JUDGES
Chapter 7
| Judg | Azeri | 7:1 | يِروب‌بَعَل، يعني جِدعون و اونونلا برابر بوتون خالق تزدن دوروب خَرود چشمه‌سئنئن باشيندا اوردوگاه قوردولار. مئديان اوردوگاهي دا اونلارين شئمال طرفئنده مورِه تپه‌سئنئن يانينداکي دره‌ده ائدي. | |
| Judg | Azeri | 7:2 | رب جِدعونا ددي: "يانيندا اولان خالقين سايي چوخدور، اونا گؤره مئديانلي‌لاري اونلارا تسلئم اتمئرم. چونکي ائسرايئللی‌لر فخر ادئب دئيَرلر: «اؤز قووّتئمئزله اؤزوموزو قورتارديق.» | |
| Judg | Azeri | 7:3 | ائندي سن خالقا بونو اشئتدئرئب دِه: «کئم قورخودان اسئر، گئلعاد داغيندان گری قاييتسين.»" خالقدان ائيئرمي ائکي مئن نفري گری قاييتدي، اون مئن نفري قالدي. | |
| Judg | Azeri | 7:4 | رب جِدعونا ددي: "خالقين سايي گئنه ده چوخدور، اونلاري سو قيراغينا اِندئر و اورادا آداملاري سنئن اوچون اَلَکدن کچئرده‌جيم. «بو سنئنله گده‌جک» دِدئيئم آدام، سنئنله گده‌جک و «بو سنئنله گتميه‌جک» دِدئيئم بوتون آداملار دا گتميه‌جکلر." | |
| Judg | Azeri | 7:5 | جِدعون خالقي سو قيراغينا اِندئرَنده رب اونا ددي: "سويو ائت کئمي دئلي ائله ائچَنلرئن هاميسيني بئر طرفه، سو ائچمک اوچون دئز اوسته اوتورانلارين هاميسيني دا او بئري طرفه آييريب ييغارسان." | |
| Judg | Azeri | 7:6 | اَللرئني آغيزلارينا آپاريب سويو دئلي ائله ائچَنلرئن سايي اوچ يوز نفر اولدو. لاکئن خالقين قالان حئصّه‌سي سو ائچمک اوچون دئز اوسته يره اوتوردولار. | |
| Judg | Azeri | 7:7 | رب جِدعونا ددي: "سئزي دئلي ائله سو ائچَن بو اوچ يوز نفرله قورتاراجاغام و مئديانلي‌لاري سنه تسلئم اده‌جيم. قوي خالقين قالان حئصّه‌سي اؤز يرلرئنه قاييتسين." | |
| Judg | Azeri | 7:8 | بو اوچ يوز آدام خالقين آذوقه‌سئني و کَره‌نايلاري اَللرئندن آلدي. جِدعون قالان ائسرايئللی‌لرئن هاميسيني اؤز چاديرلارينا گؤندردي، آمّا اوچ يوز نفري يانيندا ساخلادي؛ مئديان اوردوگاهي جِدعونون اولدوغو يِرئن آشاغيسينداکي دره‌ده ائدي. | |
| Judg | Azeri | 7:11 | اورادا سن اونلارين صؤحبتئني اشئده‌جکسن، اوندا قووّت آليب اوردوگاهين ضئدّئنه اِنَرسن." او زامان جِدعون و نؤکري پورا، اوردوگاهين کَناريندا اولان سئلاحلي آداملارين يانينا اِندئلر. | |
| Judg | Azeri | 7:12 | دره‌يه ييغيلان مئديانلي‌لار، عَمالِقلی‌لر و بوتون باشقا شرق خالقلارينين سايي چَيئرتکه قدر چوخ ائدي. دَوه‌لرئنئن ده دهنز ساحئلئنده‌کي قوم قدر سايي-حسابي يوخ ائدي. | |
