Esperanto - Psalms - 82

82:1  Dio stariĝis en Dia anaro; Inter la dioj Li juĝas.

82:2  Ĝis kiam vi juĝos maljuste, Kaj privilegios la personojn de malvirtuloj? Sela.

82:3  Estu justaj al malriĉulo kaj orfo; Rilate afliktiton kaj senhavulon estu virtaj.

82:4  Liberigu malriĉulon kaj mizerulon; El la mano de malvirtulo ilin savu.

82:5  Ili ne scias kaj ne komprenas, En mallumo ili marŝas; Ekŝanceliĝis ĉiuj fundamentoj de la tero.

82:6  Mi diris: Vi estas dioj, Kaj ĉiuj vi estas filoj de la Plejaltulo;

82:7  Sed vi mortos, kiel homoj, Kaj vi falos, kiel ĉiu el la potenculoj.

82:8  Leviĝu, ho Dio, juĝu la teron; Ĉar Vi heredas ĉiujn popolojn.