GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 16
| Gene | Kekchi | 16:1 | Lix Sarai li rixakil laj Abram ma̱ jun xcocˈal. Aˈan cuan jun xmo̱s xAgar xcˈabaˈ. Aˈan chalenak chak Egipto. | |
| Gene | Kekchi | 16:2 | Lix Sarai quixye re laj Abram: —La̱at nacanau nak ma̱ jun incˈulaˈal. La̱in tincuaj junak incˈulaˈal, aban li Ka̱cuaˈ Dios incˈaˈ naxqˈue cue. Naru tatcua̱nk riqˈuin lin mo̱s. Ma̱re ta̱cua̱nk junak a̱cˈulaˈal riqˈuin ut la̱in tinxoc chokˈ cue, chan lix Sarai. Ut laj Abram quixpa̱b li cˈaˈru quiyeheˈ re xban lix Sarai. | |
| Gene | Kekchi | 16:3 | Nak quicˈulman aˈin ac laje̱b chihab roquiqueb saˈ li tenamit Canaán. Lix Sarai quixkˈaxtesi lix mo̱s saˈ rukˈ laj Abram re nak ta̱cua̱nk riqˈuin. | |
| Gene | Kekchi | 16:4 | Tojoˈnak laj Abram quicuan riqˈuin, ut lix Agar quicana chi yaj aj ixk. Nak quixnau nak ta̱cua̱nk junak lix cˈulaˈal, lix Agar incˈaˈ chic quixqˈue saˈ xnakˈ ru lix Sarai. Ut lix Agar xicˈ chic naril aˈan. | |
| Gene | Kekchi | 16:5 | Lix Sarai quixye re laj Abram: —Saˈ a̱ma̱c la̱at nak yo̱quin chixcˈulbal li raylal aˈin. La̱in xinqˈue lin mo̱s a̱cue ut anakcuan xicˈ chic ninril. Nak xnau nak ta̱cua̱nk jun lix cˈulaˈal yo̱ chixnimobresinquil rib chicuu. Li Ka̱cuaˈ Dios taxak tixye ke ani cuan xma̱c, ma la̱at malaj la̱in, chan lix Sarai. | |
| Gene | Kekchi | 16:6 | Quichakˈoc laj Abram ut quixye re: —La̱at nacanau nak la̱ mo̱s cuan rubel a̱takl. La̱at yal a̱cue cˈaˈru ta̱ba̱nu riqˈuin, chan laj Abram. Cˈajoˈ nak quijoskˈoˈ lix Sarai saˈ xbe̱n lix mo̱s ut cˈajoˈ nak quixchˈila. Tojoˈnak lix Agar quie̱lelic. | |
| Gene | Kekchi | 16:7 | Lix Agar yo̱ chi be̱c saˈ li chaki chˈochˈ. Quicuulac cuan cuiˈ li yuˈam haˈ saˈ li be naxic saˈ li tenamit Shur. Ut aran quitaˈeˈ xban lix ángel li Ka̱cuaˈ Dios. | |
| Gene | Kekchi | 16:8 | Ut li ángel quia̱tinac riqˈuin ut quixpatzˈ re: —Agar, at xmo̱s lix Sarai, ¿bar xatchal chak? Ut, ¿bar yo̱cat chi xic? chan. Ut lix Agar quixye re: —La̱in yo̱quin chi e̱lelic chiru lix Sarai lin patrón, chan. | |
| Gene | Kekchi | 16:9 | Lix ángel li Dios quixye re: —Sukˈin cuiˈchic riqˈuin la̱ patrón. Tatcua̱nk saˈ xya̱lal riqˈuin ut ta̱pa̱b li cˈaˈru tixye a̱cue. | |
| Gene | Kekchi | 16:10 | Teˈcua̱nk nabal la̱ cualal a̱cˈajol. Incˈaˈ ta̱ru̱k rajlanquileb xban nak numtajenak xqˈuialeb la̱ cualal a̱cˈajol teˈcua̱nk. | |
| Gene | Kekchi | 16:11 | Qˈue retal, la̱at yaj aj ixkat. La̱ cˈulaˈal ta̱yoˈla̱k chˈina te̱lom. Aj Ismael ta̱qˈue chokˈ xcˈabaˈ. Joˈcan lix cˈabaˈ ta̱qˈue xban nak li Dios naxnau li raylal li yo̱cat chixcˈulbal, ut aˈan tatxtenkˈa, chan. | |
| Gene | Kekchi | 16:12 | Li ángel quixye ajcuiˈ re: —Laj Ismael cauhak rib joˈ junak joskˈ aj xul ut ta̱pletik yalak ani aj iqˈuin. Xicˈ ta̱ilekˈ xbaneb chixjunileb. Laj Ismael joˈ eb ajcuiˈ li ralal xcˈajol teˈxyi̱b lix naˈaj nachˈ riqˈuineb li ri̱tzˈin usta eb aˈan incˈaˈ teˈraj, chan li ángel. | |
| Gene | Kekchi | 16:13 | Lix Agar quixye: —La̱at li Ka̱cuaˈ Dios li nacat-iloc cue, chan re li Dios. Ut quixye cuiˈchic, —Arin saˈ li chaki chˈochˈ li Dios xcˈutbesi rib chicuu ut moco xincam ta nak xcuil ru, chan. | |
| Gene | Kekchi | 16:14 | Joˈcan nak li yuˈam haˈ aˈan quiqˈueheˈ chokˈ xcˈabaˈ “Li yoˈyo̱quil Dios li na-iloc cue”. Li yuˈam haˈ aˈin cuan saˈ xyi li cuib chi tenamit Cades ut Bered. | |
| Gene | Kekchi | 16:15 | Nak quiyoˈla li ralal laj Abram riqˈuin lix Agar, laj Abram quixqˈue aj Ismael chokˈ xcˈabaˈ. | |