TpiKJPB - I Chronicles - 5

5:1  ¶ Nau ol pikinini man bilong Ruben, namba wan pikinini bilong Isrel, (long wanem, em i namba wan pikinini, tasol, bikos em i mekim bet bilong papa bilong em doti, rait bilong namba wan pikinini bilong em God i givim long ol pikinini man bilong Josep, pikinini man bilong Isrel. Na lain tumbuna ol i no kaunim nau i bihainim rait bilong namba wan pikinini.

5:2  Long wanem, Juda i winim ol brata bilong em, na long em nambawan hetman i kam. Tasol rait bilong namba wan pikinini em i bilong Josep.)

5:3  Ol pikinini man, mi tok, bilong Ruben, namba wan pikinini bilong Isrel, em, Hanok, na Palu, Hesron, na Karmi.

5:4  Ol pikinini man bilong Joel, pikinini man bilong em Semea, pikinini man bilong em Gok, pikinini man bilong em Simei,

5:5  Pikinini man bilong em Reea, pikinini man bilong em Beal,

5:6  Pikinini man bilong em Bera, husat Tilgat-pilneser, king bilong Asiria, i karim i go kalabus. Em i hetman bilong ol lain Ruben.

5:7  Na ol brata bilong em, long ol famili bilong ol, taim dispela lain tumbuna bilong ol lain tumbuna bilong ol ol i kaunim, ol i nambawan, Jeiel, na Sekaraia,

5:8  Na Bela, pikinini man bilong Asas, pikinini man bilong Sema, pikinini man bilong Joel, husat i stap long Aroa, yes, i go inap long Nibo na Beal-meon.

5:9  Na long hap is em i stap i go inap long ai bilong ples i no gat man i stat long wara Yufretis. Bilong wanem, ol bulmakau samting bilong ol i kamap planti moa long hap bilong Gileat

5:10  Na long ol de bilong Sol ol i wokim bikpela pait wantaim ol lain Hegar, husat i pundaun long han bilong ol. Na ol i stap long ol haus sel bilong ol namel long olgeta hap is bilong hap bilong Gileat

5:11  Na ol pikinini bilong Gat i stap pas klostu long ol, long hap bilong Basan i go inap long Salka,

5:12  Na Joel, nambawan, na Safam bihain long em, na Jeanai, na Safat long Basan.

5:13  Na ol brata bilong ol bilong hauslain bilong ol tumbuna papa bilong ol em, Maikel, na Mesulam, na Siba, na Jorai, na Jakan, na Sia, na Heber, sevenpela.

5:14  Ol dispela em ol pikinini bilong Abihail, pikinini man bilong Huri, pikinini man bilong Jaroa, pikinini man bilong Gileat, pikinini man bilong Maikel, pikinini man bilong Jesisai, pikinini man bilong Jado, pikinini man bilong Bus,

5:15  Ahi, pikinini man bilong Apdiel, pikinini man bilong Guni, nambawan bilong hauslain bilong ol tumbuna papa bilong ol.

5:16  Na ol i stap long Gileat long Basan, na insait long ol taun bilong en, na insait long olgeta ples arere bilong biktaun bilong Saron, long ol hap arere bilong ol.

5:17  Olgeta dispela ol i kaunim long bihainim ol lain tumbuna bilong ol long ol de bilong Jotam, king bilong Juda, na long ol de bilong Jeroboam, king bilong Isrel.

5:18  ¶ Ol pikinini man bilong Ruben, na ol lain Gat, na hap lain bilong Manasa, bilong ol strongpela man bilong pait, ol man husat i inap long karim plang bilong han na bainat, na bilong sutim wantaim banara, na i gat save long bikpela pait, em i 44,760, husat i go ausait long bikpela pait.

5:19  Na ol i wokim bikpela pait wantaim ol lain Hegar, wantaim Jetur, na Nefis, na Nodap.

5:20  Na ol i kisim helpim long birua long ol, na God i givim ol lain Hegar long han bilong ol, na olgeta husat i stap wantaim ol. Long wanem, ol i singaut long God insait long pait, na Em i harim strongpela askim bilong ol. Bilong wanem, ol i putim bilip bilong ol long Em.

5:21  Na ol i tekewe ol bulmakau samting bilong ol, bilong ol kemel, 50,000, na bilong ol sipsip, 250,000, na bilong ol donki, 2,000, na bilong ol dispela man 100,000.

5:22  Long wanem, i gat planti i pundaun i dai pinis, bilong wanem, dispela bikpela pait i kam long God. Na ol i stap long ol ples bilong ol inap long taim bilong kalabus.

5:23  Na ol pikinini bilong hap lain bilong Manasa i stap long dispela hap. Ol i kamap planti moa i stat long Basan i go inap long Beal-hermon na Senir, na i go inap long maunten Hermon.

5:24  Na ol dispela em ol het bilong hauslain bilong ol tumbuna papa bilong ol, yes, Efer, na Isi, na Eliel, na Asriel, na Jeremaia, na Hodavaia, na Jadiel, ol strongpela man tru bilong pait, ol man i gat biknem tru, na ol het bilong hauslain bilong ol tumbuna papa bilong ol.

5:25  Na ol i kalapim lo i birua long God bilong ol tumbuna papa bilong ol, na go pamuk nabaut i bihainim ol god bilong ol manmeri bilong dispela hap, husat God i bagarapim olgeta long ai bilong ol.

5:26  Na God bilong Isrel i kirapim spirit bilong Pul, king bilong Asiria, na spirit bilong Tilgat-pilneser, king bilong Asiria, na em i karim ol i go, yes, ol lain Ruben, na ol lain Gat, na hap lain bilong Manasa, na bringim ol i go inap long Hala, na Habor, na Hara, na i go long wara Gosan, inap long tude.