| Judg | Azeri | 7:13 | جِدعون گلدئکده اشئتدي کي، بئر نفر يولداشينا اؤز يوخوسونو دانيشير و بله ديئر: "باخ، يوخومدا گؤرموشم کي، آرپا اونوندان پئشئرئلمئش بئر يومرو چؤرک يووارلانيب مئديان اوردوگاهينا گلدي و چاديرا چاتدي. چاديري ووردو و اونو ييخيب آلت- اوست اتدي و چادير يره سَرئلدي." | |
| Judg | Azeri | 7:14 | يولداشي اونا جاواب وردی: "بو ائسرايئللي يوآش اوغلو جِدعونون قيلينجيندان آيري بئر شي ديئل؛ تاري مئدياني و بوتون اوردوگاهيني اونا تسلئم ادئب." | |
| Judg | Azeri | 7:15 | جِدعون يوخو دانيشان آدامين حکايه‌سئني و معناسيني اشئدنده تارييا سجده اتدي و ائسرايئل اوردوگاهينا قاييديب ددي: "قالخين، چونکي رب مئديان قوشونونو سئزه تسلئم ادئب." | |
| Judg | Azeri | 7:16 | يانيندا اولان اوچ يوز نفري اوچ دسته‌يه آييردي. هاميسينين اَلئنه کَره‌نايلار و بوش دولچالار وردی و دولچالارين ائچئنه مشعل‌لر قويدو. | |
| Judg | Azeri | 7:17 | اونلارا تاپشيردي کي، "منه باخين، من نجه ادئرم، سئز ده اِله ادئن. باخ، من اوردوگاهين کنارينا چاتان زامان نه اتسَم، سئز ده اِله ادئن. | |
| Judg | Azeri | 7:18 | من و منئمله برابر اولانلارين هاميسي کَره‌ناي چالديقدا سئز ده اوردوگاهين بوتون اطرافيندا کَره‌نايلارينيزي چالين و باغيرين: «رب اوچون و جِدعون اوچون!»" | |
| Judg | Azeri | 7:19 | جِدعونلا يانيندا اولان يوز نفر کئشي اورتا نؤوبه‌سئنئن باشلانيشيندا، نؤوبَتچئلر تزه دَيئشئلَن زامان، اوردوگاهين قيراغينا چاتديلار. اونلار کَره‌نايلاريني چاليب، اَللرئنده‌کي دولچالاري قيرديلار. | |
| Judg | Azeri | 7:20 | اوچ دسته ده کَره‌ناي چاليب دولچالاري قيردي، سول اَللرئنده مشعل، صاغ اَللرئنده ده چالديقلاري کَره‌نايي توتوب باغيرديلار: "ربّئن و جِدعونون قيلينجي!" | |
| Judg | Azeri | 7:21 | اوردوگاهين اطرافيندا هامي اؤز يرلرئنده داياندي؛ و بوتون مئديان قوشونو قاچديلار، اونلار باغيرا-باغيرا قاچديلار. | |
| Judg | Azeri | 7:22 | اوچ يوز نفر شيپور چالاندا، رب دوشمن اوردوگاهينداکي‌لارين قيلينجيني بئربئرئنئن ضئدّئنه قالديردي؛ دوشمن قوشونو صِرِرايا طرف بِيت‌شئطّايا قدر، طَبّاتين يانيندا اولان آبِل‌مِخولا سرحدئنه قدر قاچدي. | |
| Judg | Azeri | 7:23 | نَفتالئدن، آشِردن و بوتون مِنَسّه‌دن چاغيريلميش ائسرايئللی‌لر مئديانلي‌لاري قوودولار. | |
| Judg | Azeri | 7:24 | جِدعون بوتون اِفرايئمئن داغليق بؤلگه‌سئنه قاصئد گؤندرئب ددي: "اِنئن، مئديانلي‌لارا هوجوم ادئن. اونلارين يولونو کَسمَک اوچون بيت بارايا قدر اوردون چايينين سولاريني توتون." بوتون اِفرايئملی‌لر ييغيليب، بيت باره‌يه قدر اوردون چايينين سولاريني توتدولار. | |