II KINGS
Chapter 18
| II K | TpiKJPB | 18:1 | ¶ Nau em i kamap olsem long namba tri yia bilong Hosea, pikinini man bilong Ila, king bilong Isrel, long Hesekaia, pikinini man bilong Ehas, king bilong Juda, i stat long bosim kingdom. | |
| II K | TpiKJPB | 18:2 | Em i gat 25 krismas taim em i stat long bosim kingdom. Na em i bosim kingdom 29 yia long Jerusalem. Nem bilong mama bilong em tu em Abi, pikinini meri bilong Sekaraia. | |
| II K | TpiKJPB | 18:3 | Na em i mekim dispela samting i stretpela long ai bilong BIKPELA, bilong bihainim olgeta samting Devit, tumbuna papa bilong em, i mekim. | |
| II K | TpiKJPB | 18:4 | Em i rausim ol ples antap, na brukim ol piksa god, na katim i go daun ol lain diwai, na brukim long ol planti hap hap dispela snek bras Moses i bin wokim. Long wanem, long ol dispela de ol pikinini bilong Isrel i bin kukim insens long dispela. Na em i kolim nem bilong en Nehustan. | |
| II K | TpiKJPB | 18:5 | Em i putim bilip long BIKPELA, God bilong Isrel, inap long bihain long em i no gat wanpela namel long olgeta king bilong Juda i wankain long em, o wanpela husat i stap bipo long em. | |
| II K | TpiKJPB | 18:6 | Long wanem, em i holimpas strong BIKPELA, na em i no lusim pasin bilong bihainim Em, tasol em i holimpas ol tok strong bilong Em, dispela BIKPELA i tok strong long Moses. | |
| II K | TpiKJPB | 18:7 | Na BIKPELA i stap wantaim em. Na wanem samting em i mekim i kamap gutpela, long wanem hap we em i go ausait. Na em i bikhet i birua long king bilong Asiria, na em i no bihainim em. | |
| II K | TpiKJPB | 18:8 | Em i paitim ol Filistin, yes, inap long Gasa, na ol hap arere bilong en, i stat long taua bilong ol wasman i go inap long dispela biktaun i gat banis. | |
| II K | TpiKJPB | 18:9 | ¶ Na em i kamap olsem long namba foa yia bilong king Hesekaia, dispela em i namba seven yia bilong Hosea, pikinini man bilong Ila, king bilong Isrel, long Salmaneser, king bilong Asiria, i kam antap na birua long Samaria, na pasim biktaun. | |
| II K | TpiKJPB | 18:10 | Na long pinis bilong tripela yia, ol i kisim dispela. Yes, long namba sikis yia bilong Hesekaia, dispela em i namba nain yia bilong Hosea, king bilong Isrel, ol i kisim Samaria. | |
| II K | TpiKJPB | 18:11 | Na king bilong Asiria i bin karim i go Isrel i go long Asiria, na putim ol long Hala na long Habor, klostu long wara Gosan, na long ol biktaun bilong ol lain Mida. | |
| II K | TpiKJPB | 18:12 | Bilong wanem, ol i no bihainim nek bilong BIKPELA, God bilong ol, tasol ol i kalapim lo bilong kontrak bilong Em, na olgeta samting Moses, wokboi bilong BIKPELA, i tok strong, na ol i no gat laik long harim ol, o mekim ol. | |
| II K | TpiKJPB | 18:13 | Nau long namba 14 yia bilong king Hesekaia, Senakerip, king bilong Asiria, i bin kam antap long birua long olgeta biktaun bilong Juda i gat banis, na em i kisim ol. | |
| II K | TpiKJPB | 18:14 | Na Hesekaia, king bilong Juda, i salim tok long king bilong Asiria long Lekis, i spik, Mi bin bagarapim bel bilong yu. Tanim i go bek i lusim mi. Dispela samting yu putim antap long mi bai mi karim. Na king bilong Asiria i makim long Hesekaia, king bilong Juda, 300 talen silva, na 30 talen gol. | |
| II K | TpiKJPB | 18:15 | Na Hesekaia i givim em olgeta dispela silva ol i lukim insait long haus bilong BIKPELA, na insait long ol ples bilong samting dia tru long haus bilong king. | |
| II K | TpiKJPB | 18:16 | Long dispela taim Hesekaia i bin katim i go olgeta gol long ol dua bilong tempel bilong BIKPELA, na long ol dispela bikpela pos Hesekaia, king bilong Juda, i bin karamapim, na givim dispela long king bilong Asiria. | |
| II K | TpiKJPB | 18:17 | ¶ Na king bilong Asiria i salim Tartan na Rap-saris na Rap-seke i lusim Lekis i go long king Hesekaia wantaim wanpela bikpela ami long birua long Jerusalem. Na ol i go antap na kam long Jerusalem. Na taim ol i kam antap pinis, ol i kam na sanap klostu long paip bilong wara bilong liklik raunwara antap, dispela i stap long bikrot bilong bikpela gaden bilong man bilong klinim klos. | |
| II K | TpiKJPB | 18:18 | Na taim ol i bin singaut long king, Elaiakim, pikinini man bilong Hilkaia, husat i bosim haus, na Sepna, man bilong rait, na Joa, pikinini man bilong Esap, man bilong raitim ol stori, i kam ausait long ol. | |
| II K | TpiKJPB | 18:19 | Na Rap-seke i tokim ol, Nau yupela toktok long Hesekaia, Dispela bikpela king, king bilong Asiria, i tok olsem, Dispela em i wanem strongpela bilip we yu putim bilip long en? | |
