TpiKJPB - Revelation of John - 3

3:1  ¶ Na raitim i go long ensel bilong sios i stap long Sardis, Ol dispela samting em tok bilong em husat i gat dispela sevenpela Spirit bilong God, na dispela sevenpela sta. Mi save long ol wok bilong yu, long yu gat nem long yu stap laip, na yu stap daiman.

3:2  Was gut, na strongim ol dispela samting i stap yet, dispela i redi long dai. Long wanem, mi no bin lukim olsem ol wok bilong yu i inap tru long ai bilong God.

3:3  Olsem na holim tingting long yu bin kisim na harim olsem wanem, na holimpas strong, na tanim bel. Olsem na sapos yu no laik was, mi bai kam long yu olsem stilman, na yu bai i no inap save long wanem aua mi bai kam long yu.

3:4  Yu gat wan wan nem, yes, long Sardis husat i no bin mekim ol klos bilong ol doti. Na ol bai wokabaut wantaim mi long waitpela klos. Long wanem, ol i gat namba inap.

3:5  Em husat i winim, em stret bai pasim waitpela klos. Na mi bai i no inap rausim i go nem bilong em ausait long buk bilong laip, tasol mi bai tok yes long nem bilong em long ai bilong Papa bilong mi, na long ai bilong ol ensel bilong em.

3:6  Em husat i gat ia, larim em harim wanem samting Spirit i tokim ol sios.

3:7  ¶ Na raitim long ensel bilong sios i stap long Filadelfia, Ol dispela samting em tok bilong em husat i holi, em husat i tru, em husat i gat ki bilong Devit, em husat i opim, na i no gat man i pasim, na pasim, na i no gat man i opim.

3:8  Mi save long ol wok bilong yu. Lukim, mi bin putim long ai bilong yu wanpela dua i op, na i no gat man i ken pasim dispela. Long wanem, yu gat liklik strong, na yu bin holimpas tok bilong mi, na yu no bin tok nogat long nem bilong mi.

3:9  Lukim, mi bai mekim ol bilong sinagog bilong Seten, husat i tok ol i ol Ju, na ol i no ol Ju, tasol ol i giaman, lukim, mi bai mekim ol long kam na lotu long ai bilong ol fut bilong yu, na long save tru long mi bin laikim yu tru.

3:10  Bikos yu bin holimpas tok bilong sanap strong long traim bilong mi, mi tu bai pasim yu longwe long dispela aua bilong traim, dispela i bai kam antap long olgeta dispela graun, long traim ol husat i stap long dispela graun.

3:11  Lukim, mi bai kam kwiktaim. Holimpas strong dispela samting yu gat, inap long i no gat man i kisim hat king bilong yu.

3:12  Em husat i winim bai mi mekim wanpela bikpela pos insait long tempel bilong God bilong mi, na em bai i no inap go ausait moa. Na mi bai raitim antap long em nem bilong God bilong mi, na nem bilong biktaun bilong God bilong mi, dispela em i nupela Jerusalem, dispela i kam daun ausait long heven i lusim God bilong mi. Na mi bai raitim antap long em nupela nem bilong mi.

3:13  Em husat i gat ia, larim em harim wanem samting Spirit i tokim ol sios.

3:14  ¶ Na raitim i go long ensel bilong sios bilong ol lain bilong Leodisia, Ol dispela samting em tok bilong dispela Amen, witnes yu inap bilip long em na i tru, stat bilong samting God i kamapim long nating.

3:15  Mi save long ol wok bilong yu, long yu no stap kolpela o hatpela. Mi gat laik long yu stap kolpela o hatpela.

3:16  Olsem nau bikos yu stap hatpela liklik tasol, na i no kolpela o hatpela, mi bai trautim yu long maus bilong mi.

3:17  Bilong wanem, yu tok, Mi stap maniman, na mi pulap wantaim ol kago, na mi no gat nid long wanpela samting. Na yu no save long yu stap bagarap tru, na yu pulap long ol hevi nogut, na yu rabisman, na yu aipas, na yu skin nating.

3:18  Mi givim tok helpim long yu long baim long mi gol ol i traim insait long paia, inap long yu ken stap maniman, na waitpela klos, inap long yu ken gat klos, na inap long sem bilong skin nating bilong yu i no kamap ples klia. Na welim tupela ai bilong yu wantaim gris marasin bilong ai, inap long yu ken lukluk.

3:19  Hamas man mi laikim tru, mi hatim na stikim. Olsem na hatwok long bihainim mi, na tanim bel.

3:20  Lukim, mi sanap long dua, na paitim. Sapos wanpela man i harim nek bilong mi, na opim dua, mi bai kam insait long em, na mi bai kaikai wantaim em, na em wantaim mi.

3:21  Long em husat i win bai mi tok orait long sindaun wantaim mi long sia king bilong mi, yes, olsem mi tu i bin win, na sindaun wantaim Papa bilong mi long sia king bilong em.

3:22  Em husat i gat ia, larim em harim wanem samting Spirit i tok long ol sios.