GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 48
| Gene | Azeri | 48:1 | بئر مودّت سونرا يوسئفه ددئلر: "آتان ناخوشدور." او، ائکي اوغلونو، مِنَسّه و اِفرايئمي اؤزو ائله گؤتوردو. | |
| Gene | Azeri | 48:2 | يعقوبا خبر ورئب ددئلر: "باخ، اوغلون يوسئف يانينا گلئر." ائسرايئل گوجونو ييغيب، ياتاغي اوستونده اوتوردو. | |
| Gene | Azeri | 48:3 | يعقوب يوسئفه ددي: "قادئری‌موطلق تاري کَنَعان تورپاغيندا اولان لوزدا منه گؤروندو و برکت وردی. | |
| Gene | Azeri | 48:4 | او منه بله ددي: «باخ من سني ثمره‌لي ادئب، نسلئني چوخالداجاغام، سندن چوخلو خالقلار تؤره‌ده‌جيم. بو تورپاغي سندن سونرا گلن اؤولادلارينا مولک اولاراق همئشه‌لئک وره‌جيم.» | |
| Gene | Azeri | 48:5 | ائندي سنئن يانينا، مئصئره گلمه‌دن قاباق مئصئر تورپاغيندا سنه دوغولان ائکي اوغلون دا منئمدئر: اِفرايئم و مِنَسّه رِعوبئنله شمعون کئمي منئمکي اولاجاق. | |
| Gene | Azeri | 48:6 | آمّا اونلاردان سونرا سنئن اوچون دوغولان اوشاقلار سنئنکي اولاجاق، اؤز مئراث تورپاقلاريندا قارداشلارينين آدلاري ائله قيد اولوناجاق. | |
| Gene | Azeri | 48:7 | من پَدّاندان گلنده کَنَعان تورپاغيندا اِفراتا ياخين يرده راحئل يانيمدا اؤلدو. اونو اِله اورادا، اِفرات يولوندا، يعني بِيت‌لِخِمده باسديرديم." | |
| Gene | Azeri | 48:9 | يوسئف آتاسينا جاواب وردی: "تارينين بورادا منه وردئيي اوغوللاردير." ائسرايئل ددي: "اونلاري يانيما گتئر، برکت ورئم." | |
| Gene | Azeri | 48:10 | ائسرايئل آرتيق قوجالميش، گؤزلري ده ضعئفله‌مئشدي و گؤره بئلمئردي. او واخت يوسئف، اوغوللاريني اونا ياخينلاشديردي و ائسرايئل اونلاري اؤپوب قوجاقلادي. | |
| Gene | Azeri | 48:11 | سونرا ائسرايئل يوسئفه ددي: "دوشونموردوم کي، اوزونو بئر ده گؤره‌رم، آمّا باخ، تاري منه سنئن اؤولادلاريني دا گؤرستدي." | |
| Gene | Azeri | 48:13 | يوسئف اوغوللارين ائکئسئني ده گؤتوروب، اِفرايئمي صاغ اَلي ائله ائسرايئلئن سول طرفئنه، مِنَسّه‌ني ده سول اَلي ائله ائسرايئلئن صاغ طرفئنه چکئب اونا ياخينلاشديردي. | |
| Gene | Azeri | 48:14 | ائسرايئل اَللرئني چارپاز اوزاتدي: صاغ اَلئني کئچئک اولان اِفرايئمئن، سول اَلئني ده مِنَسّه‌نئن باشينا قويدو. گرچي مِنَسّه ائلک اوغول ائدي. | |
| Gene | Azeri | 48:15 | ائسرايئل يوسئفه برکت وره‌رَک بله ددي: "آتالاريم ائبراهئم و ائسحاقين خئدمت اتدئيي تاري، عؤمرومون بويو قدر منه چوبانليق ادن تاري، | |
| Gene | Azeri | 48:16 | منی بوتون پئسلئکلردن خئلاص ادن مَلَک، قوي بو اوشاقلارا دا برکت ورسئن! قوي منئم آدئم، آتالاريم ائبراهئم و ائسحاقين آدي بو اوشاقلارلا ياشاسين. ير اوزونده چوخالديقجا چوخالسين!" | |
| Gene | Azeri | 48:17 | يوسئف آتاسينين صاغ اَلئني اِفرايئمئن باشينا قويدوغونو گؤردو و بو، اونون خوشونا گلمه‌دي. او، ائسته‌دی کی، آتاسينين اَلئني اِفرايئمئن باشيندان گؤتوروب، مِنَسّه‌نئن باشينا قويسون. | |
| Gene | Azeri | 48:18 | بونا گؤره ده آتاسينا ددي: "آتا، بله دوز ديئل. ائلک اوغول مِنَسّه‌دئر، صاغ اَلئني اونون باشينا قوي." | |
| Gene | Azeri | 48:19 | لاکئن آتاسي ائستَمه‌يئب ددي: "بئلئرم، اوغلوم، بئلئرم؛ مِنَسّه‌نئن نسلئندن ده بؤيوک بئر خالق اولاجاق. لاکئن کئچئک قارداش بؤيوک قارداشدان بؤيوک اولاجاق و اونون نسلئندن بئر چوخ مئلّت دوغاجاق." | |
| Gene | Azeri | 48:20 | او گون ائسرايئل نوه‌لرئنه برکت وره‌رک ددي: "ائسرايئل نسلي، سنئن آدينلا بَرَکتلَيئب دئيه‌جک: "تاري سنی اِفرايئم و مِنَسّه کئمي اتسئن" يعقوب بلجه اِفرايئمي مِنَسّه‌دن اوستون توتدو. | |
| Gene | Azeri | 48:21 | ائسرايئل يوسئفه ددي: "باخ، آرتيق من اؤلورَم، آمّا تاري سئزئنله اولاجاق، سئزي آتالارينيزين تورپاغينا قايتاراجاق. | |