PHILIPPIANS
Chapter 4
Phil | Kapingam | 4:1 | Malaa, ogu duaahina-nei, au e-hagalabagau huoloo goodou, gei au gu-hidihidi huoloo i goodou! Goodou guu-hai au gi-tenetene, gei au e-hagaamu huoloo goodou. Ogu ihoo hagaaloho, deelaa di-godou hai e-hagamau-ai godou mouli i-di godou buni-anga gi Tagi. | |
Phil | Kapingam | 4:2 | Euodia mo Syntyche, goolua dumaalia, au e-dangidangi-adu gi-hagadaubuni i gulu mehanga, gii-hai be tagahaanau ni Tagi. | |
Phil | Kapingam | 4:3 | Mo goe labelaa, go dogu ihoo hai-hegau manawa-dahi, au e-hiihai bolo goe gi-hagamaamaa-ina nia ahina dogolua aanei, idimaa, meemaa nogo ngalua hagamahi madalia au, nogo hagadele di Longo-Humalia, ginaadou mo Clement mo ogu ihoo gau-ngalua huogodoo, aalaa nadau ingoo gu-i-lodo di beebaa a God, dela e-hihi ginai nia ingoo o digau ala e-hagamouli. | |
Phil | Kapingam | 4:4 | Goodou gi-tenetene i-nia madagoaa huogodoo i-lodo di-godou hagadaubuni ang-gi Tagi. Au e-helekai labelaa: goodou gi-tenetene! | |
Phil | Kapingam | 4:6 | Goodou hudee de-nnoomaalia i dahi mee, tangi ang-gi God i godou mee ala e-hiihai ginai mo di danggee aga i-lodo godou manawa, | |
Phil | Kapingam | 4:7 | gei di aumaalia o God, dela koia e-damanaiee e-de-modongoohia nia daangada, ga-benebene-humalia-laa godou manawa mo godou maanadu i-di godou buni-anga gi Jesus Christ. | |
Phil | Kapingam | 4:8 | Ogu duaahina-nei, deenei di hagaodi o agu helekai. Haga-honu-ina godou lodo gi-nia mee ala e-humalia ge iai ono hagaamu i-golo, aalaa go nia mee ala e-hai donu, hagalabagau, donu, madammaa, madamada, ge aamua. | |
Phil | Kapingam | 4:9 | Goodou hai-hegau gi godou mee ala ne-kabe, gei ne-kae i dogu baahi, mai i agu helekai mo agu mee ala e-hai. Gei di God dela e-gaamai gi gidaadou di aumaalia, ga-madalia goodou. | |
Phil | Kapingam | 4:10 | Lodo dogu mouli hagadaubuni ang-gi Tagi, gei au gu-tenetene huoloo i goodou i dogu iloo bolo goodou gu-iai di madagoaa humalia i-muli di madagoaa looloo e-haga-modongoohia bolo goodou e-hiihai e-benebene au. Au hagalee helekai bolo goodou gu-diiagi au, gei au e-helekai bolo goodou nogo dei di-godou madagoaa e-mee di-hagamaamaa au ai. | |
Phil | Kapingam | 4:11 | Au hagalee helekai beenei bolo au gu-diiagi go goodou, idimaa, au e-dohu-hua gi-nia mee ala i dogu baahi. | |
Phil | Kapingam | 4:12 | Au gu-modongoohia di mouli dela e-dee-dohu, mo-di madagoaa e-logo agu mee. Au guu-kabe di hagamaanadu hagammuni deenei, bolo au guu-dohu i-nia gowaa huogodoo, i-nia madagoaa huogodoo, ma e-aha maa au e-maaluu be e-hiigai, ma e-aha maa au e-hai-mee gi-nia mee e-logo be e-hogoohi. | |
Phil | Kapingam | 4:13 | Au e-maaloo di-duuli au gi-dee tale gi-nia haingadaa huogodoo, mai di mogobuna a Christ dela ne-gaamai gi-di-au. | |
Phil | Kapingam | 4:15 | Goodou digau Philippi gu-iloo bolo godou nohongo-dabu hua nogo hagamaamaa au i dogu hagatanga i Macedonia, i taamada di hagadele di Longo-Humalia. Goodou-hua nogo hagamaamaa au, gu-hai-mee ngaadahi gi-di haadanga-lamalia mo-di haadanga-balua. | |
Phil | Kapingam | 4:16 | Hunu madagoaa, au nogo i Thessalonica, gei goodou gu-hagamaamaa mai au i agu mee nogo hiihai ginai. | |
Phil | Kapingam | 4:17 | Hagalee go dogu hiihai-hua gi godou wanga-dehuia, au e-hiihai e-mmada gi godou maluagina gi-tomo-aga. | |
Phil | Kapingam | 4:18 | Malaa, deenei di beebaa hagadootonu o godou mee huogodoo nogo hagamaamaa au, guu-dohu huoloo di-godou hagamaamaa, ma gu-i-golo huogodoo go agu mee ala e-hiihai ginai au, i-muli Epaphroditus ne-gaamai godou wanga-dehuia huogodoo. Di wanga-dehuia deenei e-hai be tigidaumaha dela e-kala ang-gi God, e-hiihai ge tenetene ginai. | |
Phil | Kapingam | 4:19 | Malaa, dogu God ga-gowadu godou mee huogodoo ala e-hiihai ginai, mai nia maluagina madamada dee-odi o Jesus Christ. | |
Phil | Kapingam | 4:20 | Di madamada ang-gi tadau God, go tadau Damana, dolomeenei gaa-hana-hua beelaa. Amen. | |
Phil | Kapingam | 4:21 | Di-madau hagaaloho ang-gi nia daangada a God huogodoo, aalaa go nia dama a Jesus Christ. Tadau duaahina aanei e-madalia au i-ginei, e-gowadu labelaa nadau hagaaloho gi goodou. | |
Phil | Kapingam | 4:22 | Nia dama a God huogodoo aanei i-ginei, gei e-donu go digau di hale o Caesar, e-gowadu labelaa nadau hagaaloho. | |