EZEKIEL
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Chapter 10
| Ezek | Kekchi | 10:1 | Ut quicuil nak saˈ xbe̱n li chanchan choxa li cuan saˈ xbe̱neb li querubines quicˈutun jun li cˈojariba̱l yi̱banbil riqˈuin li cha̱bil pec zafiro. | |
| Ezek | Kekchi | 10:2 | Ut li Ka̱cuaˈ quixye re li cui̱nk li lino rakˈ: —Tat-oc saˈ xya̱nkeb li ruedas li cuanqueb rubeleb li querubines. Riqˈuin la̱ cuukˈ ta̱chap li ru xam li yo̱ xxamlel. Ut ta̱paji li ru xam saˈ xbe̱n li tenamit, chan. Ut la̱in yo̱quin chirilbal nak qui-oc li cui̱nk saˈ xya̱nkeb li ruedas. | |
| Ezek | Kekchi | 10:3 | Eb li querubines cuanqueb chiru li templo saˈ li sur nak li cui̱nk co̱ chi saˈ. Ut li neba̱l li cuan chak toj chi saˈ quinujac riqˈuin li chok. | |
| Ezek | Kekchi | 10:4 | Lix lokˈal li Ka̱cuaˈ qui-el saˈ xbe̱neb li querubines ut co̱ saˈ li oqueba̱l re li templo. Ut li templo quinujac riqˈuin li chok. Ut li neba̱l cˈajoˈ nak quilemtzˈun xban xlokˈal li Ka̱cuaˈ. | |
| Ezek | Kekchi | 10:5 | Lix ya̱b lix xiqˈueb li querubines qui-abi̱c toj saˈ li neba̱l li cuan chak toj chirix li templo. Chanchan nak yo̱ chi a̱tinac li nimajcual Dios. | |
| Ezek | Kekchi | 10:6 | Li Ka̱cuaˈ quixye re li cui̱nk li lino rakˈ nak tixxoc li ru xam li cuan saˈ xya̱nkeb li ruedas li cuanqueb cuiˈ li querubines. Ut li cui̱nk co̱ ut quixakli saˈ xya̱nkeb li rueda. | |
| Ezek | Kekchi | 10:7 | Ut jun li querubín quixchap li ru xam li cuan saˈ xyiheb ut quixqˈue saˈ rukˈ li cui̱nk li lino rakˈ. Li cui̱nk quixcˈul ut qui-el. | |
| Ezek | Kekchi | 10:9 | Ut quicuil ajcuiˈ ca̱hib li ruedas. Jun cuan chixcˈatk li junju̱nk chi querubín. Li ruedas cˈajoˈ nak nequeˈlemtzˈun chanchan li cha̱bil pec crisólito. | |
| Ezek | Kekchi | 10:10 | Li ca̱hib chi rueda juntakˈe̱t xyi̱banquileb. Eb li rueda aˈan li quicuil chanchan nak cuan chic jun li rueda chi saˈ li jun chic. | |
| Ezek | Kekchi | 10:11 | Saˈ xca̱ pacˈalil nequeˈxic li rueda aˈan. Nak nequeˈxic incˈaˈ nequeˈxsukˈisi ribeb. Eb li querubines nequeˈxic saˈ xjayal li yo̱ chi iloc cuiˈ ut incˈaˈ nequeˈsukˈi nak nequeˈxic. | |
| Ezek | Kekchi | 10:12 | Nabal li xnakˈ ruheb li querubines. Cuan chiruheb ut cuan chirixeb. Cuan ajcuiˈ saˈ li rukˈeb ut saˈ lix xiqˈueb. Ut joˈcan ajcuiˈ li ca̱hib chi rueda. Nabal li xnakˈeb ru cuan saˈ li junju̱nk. | |
| Ezek | Kekchi | 10:14 | Chixju̱nkaleb li querubines ca̱ ca̱ li riloba̱leb. Li xbe̱n, aˈan chanchan na-iloc bo̱yx. Li xcab, aˈan chanchan na-iloc cui̱nk. Li rox, aˈan chanchan na-iloc cakcoj, ut li xca̱, aˈan chanchan na-iloc tˈiu. | |
| Ezek | Kekchi | 10:15 | Aˈaneb li querubines li quicuil chire li nimaˈ Quebar. Ut eb li querubines queˈco̱eb takecˈ. | |
| Ezek | Kekchi | 10:16 | Nak nequeˈxic li querubines, nequeˈxic ajcuiˈ li ruedas. Nak eb li querubines nequeˈxhel lix xiqˈueb re nak teˈcuacli̱k, eb li ruedas nequeˈcuacli ajcuiˈ. | |
| Ezek | Kekchi | 10:17 | Nak nequeˈxakli li querubines, nequeˈxakli ajcuiˈ li ruedas. Ut nak nequeˈcuacli li querubines, eb li ruedas nequeˈcuacli ajcuiˈ xban nak lix musikˈeb li querubines na-ecˈasin reheb li ruedas. | |
| Ezek | Kekchi | 10:18 | Ut lix lokˈal li Dios qui-el saˈ li oqueba̱l re li templo ut co̱ cuiˈchic saˈ xbe̱neb li querubines. | |
| Ezek | Kekchi | 10:19 | Ut quicuil nak eb li querubines queˈxhel lix xiqˈueb ut queˈtakeˈ ut queˈco̱eb. Ut eb li ruedas queˈtakeˈ rochbeneb. Nak yo̱queb chi xic queˈxakli saˈ xbe̱n li oqueba̱l re li templo li cuan saˈ releb sakˈe. Ut lix lokˈal lix Dioseb laj Israel cuan saˈ xbe̱neb. | |
| Ezek | Kekchi | 10:20 | Ut la̱in quinqˈue retal nak aˈaneb li chanchaneb ángel li queˈcuil rubel lix cˈojariba̱l lix Dioseb laj Israel chire li nimaˈ Quebar. Ut quinqˈue retal nak aˈaneb li querubines. | |
| Ezek | Kekchi | 10:21 | Chixju̱nkaleb cuanqueb ca̱hib li riloba̱leb ut ca̱hib lix xiqˈueb. Ut rubeleb lix xicˈ cuan rukˈeb chanchan rukˈ cui̱nk. | |