JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 17
| Job | Kekchi | 17:1 | Osocˈ cue nak nacuecˈa. Ra sa nak na-el lin musikˈ. Lin yuˈam yo̱ chi osocˈ. Lin julel ac yo̱ chi oybeni̱nc. | |
| Job | Kekchi | 17:3 | At Ka̱cuaˈ, caˈaj cuiˈ la̱at naru tat-a̱tinak chicuix. Ma̱ ani chic naru naba̱nun re. Caˈaj cuiˈ la̱at. | |
| Job | Kekchi | 17:4 | La̱at xatba̱nun re nak incˈaˈ teˈxtau ru li cˈaˈru yo̱quin chixcˈulbal. Joˈcan nak ma̱qˈueheb chi numta̱c saˈ inbe̱n. | |
| Job | Kekchi | 17:5 | Li ani naxkˈaxtesi li rami̱g saˈ rukˈeb li xicˈ neque-iloc re, ra teˈxcˈul li ralal xcˈajol. | |
| Job | Kekchi | 17:6 | Xaba̱nu raylal cue re nak chixjunileb li tenamit teˈa̱tinak chicuix. Chanchan nequeˈxchu̱ba xnakˈ cuu nak niquineˈxhob. | |
| Job | Kekchi | 17:7 | Yo̱ chi mo̱yc li xnakˈ cuu xban li raylal li yo̱quin chixcˈulbal. Yal nintˈaneˈ aj chic xban nak incˈaˈ chic nincuy. | |
| Job | Kekchi | 17:8 | Eb li ti̱queb xchˈo̱l nequeˈsach xchˈo̱leb chirilbal li raylal yo̱quin chixcˈulbal. Ut nequeˈchal xjoskˈileb saˈ xbe̱neb li incˈaˈ useb xnaˈleb. | |
| Job | Kekchi | 17:9 | Abanan li ti̱c xchˈo̱l cau cua̱nk saˈ lix pa̱ba̱l ut xban nak ti̱c xchˈo̱l, cauhak rib. | |
| Job | Kekchi | 17:10 | Ut la̱ex li yo̱quex chi a̱tinac cuiqˈuin, yalomak cuiˈchic a̱tinac cui la̱ex nequecˈoxla nak cuan e̱naˈleb. Abanan la̱in ninnau nak ma̱ jun e̱re cuan xnaˈleb. | |
| Job | Kekchi | 17:11 | Yo̱ chi osocˈ lin yuˈam. Ut li cˈaˈru quincˈu̱b ru ut li cˈaˈru quicuaj xba̱nunquil incˈaˈ chic ta̱ru̱k tinba̱nu. | |
| Job | Kekchi | 17:12 | La̱in ninnau nak osocˈ yo̱quin, usta la̱ex nequeye nak ta̱numekˈ li raylal li yo̱quin chixcˈulbal. Abanan la̱in ninnau nak moco ya̱l ta. | |
| Job | Kekchi | 17:13 | Li cˈaˈru nacuoybeni la̱in, aˈan li ca̱mc re nak naru tinhila̱nk saˈ li naˈajej li kˈojyi̱n ru. | |
| Job | Kekchi | 17:14 | La̱in ninye nak lix naˈajeb li camenak, aˈan chanchan lin yucuaˈ ut eb li motzoˈ, aˈan chanchan lin naˈ ut eb li cui̱tzˈin. | |