ZEPHANIAH
Chapter 3
| Zeph | Wycliffe | 3:2 | It herde not the vois of the Lord, and resseyuede not techyng, ether chastisyng; it tristenyde not in the Lord, it neiyide not to her God. | |
| Zeph | Wycliffe | 3:3 | Princes therof in myddil therof weren as liouns rorynge; iugis therof weren wolues, in the euentid thei leften not in to morewe. | |
| Zeph | Wycliffe | 3:4 | Profetis therof weren woode, vnfeithful men; prestis therof defouliden hooli thing, thei diden vniustli ayens the lawe. | |
| Zeph | Wycliffe | 3:5 | The Lord iust in the myddil therof, schal not do wickidnesse; erli, erli he schal yyue his dom in liyt, and it schal not be hid; forsothe the wickid puple knew not confusioun. | |
| Zeph | Wycliffe | 3:6 | Y loste folkis, and the corneris of hem ben distried; Y made the weies of hem desert, while there is not that schal passe. The citees of hem ben desolat, for a man is not left, nether ony dwellere. | |
| Zeph | Wycliffe | 3:7 | Y seide, Netheles thou schalt drede me, thou schalt resseyue techyng; and the dwellyng place therof schal not perische, for alle thingis in whiche Y visitide it; netheles ful eerli thei risynge han corrupt alle her thouytis. | |
| Zeph | Wycliffe | 3:8 | Wherfor abide thou me, seith the Lord, in the dai of my rysyng ayen in to comynge. For my doom is, that Y gadere folkis, and Y schal gadere rewmes; and Y schal schede out on hem myn indignacioun, and al wraththe of my strong veniaunce; for in fier of my feruour al erthe schal be deuourid. | |
| Zeph | Wycliffe | 3:9 | For thanne Y schal yelde to puplis a chosun lippe, that alle clepe inwardli in the name of the Lord, and serue to hym with o schuldre. | |
| Zeph | Wycliffe | 3:10 | Ouer the floodis of Ethiopie, fro thens my bisecheris, the sones of my scaterid men, schulen brynge yifte to me. | |
| Zeph | Wycliffe | 3:11 | In that day thou schalt not be confoundid on alle thi fyndyngis, in whiche thou trespassidist ayens me; for thanne Y schal take awei fro the myddil of thee grete spekeris of thi pride, and thou schalt no more put to, for to be enhaunsid in myn hooli hil. | |
| Zeph | Wycliffe | 3:12 | And Y schal leeue in the myddil of thee a pore puple and nedi; and thei schulen hope in the name of the Lord. | |
| Zeph | Wycliffe | 3:13 | The relifs of Israel schulen not do wickidnesse, nether schulen speke leesyng, and a gileful tunge schal not be foundun in the mouth of hem; for thei schulen be fed, and schulen reste, and ther schal not be that schal make aferd. | |
| Zeph | Wycliffe | 3:14 | These thingis seith the Lord, Douyter of Sion, herie thou hertli, synge thou, Israel; be thou glad, and make thou ioie withoutforth in al thin herte, thou douyter of Jerusalem. | |
| Zeph | Wycliffe | 3:15 | The Lord hath take a wei thi dom, hath turned a wey thin enemyes; the kyng of Israel the Lord is in myddil of thee, thou schalt no more drede yuel. | |
| Zeph | Wycliffe | 3:16 | In that dai it schal be seid, Jerusalem, nyle thou drede; Sion, thin hondis be not clumsid. | |
| Zeph | Wycliffe | 3:17 | Thi Lord God is strong in the myddil of thee, he schal saue; he schal make ioie on thee in gladnesse, he schal be stille in thi louyng, he schal make ioie withoutforth on thee in heriyng. | |
| Zeph | Wycliffe | 3:18 | Y schal gadere the foolis, ether veyn men, that wenten awei fro the lawe, for thei weren of thee, that thou haue no more schenschipe on hem. | |
| Zeph | Wycliffe | 3:19 | Lo! Y schal sle alle men that turmentiden thee in that tyme, and Y schal saue him that haltith, and Y schal gadere hir that was cast out; and Y schal putte hem in to heriyng, and in to name in ech lond of confusioun of hem, in that tyme in which Y schal brynge you, | |