| II K | TpiKJPB | 18:20 | Yu tok, (tasol ol i ol tok nating tasol,) Mi gat tok helpim na strong bilong bikpela pait. Nau yu putim bilip long husat, inap long yu bikhet i birua long mi? | |
| II K | TpiKJPB | 18:21 | Nau, lukim, yu putim bilip long stik wokabaut bilong dispela tiktik i bagarap liklik, yes, antap long Isip, long dispela, sapos wanpela man i lindaun long en, dispela bai go insait long han bilong em, na sutim han. Fero, king bilong Isip, i stap olsem long olgeta husat i putim bilip long em. | |
| II K | TpiKJPB | 18:22 | Tasol sapos yupela i tokim mi, Mipela i putim bilip long BIKPELA, God bilong mipela, ating i no Em, husat ol ples antap na husat ol alta bilong Em Hesekaia i bin tekewe, na em i bin tokim Juda na Jerusalem, Yupela bai lotu long ai bilong dispela alta long Jerusalem? | |
| II K | TpiKJPB | 18:23 | Olsem na nau, mi askim yu plis, givim ol promis mani long bikman bilong mi, king bilong Asiria, na mi bai givim long yu 2,000 hos, sapos yu stap inap long sait bilong yu long putim ol man bilong ran antap long hos antap long ol. | |
| II K | TpiKJPB | 18:24 | Nau yu bai tanim i go pes bilong wanpela las kepten bilong ol wokboi bilong bikman bilong mi, na putim bilip bilong yu long Isip long ol karis na long ol man i ran long hos olsem wanem? | |
| II K | TpiKJPB | 18:25 | Ating nau mi kam antap long birua long dispela ples, na long bagarapim dispela olgeta, na BIKPELA i no stap wantaim mi? BIKPELA i tokim mi, Go antap na birua long dispela hap, na bagarapim dispela olgeta. | |
| II K | TpiKJPB | 18:26 | Nau Elaiakim, pikinini man bilong Hilkaia, na Sepna, na Joa, i tokim Rap-seke, Toktok, mi askim yu plis, long ol wokboi bilong yu long tok ples Siria. Long wanem, mipela i save long em. Na yu no ken toktok wantaim mipela long tok ples bilong ol Ju long ol ia bilong ol manmeri husat i stap antap long banis. | |
| II K | TpiKJPB | 18:27 | Tasol Rap-seke i tokim ol, Ating bikman bilong mi i bin salim mi long bikman bilong yu, na long yu, long toktok long ol dispela toktok? Ating i yes long em i salim mi long ol man husat i sindaun antap long banis, inap long ol i ken kaikai pekpek bilong ol yet, na dringim pispis bilong ol yet wantaim yu? | |
| II K | TpiKJPB | 18:28 | Nau Rap-seke i sanap na singaut wantaim wanpela nek i strong long tok ples bilong ol Ju, na tok, i spik, Harim tok bilong dispela bikpela king, king bilong Asiria. | |
| II K | TpiKJPB | 18:29 | King i tok olsem, No ken larim Hesekaia giamanim yupela. Long wanem, em bai i no inap kisim bek yupela ausait long han bilong em. | |
| II K | TpiKJPB | 18:30 | Na tu yupela i no ken larim Hesekaia i mekim yupela putim bilip long BIKPELA, i spik, Tru tumas, BIKPELA bai kisim bek yumi, na dispela biktaun bai i no inap go long han bilong king bilong Asiria. | |
| II K | TpiKJPB | 18:31 | No ken harim Hesekaia. Long wanem, king bilong Asiria i tok olsem, Wokim wanpela wanbel tingting wantaim mi wantaim wanpela presen, na kam ausait i kam long mi, na nau yupela olgeta wan wan man i ken kaikai long diwai wain bilong em yet, na olgeta wan wan long diwai fik bilong em yet, na yupela olgeta wan wan bai dring wara long tang bilong em yet, | |
| II K | TpiKJPB | 18:32 | Inap long mi kam na tekewe yupela i go long wanpela hap i wankain olsem hap bilong yupela, wanpela hap bilong wit samting na wain, wanpela hap bilong bret na ol gaden wain, wanpela hap bilong wel oliv na hani, inap long yupela i ken stap laip, na no ken dai. Na yupela i no ken harim Hesekaia, taim em laik pulim tingting bilong yupela, i spik, BIKPELA bai kisim bek yumi. | |
| II K | TpiKJPB | 18:33 | Ating wanpela bilong ol god bilong ol kantri i bin kisim bek hap bilong em liklik ausait long han bilong king bilong Asiria? | |
| II K | TpiKJPB | 18:34 | Ol god bilong Hemat, na bilong Arpat, i stap we? Ol god bilong Sefarvaim, Hena, na Iva i stap we? Ating ol i kisim bek Samaria ausait long han bilong mi? | |
| II K | TpiKJPB | 18:35 | Ol i husat namel long olgeta god bilong ol kantri, husat i bin kisim bek kantri bilong ol ausait long han bilong mi, inap long BIKPELA i ken kisim bek Jerusalem ausait long han bilong mi? | |
| II K | TpiKJPB | 18:36 | Tasol ol manmeri i pasim maus bilong ol, na ol i no bekim em long wanpela tok. Long wanem, tok strong bilong king i stap olsem, i spik, No ken bekim tok long em. | |