II THESSALONIANS
Chapter 3
| II T | Kapingam | 3:1 | Madau duaahina-nei, dalodalo i gimaadou, bolo madau helekai mai baahi o tadau Dagi la-gii-dele limalima, gei nia daangada gi-hagalabagau-ina nnelekai aanei, gadoo be-di dele nnelekai i godou baahi. | |
| II T | Kapingam | 3:2 | Dalodalo-ina labelaa gi God gi-daawa gimaadou gi-daha mo digau huaidu, idimaa, digau huogodoo la-digi hagadonu nia helekai aalaa. | |
| II T | Kapingam | 3:3 | Dimaadua le e-manawa-dahi, gei e-hagamaaloo ge e-abaaba goodou gi-daha mo Tangada Huaidu deelaa. | |
| II T | Kapingam | 3:4 | Gimaadou di-madau hagadagadagagee mai baahi Dimaadua bolo goodou e-hagamahi, e-hai madau mee ala ne-agoago-adu gi goodou, gei ga-duudagi-hua beelaa gi-muli. | |
| II T | Kapingam | 3:5 | Tagi gi-heia goodou gi-iloo di aloho o God, ge gi-hagamahi gii-kae di manawa-hagakono dela ne-dugu-mai go Christ. | |
| II T | Kapingam | 3:6 | Madau duaahina-nei, gimaadou e-hagi-ngudu-adu i-di ingoo o tadau Dagi go Jesus Christ, bolo hudee buni-anga gi nia duaahina-daumaha huogodoo ala e-hagatoo ge hagalee daudali madau agoago. | |
| II T | Kapingam | 3:7 | Goodou gu-iloo humalia di-godou mee belee hai, e-daudali madau hangaahai. Gimaadou hagalee nogo hagatoo i godou baahi. | |
| II T | Kapingam | 3:8 | Gimaadou digi kae nia hagamaamaa mai dahi dangada, maa digi huia. Gei gimaadou e-ngalua i-di boo mo-di aa, bolo gi-de-haga-daamaha tei dangada i goodou. | |
| II T | Kapingam | 3:9 | Gimaadou ne-hai beenei, hagalee bolo madau donu ai e-kae madau hagamaamaa mai i godou baahi, gimaadou ne-hai di ala-mee belee daudali go goodou. | |
| II T | Kapingam | 3:10 | Di-madau madagoaa nogo noho i godou baahi, gimaadou gu-helekai-adu, “Tangada dela hagalee hiihai e-ngalua, geia hudee miami.” | |
| II T | Kapingam | 3:11 | Gimaadou e-helekai beenei, idimaa, gimaadou gu-longono bolo ma nia daangada i godou baahi e-nohonoho-hua balumee, nadau mee e-hai-ai, e-haga-deaadee nia moomee nia daangada. | |
| II T | Kapingam | 3:12 | Gimaadou e-helekai gi digau aanei i-di ingoo o tadau Dagi go Jesus Christ, bolo gi-ngalua, e-hagahumalia ginaadou. | |
| II T | Kapingam | 3:14 | Holongo tangada i-golo i godou baahi e-hagalee daudali nia haganoho aanei ala ne-hihi adu go gimaadou i-lodo di-madau lede deenei. Maa tangada beenei i-golo, gei goodou hagailongo-ina, hudee buni-anga gi mee, gei mee ga-langaadia. | |
| II T | Kapingam | 3:15 | Hudee heia a-mee bolo di hagadaumee ni goodou. Aago-ina a-mee be tuaahina-daumaha ni goodou. | |
| II T | Kapingam | 3:16 | Tagi la-go taamada o-di aumaalia, gi-gowadu gi goodou di noho i-di aumaalia i-nia madagoaa huogodoo mo i-nia-ala huogodoo. Tagi gii-noho i godou baahi huogodoo. | |
| II T | Kapingam | 3:17 | Au go Paul e-hihi gi dogu lima-donu boloo: Taga-aloho mai baahi o Paul Deenei dagu hai e-haga-ingoo agu lede huogodoo, deenei dagu hai e-hihi agu mee. | |