TpiKJPB - I Chronicles - 23

23:1  ¶ Olsem na taim Devit i lapun na pulap long ol de, em i mekim Solomon, pikinini man bilong em, king long bosim Isrel.

23:2  Na em i bungim olgeta hetman bilong Isrel wantaim, wantaim ol pris na ol lain Livai.

23:3  Nau ol lain Livai ol i kaunim i stat long 30 krismas na i go antap. Na namba bilong ol, long kaunim bilong ol, olgeta wan wan man, em 38,000.

23:4  Bilong dispela, 24,000 ol i go bilong putim wok bilong haus bilong BIKPELA long fran. Na 6,000 em ol ofisa na ol jas.

23:5  Na moa tu 4,000 em ol wasman bilong dua. Na 4,000 i litimapim nem bilong BIKPELA wantaim ol dispela samting bilong wokim musik mi wokim pinis, Devit i tok, long litimapim God wantaim ol.

23:6  Na Devit i brukim ol i go long ol taim bilong wok namel long ol pikinini man bilong Livai, ol i olsem, Gerson, Kohat, na Merari.

23:7  Bilong ol lain Gerson em, Leadan, na Simei.

23:8  Ol pikinini man bilong Leadan, Jehiel nambawan, na Setam, na Joel, tripela.

23:9  Ol pikinini man bilong Simei, Selomit, na Hasiel, na Haran, tripela. Ol dispela em ol nambawan bilong ol tumbuna papa bilong Leadan.

23:10  Na ol pikinini man bilong Simei em, Jahat, Sina, na Jeus, na Beraia. Ol dispela fopela em ol pikinini man bilong Simei.

23:11  Na Jahat em i nambawan, na Sisa namba tu. Tasol Jeus na Beraia i no gat planti pikinini man, olsem na ol i stap long wanpela kaunim, bilong bihainim hauslain bilong tumbuna papa bilong ol.

23:12  Ol pikinini man bilong Kohat, Amram, Ishar, Hibron, na Usiel, fopela.

23:13  Ol pikinini man bilong Amram, Eron na Moses. Na Eron God i brukim, inap long em i ken mekim i kamap holi ol samting i holi moa olgeta, em na ol pikinini man bilong em oltaim oltaim, long kukim insens long ai bilong BIKPELA, long wokim wok long Em, na long blesim long nem bilong Em oltaim oltaim.

23:14  Nau long sait bilong Moses, man bilong God, ol pikinini man bilong em ol i kolim bilong lain Livai.

23:15  Ol pikinini man bilong Moses em, Gersom, na Eleasar.

23:16  Bilong ol pikinini man bilong Gersom, Sebyuel em i nambawan.

23:17  Na ol pikinini man bilong Eleasar em, Rehabaia nambawan. Na Eleasar i no gat ol arapela pikinini man, tasol ol pikinini man bilong Rehabaia em i planti tru.

23:18  Ol pikinini man bilong Ishar, Selomit nambawan.

23:19  Bilong ol pikinini man bilong Hibron, Jeraia namba wan, Amaraia namba tu, Jahasiel namba tri, na Jekameam namba foa.

23:20  Bilong ol pikinini man bilong Usiel, Mika namba wan, na Jesaia namba tu.

23:21  Ol pikinini man bilong Merari, Mali, na Musi. Ol pikinini man bilong Mali, Eleasar, na Kis.

23:22  Na Eleasar i dai pinis, na em i no gat ol pikinini man, ol pikinini meri tasol. Na ol brata bilong ol, ol pikinini man bilong Kis, i kisim ol.

23:23  Ol pikinini man bilong Musi, Mali, na Eder, na Jeremot, tripela.

23:24  ¶ Ol dispela em ol pikinini man bilong Livai i bihainim hauslain bilong ol tumbuna papa bilong ol. Yes, ol nambawan bilong ol tumbuna papa bilong ol, olsem ol i kaunim long namba bilong ol nem bilong ol long ol kaunim bilong ol, husat i mekim wok bilong wok bilong haus bilong BIKPELA, i stat long 20 krismas na i go antap.

23:25  Long wanem, Devit i tok, God BIKPELA bilong Isrel i bin givim malolo long ol lain bilong Em, inap long ol i ken stap long Jerusalem oltaim oltaim.

23:26  Na tu long ol lain Livai. Ol bai i no inap karim moa haus sel holi, o sampela sospen samting bilong en long wok bilong en.

23:27  Long wanem, long ol las hap tok bilong Devit ol i kaunim ol lain Livai i stat long 20 krismas na antap.

23:28  Bilong wanem, wok bilong ol em i bilong mekim wok long ol pikinini man bilong Eron long wok bilong haus bilong BIKPELA, long ol ples op, na long ol rum, na long ol wok bilong mekim olgeta samting holi i kamap klin tru, na wok bilong wok bilong haus bilong God,

23:29  Bilong bret bilong soim, na bilong naispela plaua bilong ofa bilong kaikai, na bilong ol kek i no gat yis, na bilong dispela samting ol i kukim long sospen, na bilong dispela samting ol i praim, na bilong olgeta kain kain bilong skel na sais wantaim,

23:30  Na bilong sanap olgeta wan wan moning bilong tok tenkyu na litimapim nem bilong BIKPELA, na wankain olsem long apinun tru,

23:31  Na bilong ofaim olgeta sakrifais i kuk olgeta i go long BIKPELA long ol sabat, long ol nupela mun, na long ol bikpela kaikai ol i makim, long namba, bilong bihainim oda God i tok strong long ol, olgeta taim long ai bilong BIKPELA,

23:32  Na long ol i ken holimpas wok bilong haus holi bilong bung bilong ol manmeri, na wok bilong ples holi, na wok bilong ol pikinini man bilong Eron, ol brata bilong ol, insait long wok bilong haus bilong BIKPELA.