EZEKIEL
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Chapter 26
| Ezek | Azeri | 26:2 | "ای بشر اوغلو، اورشَلئمئن ضئدّئنه صور بله ديئب: «نه ياخشي کي، خالقلارين قاپيسي اولان شهر داغيلدي، دروازالاري منئم اوچون آچيلدي. ائندي کي، او داغيليب، من وارلاناجاغام.» | |
| Ezek | Azeri | 26:3 | بو سؤزلره گؤره پروردئگار رب بله ديئر: «باخ، ای صور، من سنئن ضئدّئنه گلئرم. دهنز نجه شپه‌لرئني جوشدورور، من ده اِلَجه چوخ مئلّتي سنئن اوستونه جوشدوراجاغام. | |
| Ezek | Azeri | 26:4 | اونلار صورون دووارلاريني داغيداجاقلار و بورجلرئني اوچورداجاقلار؛ تؤکونتولرئني سئلئب سوپوره‌جيم، اونو چيلپاق بئر قايايا چِوئره‌جيم. | |
| Ezek | Azeri | 26:5 | صور دهنزئن اورتاسيندا تورلارين سَرئلدئيي بئر يِر اولاجاق، چونکي من بونو دِمئشم، پروردئگار رب بويورور. صور مئلّتلر اوچون قارت مالي اولاجاق. | |
| Ezek | Azeri | 26:6 | اونون ساحئلئنده اولان قيز شهرلري، قيلينجلا اؤلدوروله‌جکلر. او واخت بئله‌جکلر کي، رب منم.» | |
| Ezek | Azeri | 26:7 | پروردئگار رب بله ديئر: «من پادشاهلار پادشاهي اولان بابئل پادشاهي نِبوکَدنِصّري آتلار، دؤيوش عارابالاري، آتلي‌لار و چوخلو خالقدان عئبارت اولان قوشونلا بئرلئکده شئمالدان صورون اوستونه گتئره‌جيم. | |
| Ezek | Azeri | 26:8 | او سنئن ساحئلئنده اولان قيز شهرلرئنده ياشايان قيزلاريني قيلينجلا اؤلدوره‌جک، سنئن ضئدّئنه موحاصئره دووارلاري، تورپاق قالاغي قوراجاق و سئپرئني سنئن ضئدّئنه قالديراجاق. | |
| Ezek | Azeri | 26:9 | مانجاناقلار قوراجاق کي، سنئن دووارلاريني ووروب دَلسئن. بالتاري ائله بورجلرئني اوچوراجاق. | |
| Ezek | Azeri | 26:10 | آتلارينين چوخ اولدوغوندان اونلارين توزو سني اؤرته‌جک؛ او زامان کي، او، سنئن دروازالاريندان حاصاري ييخيلميش بئر شهر کئمي گئرئر، دووارلارين آتلي‌لارين، يوک عارابالارينين و دؤيوش عارابالارينين گورولتوسوندن تئترَيه‌جک. | |
| Ezek | Azeri | 26:11 | او اؤز آتلارينين ديرناقلاري ائله سنئن بوتون کوچه‌لرئني تاپدالاياجاق، خالقيني قيلينجلا اؤلدوره‌جک؛ مؤحکم سوتونلارين يِرله بئر اولاجاق. | |
| Ezek | Azeri | 26:12 | اونلار ثروتئني تالان اده‌جکلر، تئجارت ماللاريني قارت اده‌جکلر. سنئن دووارلاريني داغيداجاقلار، گؤزل اِولرئني اوچورداجاقلار، داشلاريني، تاختالاريني و تؤکونتولرئني سويا آتاجاقلار. | |
| Ezek | Azeri | 26:13 | بلجه اوخودوغون نغمه‌لرئن سَسئنه آخير قوياجاغام. طنبورلارينين صداسي آرتيق اِشئدئلميه‌جک. | |
| Ezek | Azeri | 26:14 | سني چيلپاق بئر قايايا چِوئره‌جيم؛ تورلارين سَرئلدئيي بئر يِر اولاجاقسان. بئر داها تئکئلميه‌جکسن.» چونکي من رب بونو دِمئشم. پروردئگار رب بله بويورور. | |
| Ezek | Azeri | 26:15 | پروردئگار رب صورا بله ديئر: «سنده قيرغين اولاندا، يارالي‌لار ناله چکنده داغيلماغينين گورولتوسوندن مگر ساحئل خالقلاري تئتره‌ميه‌جک؟ | |
| Ezek | Azeri | 26:16 | بوتون دهنز اؤلکه‌لرئنئن رهبرلري تختلرئندن اِنه‌جکلر، لئباسلاريني چيخارداجاقلار، الوان ناخيشلي پالتارلاريني سويوناجاقلار. اونلار دهشته بورونه‌جکلر؛ يِره اوتوراجاقلار، هر آن تئتره‌يئب سنئن باره‌ده حيرتدن مات قالاجاقلار. | |
| Ezek | Azeri | 26:17 | اونلار سنئن اوچون مرثئيه اوخويوب دئيه‌جکلر: ‹ای دهنزچئلرئن ياشاديغي مشهور شهر، سن نجه محو اولدون؟ دهنزده گوجلو ائدئن. سن و سنئن اهالئن ساحئلده ياشايانلارين هاميسيني دهشته سالميشدينيز. | |
| Ezek | Azeri | 26:18 | ائندي داغيلديغين گون ساحئل اؤلکه‌لري تئتره‌يئرلر، بلی، ساحئل خالقلاري سنئن ييخيلماغيندان حيرته دوشور.›» | |
| Ezek | Azeri | 26:19 | پروردئگار رب بله ديئر: «سني ساکئنسئز قالميش شهرلر کئمي خارابا بئر شهره چِوئردئيئم زامان، لاپ درئن دهنزلرله سني قرق اتدئيئم واخت، درئن سولار سني اؤرتَن زامان، | |
| Ezek | Azeri | 26:20 | سني قَبئره اِنَنلرله بئرلئکده اِندئره‌جيم، قدئم زامانلارين خالقينين يانينا! سني يِرئن لاپ اسفلئنده ساکئن اده‌جيم، قدئم خاراباليقلار کئمي، او آداملارلا کي، قويويا اِنئرلر. اِله کي، بئر داها سنده هچ کس ساکئن اولماياجاق؛ لاکئن شؤوکتي دئرئلر ياشايان اؤلکه‌يه قوياجاغام. | |