GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 46
| Gene | Kekchi | 46:1 | Laj Israel qui-el aran ut quixcˈam chirix chixjunil li cˈaˈru cuan re. Ut nak quicuulac saˈ li naˈajej Beerseba, quimayejac chiru li Ka̱cuaˈ Dios, li naxlokˈoni laj Isaac lix yucuaˈ. | |
| Gene | Kekchi | 46:2 | Chiru li kˈojyi̱n aˈan, li Ka̱cuaˈ Dios quia̱tinac riqˈuin laj Israel chanchan saˈ xmatcˈ. —Jacob, chan li Dios re. —Cueˈquin, cuanquin arin, chan nak quichakˈoc laj Israel. | |
| Gene | Kekchi | 46:3 | Ut li Ka̱cuaˈ Dios quixye re: —La̱in li Ka̱cuaˈ Dios li quixlokˈoni la̱ yucuaˈ. Matxucuac chi xic Egipto xban nak aran tinqˈueheb chi qˈuia̱nc nabaleb la̱ cualal a̱cˈajol. Riqˈuineb aˈan ta̱cua̱nk jun nimla tenamit. | |
| Gene | Kekchi | 46:4 | Anakcuan la̱in tin-ochbeni̱nk a̱cue toj saˈ li tenamit Egipto. Relic chi ya̱l la̱in texinsukˈisi cuiˈchic arin saˈ li naˈajej Canaán. Ut laj José, aˈan li ta̱tzˈapok re la̱ cuu nak tatca̱mk, chan li Dios re laj Israel. | |
| Gene | Kekchi | 46:5 | Ut laj Jacob qui-el saˈ li naˈajej Beerseba. Eb li ralal queˈcˈamoc re aˈan saˈ li carre̱t li taklanbileb chak xban laj faraón. Ut queˈxcˈam ajcuiˈ li rixakil eb aˈan joˈ eb ajcuiˈ lix cocˈaleb. | |
| Gene | Kekchi | 46:6 | Queˈxcˈameb lix queto̱mk chirixeb, joˈ ajcuiˈ chixjunil li cˈaˈru reheb li quitam saˈ li tenamit Canaán. Ut quicuulac Egipto laj Jacob rochbeneb chixjunileb li ralal xcˈajol. | |
| Gene | Kekchi | 46:7 | Laj Jacob quixcˈam chirix chixjunileb li ralal, joˈ ajcuiˈ lix rabin. Ut quixcˈameb ajcuiˈ chixjunileb li ri. Chixjunileb li ralal xcˈajol queˈco̱eb Egipto chirix laj Jacob. | |
| Gene | Kekchi | 46:8 | Arin tzˈi̱banbil xcˈabaˈeb li ralal xcˈajol laj Israel li queˈco̱eb Egipto. Laj Rubén, aˈan li xbe̱n ralal laj Jacob. | |
| Gene | Kekchi | 46:9 | Aˈaneb aˈin lix cˈabaˈeb li ralal laj Rubén: laj Hanoc, laj Falú, laj Hezrón, ut laj Carmi. | |
| Gene | Kekchi | 46:10 | Ut aˈaneb aˈin lix cˈabaˈeb li ralal laj Simeón: laj Jemuel, laj Jamín, laj Ohad, laj Jaquín, laj Zohar, ut quicuan jun chic li ralal riqˈuin jun ixk aj cananea. Aj Saúl xcˈabaˈ li ralal li quicuan. | |
| Gene | Kekchi | 46:12 | Ut aˈaneb aˈin lix cˈabaˈeb li ralal laj Judá: laj Er, laj Onán, laj Sela, laj Fares ut laj Zara. Laj Er ut laj Onán queˈcam saˈ li tenamit Canaán. Ut laj Fares quicuan cuib li ralal laj Hezrón ut laj Hamul xcˈabaˈeb. | |
| Gene | Kekchi | 46:13 | Aˈaneb aˈin lix cˈabaˈeb li ralal laj Isacar: laj Tola, laj Fúa, laj Job ut laj Simrón. | |
| Gene | Kekchi | 46:14 | Ut aˈaneb aˈin lix cˈabaˈeb li ralal laj Zabulón: laj Sered, laj Elón ut laj Jahleel. | |
| Gene | Kekchi | 46:15 | Joˈcaˈin xcˈabaˈeb li oxlaju xcaˈcˈa̱l (33) chi ralal xcˈajol laj Jacob li quicuan riqˈuin lix Lea saˈ li naˈajej Padan-aram. Ut quicuan ajcuiˈ jun xrabin riqˈuin lix Lea, xDina xcˈabaˈ. | |
| Gene | Kekchi | 46:16 | Aˈaneb aˈin lix cˈabaˈeb li ralal laj Gad: laj Zifión, laj Hagui, laj Ezbón, laj Suni, laj Eri, laj Arodi ut laj Areli. | |
| Gene | Kekchi | 46:17 | Ut aˈaneb aˈin lix cˈabaˈeb li ralal laj Aser: laj Imna, laj Isúa, laj Isúi, laj Bería, ut lix Sera li ri̱tzˈineb. Laj Bería quicuan cuib li ralal, laj Heber ut laj Malquiel xcˈabaˈeb. | |
