JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 12
| Job | Kekchi | 12:2 | —La̱in ninnau nak la̱ex xexchal saˈ xcˈabaˈeb li tenamit. Saˈ e̱chˈo̱l la̱ex nak caˈaj cuiˈ la̱ex cuan e̱naˈleb. Ut nak texca̱mk la̱ex, ma̱cˈaˈak chic li naˈleb. | |
| Job | Kekchi | 12:3 | Abanan la̱in cuan ajcuiˈ innaˈleb. ¿Ma cubenak ta biˈ incuanquil la̱in che̱ru la̱ex? ¿Ma cuan ta biˈ junak incˈaˈ nanaˈoc re li cˈaˈru yo̱quex chixyebal? | |
| Job | Kekchi | 12:4 | Junxil nak nintijoc chiru li Dios, aˈan narabi lin tij. Usta la̱in ti̱c inchˈo̱l ut ma̱cˈaˈ inma̱c, eb li cuami̱g niquineˈxseˈe. | |
| Job | Kekchi | 12:5 | Li ani narecˈa nak cau xchˈo̱l naxtzˈekta̱na li yo̱ chi cˈuluc raylal. Ma̱cˈaˈ naraj re nak tixqˈue xtzˈakob li raylal saˈ xbe̱n li yo̱ chi chˈina̱nc xchˈo̱l. | |
| Job | Kekchi | 12:6 | Eb laj e̱lkˈ junelic saheb saˈ xchˈo̱l saˈ li rochocheb. Ut eb li nequeˈxtzˈekta̱na li Dios, ma̱cˈaˈ nequeˈxcˈul. Ut nequeˈxcˈoxla nak chixjunil cuan saˈ rukˈeb. | |
| Job | Kekchi | 12:7 | Tzol a̱cuib riqˈuineb li xul li cuanqueb saˈ qˈuicheˈ. Ut qˈueheb retal li xul li nequeˈrupupic. | |
| Job | Kekchi | 12:8 | Ut qˈue ajcuiˈ retal li cˈaˈak re ru li cuan saˈ ruchichˈochˈ ut eb li car li cuanqueb saˈ li palau. Naru nacaqˈueheb retal aˈan ut naru nacatzol a̱cuib riqˈuineb. | |
| Job | Kekchi | 12:9 | ¿Ma toj cuanqueb ta biˈ li incˈaˈ nequeˈxnau nak li Dios quiyi̱ban re chixjunil aˈin? | |
| Job | Kekchi | 12:11 | Saˈ li ke nakecˈa xsahil li cha̱bil tzacae̱mk. Joˈcan ajcuiˈ li kaxic naxnau rabinquil li us. | |
| Job | Kekchi | 12:13 | Abanan li Dios kˈaxal numtajenak cuiˈchic lix naˈleb ut lix cuanquil. Li cˈaˈru naraj xba̱nunquil, naxba̱nu. | |
| Job | Kekchi | 12:14 | Li cˈaˈru naxpoˈ ru li Dios, ma̱ ani chic naru nayi̱ban re. Cui li Dios naraj tixba̱nu raylal re junak cristian, tixba̱nu. Ma̱ ani naru ta̱colok re chiru. | |
| Job | Kekchi | 12:15 | Cui aˈan ta̱raj nak incˈaˈ tixqˈue li hab, incˈaˈ ajcuiˈ tixqˈue. Chakihak chixjunil. Ut cui aˈan ta̱raj nak ta̱butˈi̱nk li ruchichˈochˈ, ta̱butˈi̱nk ajcuiˈ. | |
| Job | Kekchi | 12:16 | Kˈaxal numtajenak lix cuanquil li Dios ut aˈan yal re saˈ xbe̱n chixjunil. Saˈ rukˈ aˈan cuanqueb li nequeˈbalakˈi̱c joˈ eb ajcuiˈ li nequeˈbalakˈin. | |
| Job | Kekchi | 12:17 | Li Dios na-isin re lix naˈlebeb li nequeˈqˈuehoc naˈleb. Ut naxpoˈ xnaˈlebeb laj rakol a̱tin. | |
| Job | Kekchi | 12:18 | Narisiheb saˈ xcuanquileb li rey ut aˈan ajcuiˈ naba̱nun re nak teˈcˈamekˈ chi pre̱xil chi ma̱cˈaˈ cuan reheb. | |
| Job | Kekchi | 12:20 | Ut naxsach xnaˈlebeb li nequeˈqˈuehoc naˈleb. Joˈcaneb ajcuiˈ li ac ti̱xeb. Incˈaˈ chic jultic reheb. | |
| Job | Kekchi | 12:21 | Li Dios naxba̱nu nak incˈaˈ chic teˈqˈuehekˈ xlokˈal li cuanqueb saˈ xcuanquil. Ut eb li cauheb rib ma̱cˈaˈak chic xmetzˈe̱uheb. | |
| Job | Kekchi | 12:22 | Aˈan naxqˈue chi naˈecˈ li cˈaˈru incˈaˈ nanauman. Li cˈaˈru cuan chi mukmu aˈan naxqˈue chi cutanquil. | |
| Job | Kekchi | 12:23 | Jokˈe naraj, naxqˈue xcuanquil junak tenamit. Ut nak naraj, naxsach ru. Naxchaˈchaˈi ruheb, ut naxchˈutubeb cuiˈchic ruheb. | |
| Job | Kekchi | 12:24 | Nak naraj, naxsach xnaˈlebeb li nequeˈcˈamoc be saˈ junak tenamit. Ut naxqˈueheb chi sachc. Chanchan nak yo̱queb chixbeninquil ribeb yalak bar saˈ li chaki chˈochˈ xban nak incˈaˈ chic nequeˈxtau cˈaˈru teˈxba̱nu. | |