LEVITICUS
Chapter 2
Levi | Vulgate | 2:1 | anima cum obtulerit oblationem sacrificii Domino simila erit eius oblatio fundetque super eam oleum et ponet tus | |
Levi | Vulgate | 2:2 | ac deferet ad filios Aaron sacerdotes quorum unus tollet pugillum plenum similae et olei ac totum tus et ponet memoriale super altare in odorem suavissimum Domino | |
Levi | Vulgate | 2:3 | quod autem reliquum fuerit de sacrificio erit Aaron et filiorum eius sanctum sanctorum de oblationibus Domini | |
Levi | Vulgate | 2:4 | cum autem obtuleris sacrificium coctum in clibano de simila panes scilicet absque fermento conspersos oleo et lagana azyma oleo lita | |
Levi | Vulgate | 2:9 | qui cum obtulerit eam tollet memoriale de sacrificio et adolebit super altare in odorem suavitatis Domino | |
Levi | Vulgate | 2:10 | quicquid autem reliquum est erit Aaron et filiorum eius sanctum sanctorum de oblationibus Domini | |
Levi | Vulgate | 2:11 | omnis oblatio quae offertur Domino absque fermento fiet nec quicquam fermenti ac mellis adolebitur in sacrificio Domini | |
Levi | Vulgate | 2:12 | primitias tantum eorum offeretis et munera super altare vero non ponentur in odorem suavitatis | |
Levi | Vulgate | 2:13 | quicquid obtuleris sacrificii sale condies nec auferes sal foederis Dei tui de sacrificio tuo in omni oblatione offeres sal | |
Levi | Vulgate | 2:14 | sin autem obtuleris munus primarum frugum tuarum Domino de spicis adhuc virentibus torres eas igni et confringes in morem farris et sic offeres primitias tuas Domino | |