| Gene | Kekchi | 46:18 | Joˈcaˈin xcˈabaˈeb li cuaklaju (16) chi ralal xcˈajol laj Jacob li quicuan riqˈuin lix Zilpa. Lix Zilpa, aˈan li mo̱s li quiqˈueheˈ re lix Lea xban laj Labán. | |
| Gene | Kekchi | 46:19 | Laj Jacob quicuan cuib li ralal riqˈuin lix Raquel. Laj José ut laj Benjamín xcˈabaˈeb. | |
| Gene | Kekchi | 46:20 | Laj Manasés ut laj Efraín xcˈabaˈeb li cuib chi ralal laj José, li queˈcuan riqˈuin lix Asenat aran Egipto. Lix Asenat, aˈan xrabin laj Potifera, li quicˈamoc be chi tijoc chiruheb laj On. | |
| Gene | Kekchi | 46:21 | Aˈaneb aˈin lix cˈabaˈeb li ralal laj Benjamín: laj Bela, laj Bequer, laj Asbel, laj Gera, laj Naamán, laj Ehi, laj Ros, laj Mupim, laj Hupim ut laj Ard. | |
| Gene | Kekchi | 46:22 | Joˈcaˈin xcˈabaˈeb li ralal xcˈajol laj Jacob li quicuan riqˈuin lix Raquel. Aˈan ca̱lajuheb (14) chixjunileb. | |
| Gene | Kekchi | 46:24 | Aˈaneb aˈin lix cˈabaˈeb li ralal laj Neftalí: laj Jahzeel, laj Guni, laj Jezer ut laj Silem. | |
| Gene | Kekchi | 46:25 | Joˈcaˈin xcˈabaˈeb li cuukub chi ralal xcˈajol laj Jacob li quicuan riqˈuin lix Bilha. Lix Bilha, aˈan li mo̱s li quiqˈueheˈ re lix Raquel xban laj Labán. | |
| Gene | Kekchi | 46:26 | Cuakib xca̱cˈa̱l (66) li ralal xcˈajol laj Jacob li junaj xquiqˈueleb li queˈco̱eb Egipto. Ma̱cˈaˈ eb saˈ ajl li rixakil eb li ralal. | |
| Gene | Kekchi | 46:27 | Cuib li ralal laj José queˈyoˈla aran Egipto. Laje̱b xca̱cˈa̱l (70) chixjunileb li ralal xcˈajol laj Jacob li cuanqueb Egipto. | |
| Gene | Kekchi | 46:28 | Ut laj Jacob quixtakla laj Judá chi cˈamoc be re teˈxcˈul laj José saˈ li tenamit Gosén. Ut queˈco̱eb. | |
| Gene | Kekchi | 46:29 | Ut laj José quixyi̱b lix carre̱t ut qui-oc chi saˈ. Tojoˈnak co̱ Gosén chixcˈulbal lix yucuaˈ. Nak queˈxcˈul rib, laj José ticto quixkˈalu xcux lix yucuaˈ ut ma̱ caˈchˈin nak quiya̱bac nak queˈxkˈalu ribeb. | |
| Gene | Kekchi | 46:30 | Ut laj Jacob quixye re laj José: —Anakcuan naru tinca̱mk xban nak xcuil la̱ cuu ut ya̱l nak toj yoˈyo̱cat, chan. | |
| Gene | Kekchi | 46:31 | Ut laj José quixye reheb li ras joˈ eb ajcuiˈ reheb li rechˈalal, —La̱in xic cue chixyebal re laj faraón nak ac xeˈcˈulun lin yucuaˈ cuiqˈuin joˈ eb li cuas ut joˈ eb ajcuiˈ li kechˈalal li xeˈcuan chak Canaán. | |
| Gene | Kekchi | 46:32 | Tinye ajcuiˈ re nak eb li cuas, aˈaneb aj ilol queto̱mk xban nak li cˈanjel aˈan cˈaynakeb chixba̱nunquil saˈ li tenamit Canaán. Queˈxcˈameb chak chirixeb lix queto̱mk, joˈ eb ajcuiˈ lix carner, joˈ eb ajcuiˈ lix cuacax, ut chixjunil li cˈaˈru cuan reheb, chaˈkin re laj faraón. | |
| Gene | Kekchi | 46:33 | Ut nak laj faraón ta̱a̱tinak e̱riqˈuin ut tixpatzˈ e̱re cˈaˈru li cˈanjel li nequeba̱nu la̱ex, | |
| Gene | Kekchi | 46:34 | la̱ex texchakˈok ut te̱ye re, “Chalen chak saˈ kacaˈchˈinal, la̱o aj ilol queto̱mk. Aˈan ajcuiˈ li cˈanjel li queˈxba̱nu chak eb li kaxeˈto̱nil yucuaˈ.” Joˈcaˈin te̱ye re laj faraón re nak aˈan tixye e̱re nak texcana̱k saˈ li naˈajej Gosén. Kˈaxal us raj texcana̱k arin Gosén xban nak eb laj Egipto xicˈ nequeˈrileb li nequeˈqˈuiresin queto̱mk, chan laj José reheb li ras. | |