TpiKJPB - Zechariah - 8

8:1  ¶ Na gen tok bilong BIKPELA bilong ol ami i kam long mi, i spik,

8:2  BIKPELA bilong ol ami i tok olsem, Mi jeles long Saion wantaim wanpela bikpela pasin jeles, na Mi jeles long em wantaim bikpela belhat nogut tru.

8:3  BIKPELA i tok olsem, Mi kam bek long Saion, na Mi bai stap insait long namel bilong Jerusalem. Na Jerusalem bai ol i kolim wanpela biktaun bilong tok tru. Na ol bai kolim maunten bilong BIKPELA bilong ol ami dispela maunten holi.

8:4  BIKPELA bilong ol ami i tok olsem, Bai i gat yet ol lapun man na ol lapun meri i stap long ol rot bilong Jerusalem, na olgeta wan wan man wantaim stik wokabaut bilong em long han bilong em, long wanem, ol i lapun tru.

8:5  Na ol rot bilong biktaun bai stap pulap long ol pikinini man na ol pikinini meri i pilai long ol rot bilong en.

8:6  BIKPELA bilong ol ami i tok olsem, Sapos em i wanpela wok long ol ai bilong ol hap lain i stap yet bilong dispela lain manmeri long ol dispela de i mekim ol i tingting planti, ating em tu bai stap wok long tupela ai bilong Mi i mekim Mi tingting planti, BIKPELA bilong ol ami i tok?

8:7  BIKPELA bilong ol ami i tok olsem, Lukim, Mi bai kisim bek ol manmeri bilong Mi long hap bilong hap is, na long hap bilong hap wes.

8:8  Na Mi bai bringim ol, na ol bai stap insait long namel bilong Jerusalem. Na ol bai stap ol manmeri bilong Mi, na Mi bai stap God bilong ol, long pasin i tru na long stretpela pasin.

8:9  ¶ BIKPELA bilong ol ami i tok olsem, Larim ol han bilong yupela stap strong, yupela husat i harim long ol dispela de ol dispela toktok long maus bilong ol profet, husat i stap long dispela de ol i slipim ol as ston bilong haus bilong BIKPELA bilong ol ami, inap long ol i ken wokim tempel.

8:10  Long wanem, bipo long ol dispela de i no gat wanpela rot bilong baim man, o wanpela rot bilong baim animal. Na tu i no gat bel isi i stap liklik long em husat i go ausait o i kam insait, bilong wanem, taim bilong kisim hevi i stap. Long wanem, Mi putim olgeta man, olgeta wan wan, i birua long man i stap klostu long em.

8:11  Tasol nau Mi bai i no inap i stap long lain i stap yet bilong dispela lain manmeri olsem long ol de bipo, BIKPELA bilong ol ami i tok.

8:12  Long wanem, pikinini kaikai bai kamap gutpela. Diwai wain bai givim kaikai bilong em, na graun bai givim kaikai bilong em, na ol heven bai givim wara bilong nait bilong ol. Na Mi bai mekim hap lain i stap yet bilong dispela lain manmeri bilong holimpas olgeta dispela ol samting.

8:13  Na em bai kamap olsem, long olsem yupela i bin stap wanpela tok nogut namel long ol haiden, O hauslain bilong Juda, na hauslain bilong Isrel, olsem tasol bai Mi kisim bek yupela, na yupela bai stap wanpela blesing. No ken pret, tasol larim ol han bilong yupela stap strong.

8:14  Long wanem, BIKPELA bilong ol ami i tok olsem, Olsem Mi tingting long wokim mekim save long yupela, taim ol tumbuna papa bilong yupela i skrapim bel bilong Mi long belhat tru, BIKPELA bilong ol ami i tok, na Mi no tanim bel,

8:15  Olsem tasol Mi bin tingting gen long ol dispela de, bilong mekim gutpela long Jerusalem na long hauslain bilong Juda. Yupela i no ken pret.

8:16  Ol dispela em i ol samting yupela bai mekim, Yupela toktok long olgeta wan wan man long tok tru i go long man i stap klostu long em. Mekim kot bilong tok tru na bel isi insait long ol dua bilong banis bilong yupela.

8:17  Na yupela i no ken larim wanpela bilong yupela wokim tingting nating nogut long ol bel bilong yupela i birua long man i stap klostu long em. Na yupela i no ken laikim tru giaman strongpela promis. Long wanem, olgeta dispela samting em i ol samting Mi hetim, BIKPELA i tok.

8:18  ¶ Na tok bilong BIKPELA bilong ol ami i kam long mi, i spik,

8:19  BIKPELA bilong ol ami i tok olsem, Tambuim kaikai bilong namba foa mun, na tambuim kaikai bilong namba faiv, na tambuim kaikai bilong namba seven, na tambuim kaikai bilong namba ten, bai stap long hauslain bilong Juda amamas tru na amamas, na ol bikpela kaikai i gat amamas. Olsem na laikim tru tok tru na bel isi.

8:20  BIKPELA bilong ol ami i tok olsem, Em bai kamap olsem yet, long bai ol manmeri i kam, na ol lain i stap long planti biktaun.

8:21  Na ol lain i stap long wanpela biktaun bai go long narapela, i spik, Larim yumi go hariap long beten long ai bilong BIKPELA, na long painim BIKPELA bilong ol ami. Mi bai go tu.

8:22  Yes, planti manmeri na ol strongpela kantri bai kam bilong painim BIKPELA bilong ol ami long Jerusalem, na bilong beten long ai bilong BIKPELA.

8:23  BIKPELA bilong ol ami i tok olsem, Long ol dispela de em bai kamap olsem, long tenpela man bai holimpas ausait long olgeta tok ples bilong ol kantri, yes, ol bai holimpas long arere bilong klos bilong em husat i wanpela Ju, i spik, Mipela bai go wantaim yu. Long wanem, mipela bin harim long God i stap wantaim yu.