitim em, bilong wanem, em i putim han bilong em long bokis kontrak. Na em i dai pinis long dispela hap long ai bilong God.

13:11  Na bel bilong Devit i no amamas, bilong wanem, BIKPELA i bin wokim wanpela bruk antap long Usa. Olsem na nem bilong dispela ples ol i kolim Peres-usa inap long tude.

13:12  Na Devit em i pret long God long dispela de, i spik, Bai mi bringim bokis kontrak bilong God i kam long mi long ples olsem wanem?

13:13  Olsem na Devit i no bringim bokis kontrak long em yet long ples long biktaun bilong Devit, tasol em i karim dispela long sait i go long haus bilong man Git Obet-idom.

13:14  Na bokis kontrak bilong God i stap yet wantaim famili bilong Obet-idom long haus bilong em tripela mun. Na BIKPELA i blesim haus bilong Obet-idom, na olgeta samting em i gat.