MALACHI
Chapter 3
Mala | LinVB | 3:1 | Tala, nakotinda ntoma wa ngai. Akobongisa nzela liboso lya ngai. Akoyingela o Tempelo na mbalakaka, Mokonzi oyo boluki, na anzelu wa bondeko, oyo bolingi. Yawe wa bokasi bonso alobi : « Tala,azalikoya ! » | |
Mala | LinVB | 3:2 | Kasi nani akobika o mokolo mwa boyei bwa ye ? Nani akoteleme naino mokolo akobima ? Mpamba te, akozala lokola móto mwa motuli, mpe lokola mai ma mosukoli bilamba. | |
Mala | LinVB | 3:3 | Akofanda mpo ya konyangwisa mpe kopetola bana ba Levi, lokola bakopetolaka wolo na palata. Bongo nde bakoki kobonzela Yawe mabonza malongobani. | |
Mala | LinVB | 3:4 | Yawe akosepela lisusu na mabonza ma Yuda mpe ma Yeruzalem, lokola asepelaka na mango o ntango ya kala. | |
Mala | LinVB | 3:5 | Yawe wa bokasi bonso alobi : « Ntango nakoya kosambisa bino, nakofunda baye bakosalelaka banzambe ba lokuta, bato ba bokali, bato bakolayaka ndai ya lokuta na baye bakokutolaka lifuta lya basali, baye bakonyokoloko basi bazenge, bana bitike na bampaya, baye banso bakobangaka ngai te. | |
Mala | LinVB | 3:6 | Solo, ngai Yawe nakobongwanaka te. Kasi bino, bana ba Yakob, bokotikaka makambo ma bino te. | |
Mala | LinVB | 3:7 | Banda ntango ya bankoko bokotikaka mibeko mya ngai mpe bokotosaka myango te. Yawe wa bokasi bonso alobi : Bozongela ngai mpe ngai nakozongela bino ! Bino bolobi : « Tozonga ndenge nini ? » | |
Mala | LinVB | 3:8 | Moto akoki nde kokosa Nzambe ? Kasi bino bokokosaka ngai. Bolobi : « Tokosi ye ndenge nini ? » Bokokosaka ngai na makambo matali eteni ya zomi ya biloko mpe na bofuti mpako. | |
Mala | LinVB | 3:10 | Boyela ngai mpako ya bino mobimba o ndako ya mosolo, mpo ’te biloko bya bolei bikoka o ndako ya ngai, mpe bomeka ngai soko ya solo nakofungola maziba ma likolo te, mpo ya kosalisa bino mpe kobenisa bino na bopesi makabo ebele. | |
Mala | LinVB | 3:11 | Yawe wa bokasi bonso alobi : Nakopekisa mapalela másilisa mbuma ya bilanga te, mpo ’te nzete ya vino ibota mbuma mingi. | |
Mala | LinVB | 3:12 | Yawe wa bokasi bonso alobi : Bato ba bikolo binso bakotanga bino bato ba esengo, mpo bokokoma na mokili mwa bomengo. » | |
Mala | LinVB | 3:13 | Yawe alobi : Maloba ma bino makoyokisaka ngai nkanda soko botuni ngai : « Mabe ma yo nini tolobaki ? » | |
Mala | LinVB | 3:14 | Bolobaki : « Kosalela Nzambe ezali na ntina te. Tokozwa litomba nini soko totosi mibeko mya Yawe wa bokasi bonso mpe tosali lilaka ? » | |
Mala | LinVB | 3:15 | Sikawa tomoni ’te bato ba lofundo bakozwaka bolamu ; baye bakosalaka mabe bazali na bomengo ; ata batii ntembe na Nzambe, bakolonga ! | |
Mala | LinVB | 3:16 | O ntango ena baye bakobangaka Nzambe bakomi kolobana. Kasi Yawe ayoki bango. Buku ekomami o miso ma ye mpo ya kokundola makambo ma baye bakobangaka Yawe mpe bakokumisaka Nkombo ya ye. | |
Mala | LinVB | 3:17 | Yawe wa bokasi bonso alobi boye : Bango bakozala bato ba ngai mpenza mokolo moye ngai nalengeli. Nakoyokela bango mawa lokola tata akoyokelaka mwana wa ye mawa, mwana oyo akosalelaka ye. | |
Mala | LinVB | 3:18 | Mokolo mona bokomono bokeseni kati ya moto semba na moto mabe, kati ya moto akosalelaka Nzambe na moto akosalelaka ye te. | |
Mala | LinVB | 3:19 | Boyeba ’te mokolo mona mozali koya lokola móto monene. Yawe wa bokasi bonso alobi : Bato ba lofundo na bato babe bakozika lokola matiti makauka, ntina yoko to etapi yoko ekotikala te. | |
Mala | LinVB | 3:20 | Kasi bino bato bokokumisaka Nkombo ya ngai, moi mwa bosembo mokongengele bino mpe mokoyela bino libiki. Bokotambola mpe bokodondwa lokola bana ba ngombe bakoleisaka malamu. | |
Mala | LinVB | 3:21 | Yawe wa bokasi bonso alobi : Bino bokonyata bato babe. Mokolo nalengeli, bango bakozala lokola mputulu ya makala o nse ya makolo ma bino. | |
Mala | LinVB | 3:22 | Bokundola Mobeko mwa Moze, mosaleli wa ngai. Napesaki ye mibeko mpe mimeseno mpo ya Israel mobimba o ngomba Oreb. | |
Mala | LinVB | 3:23 | Tala, nakotindela bino profeta Elia liboso ’te mokolo moye monene mpe mwa nsomo moya. | |