ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 62
| Isai | Pohnpeia | 62:1 | I pahn poahngok pwe I en koangngoange Serusalem; I sohte pahn nennenla lao e pahn mourla, oh eh powehdi lao pahn dakerada wasa rasehng ndil ehu nipwong. | |
| Isai | Pohnpeia | 62:2 | Serusalem, wehi kan pahn kilang omw manaman en powehdi! Nanmwarki koaros pahn kilang omw lingan. Mwar kapw ehu pahn kohieng uhk, mwar ehu me pein KAUN-O pahn ketikihda. | |
| Isai | Pohnpeia | 62:4 | Ke solahr pahn adaneki “Me Lekdeklahro,” de sapwomwen solahr pahn adaneki “Lih Kamwohd Lekdeklahro.” Mwar kapw me pahn kohieng uhk iei “Koht Ketin Kupwurperenki Lih Kamwohdo.” Sapwomwo pahn adanekihla “Pwopwoud Peren,” pwehki KAUN-O eh ketin kupwurperkenkin uhk oh pahn rasehng en sapwomwo eh pwoud. | |
| Isai | Pohnpeia | 62:5 | Rasehng mwahnakapw emen me aledahr eh pwoud mweipwon emen, mehmen me wiaiukada pahn pwoudikin uhk. Nin duwen ohl kamwohd emen eh kin perenki lih kamwohdo iei duwen omw Koht eh ketin kupwurperenkin uhk. | |
| Isai | Pohnpeia | 62:6 | Serusalem, I koasoanedier silepe kei pohn omw kehl kan; re sohte pahn nennenla nipwong de nin rahn. Re pahn kin katamanki KAUN-O sapwellime inou kan pwe en dehr likidmeliehla. | |
| Isai | Pohnpeia | 62:7 | Re sohte pahn mweidohng en ketin kommoaldi lao e onehda sapahl Serusalem oh ketin wiahkihla kahnimw ehu me sampah pwon pahn kapinga. | |
| Isai | Pohnpeia | 62:8 | KAUN-O ketin wiahda inou lap ehu, oh sang ni sapwellime manaman eh pahn ketin kapwaiada: “Amwail wahnsapw akan solahr pahn wia mehn tungoal ong amwail imwintihti kan, oh mehn liki kan solahr pahn nim amwail wain. | |
| Isai | Pohnpeia | 62:9 | Ahpw kumwail me padokedi oh dolung amwail wahnsahpw pahn tungoale pilawa oh kapikapinga KAUN-O. Kumwail me apwalih oh rikpene kreip kan pahn nim wain nan kehl en ei Tehnpas Sarawio.” | |
| Isai | Pohnpeia | 62:10 | Mehn Serusalem kan, kumwail pedohisang nan kahnimwo oh wiahda apwoat ahl ong amwail aramas akan me pahn sapahldo! Kumwail kaunopada apwoat ahllap; kumwail rikasang kisin takai kan loale! Kumwail wiahda ehu kilel ong wehi kan pwe re en ese | |
| Isai | Pohnpeia | 62:11 | me KAUN-O wiewia sapwellime pakair ong sampah pokon: “Kumwail ndahng mehn Serusalem kan me KAUN-O ketiket kodohn komourkumwailla, ketiki kohdo aramas akan me e ketin kapitalahr.” | |