I KINGS
Chapter 10
I Ki | CSlEliza | 10:1 | И царица Савска услыша имя Соломоне и имя Господне, и прииде искусити его притчами: | |
I Ki | CSlEliza | 10:2 | и прииде во Иерусалим с силою тяжкою зело: и на велблюдех привезоша ароматы и злата много зело, и камение драгое: и вниде к Соломону и глагола ему вся, елика име на сердцы своем. | |
I Ki | CSlEliza | 10:3 | И возвести ей Соломон вся глаголы ея: и не бе слово презрено от царя, егоже не возвести ей. | |
I Ki | CSlEliza | 10:5 | и снеди Соломони, и жилища отроков его, и предстояние служащих ему, и облачение его, и виночерпцы его, и всесожжения его, яже приношаше во храме Господни, и вне себе бысть, | |
I Ki | CSlEliza | 10:7 | о словесех твоих и о смысле твоем: и не ях веры глаголющым ми, дондеже приидох семо, и видеста очи мои: и се, несть ни пол того, якоже ми поведаша: приложил еси премудрость и благая к сим паче всякаго слуха, егоже слышах в земли моей: | |
I Ki | CSlEliza | 10:8 | блаженны жены твоя, блажени отроцы твои сии, иже предстоят пред тобою всегда, слышаще всякий смысл твой: | |
I Ki | CSlEliza | 10:9 | буди Господь Бог твой благословен, иже восхоте тя дати на престол Израилев, понеже возлюби Господь Израиля утвердити во веки и постави тя царя над ними творити суд в правде и в судбах их. | |
I Ki | CSlEliza | 10:10 | И даде Соломону сто и двадесять талант злата, и ароматы многи зело, и камение драгое: не приидоша еще таковыя ароматы во множестве, яже даде царица Савска царю Соломону. | |
I Ki | CSlEliza | 10:11 | И корабль Хирамль приносящь злато из Софира, (и) принесе древа нетесана многа зело, и камение драгое. | |
I Ki | CSlEliza | 10:12 | И сотвори царь древом нетесаным подпоры храму Господню и дому цареву, и сопели и гусли певцем: не приидоша по сем таковая древеса нетесаная на земли, ниже видена быша где даже до дне сего. | |
I Ki | CSlEliza | 10:13 | И царь Соломон даде царице Савстей вся, елика восхоте и елики проси у него, кроме всех, яже даде ей рукама своима Соломон царь, и возвратися, и отиде в землю свою, сама и вси отроцы ея. | |
I Ki | CSlEliza | 10:14 | И бе вес принесеннаго злата Соломону во едино лето шесть сот и шестьдесят и шесть талант злата, | |
I Ki | CSlEliza | 10:15 | кроме даней от подданных и от купцов и от всех царей странных и от воевод земных. | |
I Ki | CSlEliza | 10:16 | И сотвори царь Соломон триста копий златых кованных, по триста златых во едино копие вдела: | |
I Ki | CSlEliza | 10:17 | и триста щитов кованных златых, по три литры злата бяше на коемждо щите: и даде я царь во храм дубравы Ливанския. | |
I Ki | CSlEliza | 10:19 | шесть степеней престолу, и образы телцов престолу созади, и верх престола кругл бе созади его, и руце сюду и сюду на престоле седалища, и два льва стояща при руках, | |
I Ki | CSlEliza | 10:20 | и дванадесять львы стояще ту на шести степенех сюду и сюду: не бяше тако во всяком царстве. | |
I Ki | CSlEliza | 10:21 | И вси сосуди, иже бяху при царе Соломоне, злати беша, и умывалницы златы и вси сосуди в храме дубравы Ливанския златокованны: не бяше сребра, понеже за ничто бе сребро во дни Соломони: | |
I Ki | CSlEliza | 10:22 | корабль бо Фарсийский царю Соломону на мори с корабли Хирамлими, единою во триех летех прихождаше цареви корабль из Фарсиса и приношаше злато и сребро, и зубы слоновы, и пифики и павы, и камение точеное и тесаное. | |
I Ki | CSlEliza | 10:24 | И вси царие земстии искаху видети лице Соломона, еже бы услышати смысла его, егоже даде ему Господь в сердцы его: | |
I Ki | CSlEliza | 10:25 | и тии приношаху кийждо дары своя, и сосуды златы и сребряны, и ризы, стакти и сладкости, и кони и мски на всякое лето. | |
I Ki | CSlEliza | 10:26 | И собра Соломон колесницы и кони, и бяху Соломону четыредесять тысящ кобылиц в колесницы, и дванадесять тысящ конных: и постави я во градех колесниц, а (друзии бяху) у царя во Иерусалиме: и бе властелин всем царем от реки и до земли иноплеменник и до предел Египта. | |
I Ki | CSlEliza | 10:27 | И сложи царь злато и сребро во Иерусалиме якоже камение, и кедры сложи якоже черничие, еже на поли во множестве. | |
I Ki | CSlEliza | 10:28 | И привождаху Соломону кони от Египта и от Фекуя купцы царстии и куповаху от Фекуя променою. | |