II CHRONICLES
Chapter 30
II C | Aleppo | 30:1 | וישלח יחזקיהו על כל ישראל ויהודה וגם אגרות כתב על אפרים ומנשה לבוא לבית יהוה בירושלם—לעשות פסח ליהוה אלהי ישראל | |
II C | Aleppo | 30:5 | ויעמידו דבר להעביר קול בכל ישראל מבאר שבע ועד דן—לבוא לעשות פסח ליהוה אלהי ישראל בירושלם כי לא לרב עשו ככתוב | |
II C | Aleppo | 30:6 | וילכו הרצים באגרות מיד המלך ושריו בכל ישראל ויהודה וכמצות המלך לאמר בני ישראל שובו אל יהוה אלהי אברהם יצחק וישראל וישב אל הפליטה הנשארת לכם מכף מלכי אשור | |
II C | Aleppo | 30:8 | עתה אל תקשו ערפכם כאבותיכם תנו יד ליהוה ובאו למקדשו אשר הקדיש לעולם ועבדו את יהוה אלהיכם וישב מכם חרון אפו | |
II C | Aleppo | 30:9 | כי בשובכם על יהוה אחיכם ובניכם לרחמים לפני שוביהם ולשוב לארץ הזאת כי חנון ורחום יהוה אלהיכם ולא יסיר פנים מכם אם תשובו אליו {ס} | |
II C | Aleppo | 30:10 | ויהיו הרצים עברים מעיר לעיר בארץ אפרים ומנשה—ועד זבלון ויהיו משחיקים עליהם ומלעגים בם | |
II C | Aleppo | 30:15 | וישחטו הפסח בארבעה עשר לחדש השני והכהנים והלוים נכלמו ויתקדשו ויביאו עלות בית יהוה | |
II C | Aleppo | 30:18 | כי מרבית העם רבת מאפרים ומנשה יששכר וזבלון לא הטהרו—כי אכלו את הפסח בלא ככתוב כי התפלל יחזקיהו עליהם לאמר יהוה הטוב יכפר בעד | |
II C | Aleppo | 30:21 | ויעשו בני ישראל הנמצאים בירושלם את חג המצות שבעת ימים—בשמחה גדולה ומהללים ליהוה יום ביום הלוים והכהנים בכלי עז—ליהוה {ס} | |
II C | Aleppo | 30:22 | וידבר יחזקיהו על לב כל הלוים—המשכילים שכל טוב ליהוה ויאכלו את המועד שבעת הימים מזבחים זבחי שלמים ומתודים ליהוה אלהי אבותיהם {ס} | |
II C | Aleppo | 30:24 | כי חזקיהו מלך יהודה הרים לקהל אלף פרים ושבעת אלפים צאן {ס} והשרים הרימו לקהל פרים אלף וצאן עשרת אלפים ויתקדשו כהנים לרב | |
II C | Aleppo | 30:25 | וישמחו כל קהל יהודה והכהנים והלוים וכל הקהל הבאים מישראל והגרים הבאים מארץ ישראל והיושבים ביהודה | |