EXODUS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
Chapter 24
| Exod | Kekchi | 24:1 | Li Dios quia̱tinac riqˈuin laj Moisés ut quixye re: —Quimkex. Takenkex chak chiru li tzu̱l bar cuanquin cuiˈ. Ut teˈcha̱lk a̱cuochben laj Aarón, laj Nadab, ut laj Abiú. Teˈcha̱lk ajcuiˈ laje̱b xca̱cˈa̱l (70) li cui̱nk li nequeˈcˈamoc be chiruheb laj Israel. Ut aran chi najt caˈchˈinak tineˈxlokˈoni. | |
| Exod | Kekchi | 24:2 | Ut la̱at, at Moisés, a̱junes tatcha̱lk toj arin cuiqˈuin. Eb li jun chˈo̱l chic teˈcana̱k aran. Chi ti̱c incˈaˈ teˈtakekˈ chak arin. Teˈcana̱k takˈa, chan li Dios. | |
| Exod | Kekchi | 24:3 | Ut quichal laj Moisés, quixserakˈi re li tenamit li ra̱tin li Dios joˈ ajcuiˈ lix chakˈrab. Queˈjunajoˈ lix chˈo̱leb ut queˈxye: —Chixjunil li cˈaˈru xye li Dios, aˈan li takaba̱nu, chanqueb. | |
| Exod | Kekchi | 24:4 | Ut chixjunil li cˈaˈru quixye li Dios, quixtzˈi̱ba retalil saˈ jun li hu laj Moisés. Joˈ cuulajak chic nak toj ekˈela laj Moisés quicuacli ut quixyi̱b jun li artal saˈ xto̱n li tzu̱l. Quixyi̱b ajcuiˈ riqˈuin pec cablaju li okech ut quixxakab aran. Li cablaju chi okech, aˈan retalil li cablaju xte̱paleb aj Israel. | |
| Exod | Kekchi | 24:5 | Laj Moisés quixtaklaheb li sa̱j cui̱nk aj Israel chi mayejac chiru li Dios. Queˈxcamsi li bo̱yx ut queˈxcˈat chokˈ xmayej chiru li Dios re xpatzˈbal xcuybal xma̱queb. | |
| Exod | Kekchi | 24:6 | Laj Moisés quixxoc lix quiqˈuel li bo̱yx. Yijach quixxoc saˈ eb li ucˈal ut li yijach chic quixqˈue chiru li artal. | |
| Exod | Kekchi | 24:7 | Laj Moisés quixchap li hu li quixtzˈi̱ba cuiˈ chixjunil lix contrato li Dios. Quiril xsaˈ li hu chiruheb chixjunileb li tenamit ut eb li tenamit queˈxye: —Chixjunil li xye li Dios, takaba̱nu ut takapa̱b li cˈaˈru naxye, chanqueb. | |
| Exod | Kekchi | 24:8 | Ut laj Moisés quixchap li quicˈ li xocbil saˈ eb li ucˈal ut quixrachrachi saˈ xbe̱neb li tenamit. Ut quixye: —Li quicˈ aˈin, aˈan retalil li contrato li quixba̱nu li Dios e̱riqˈuin joˈ tzˈi̱banbil saˈ li hu aˈin, chan. | |
| Exod | Kekchi | 24:9 | Chirix aˈan, laj Moisés rochbeneb laj Aarón, laj Nadab ut laj Abiú queˈtakeˈ chiru li tzu̱l. Quilajeˈtakeˈ ajcuiˈ li laje̱b xca̱cˈa̱l (70) li cui̱nk li nequeˈcˈamoc be chiruheb laj Israel. | |
| Exod | Kekchi | 24:10 | Ut eb laj Israel queˈril ru li Ka̱cuaˈ Dios li queˈxlokˈoni. Rubel rok li Dios cuan li quicˈutun rax rax ut cutan ru. Chanchan li terto̱quil pec zafiro xcˈabaˈ li kˈaxal rax ru. Chanchan raxil ru li choxa. | |
| Exod | Kekchi | 24:11 | Li Dios incˈaˈ quixcamsiheb li cui̱nk li nequeˈcˈamoc be chiruheb laj Israel. Queˈril ru li Dios ut incˈaˈ queˈcam. Aran saˈ li naˈajej aˈan queˈcuaˈac ut queˈucˈac. | |
| Exod | Kekchi | 24:12 | Li Dios quixye re laj Moisés: —Taken chak saˈ xbe̱n li tzu̱l li cuanquin cuiˈ. Ut aran tat-oybeni̱nk. La̱in tinqˈue a̱cue li perpo̱quil pec li xintzˈi̱ba cuiˈ lin chakˈrab re xchˈolobanquil xya̱lal chiruheb li tenamit, chan li Dios. | |
| Exod | Kekchi | 24:13 | Laj Moisés co̱ toj takecˈ chiru li tzu̱l li sicˈbil ru xban li Dios, rochben laj Josué laj cˈanjel chiru. | |
| Exod | Kekchi | 24:14 | Nak ac xic re toj takecˈ, laj Moisés quixye reheb li cui̱nk li nequeˈcˈamoc be chiruheb laj Israel: —Arin toe̱roybeni toj tosukˈi̱k chak. Cua̱nk taxak saˈ e̱chˈo̱l nak laj Aarón ut laj Hur cuanqueb saˈ e̱ya̱nk. Cui cuan junak li chˈaˈajquilal, te̱ye reheb aˈan ut eb aˈan teˈtzˈilok a̱tin chirix li cuanqueb saˈ chˈaˈajquilal, chan laj Moisés. | |
| Exod | Kekchi | 24:16 | Aran saˈ li tzu̱l Sinaí cuakib cutan quicuan li xlokˈal li Dios chi mukmu saˈ li chok. Saˈ xcuuk li cutan li Dios quia̱tinac riqˈuin laj Moisés. Saˈ li chok qui-el li xya̱b xcux. | |
| Exod | Kekchi | 24:17 | Chiruheb laj Israel quicˈutun li xlokˈal li Dios saˈ xbe̱n li tzu̱l. Chanchan jun nimla xam yo̱ xcˈatbal chixjunil nak queˈril. | |