GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 39
| Gene | Kekchi | 39:1 | Laj José quicˈameˈ saˈ li nimla tenamit Egipto xbaneb laj ismaelita. Jun li cui̱nk aj Potifar quilokˈoc re. Laj Potifar, aˈan natenkˈan re laj faraón chixtaklanquileb li soldados. Laj faraón, aˈan li acuabej re li tenamit Egipto. | |
| Gene | Kekchi | 39:2 | Li Ka̱cuaˈ Dios quitenkˈan re laj José ut us qui-el riqˈuin chixjunil nak cuan saˈ rochoch laj Egipto lix patrón. | |
| Gene | Kekchi | 39:3 | Laj Potifar quixqˈue retal nak li Ka̱cuaˈ Dios yo̱ chi tenkˈa̱nc re laj José. Joˈcan nak us na-el chiru chixjunil li cˈaˈru naxba̱nu. | |
| Gene | Kekchi | 39:4 | Ut quixqˈue ajcuiˈ retal nak laj José naxqˈue xchˈo̱l chixba̱nunquil lix cˈanjel. Joˈcan nak quixqˈue chokˈ xbe̱n mo̱s ut quixkˈaxtesi saˈ rukˈ chixjunil li cˈaˈru cuan re. | |
| Gene | Kekchi | 39:5 | Chalen nak quixkˈaxtesi saˈ rukˈ laj José li cˈaˈru cuan re, li Ka̱cuaˈ Dios quirosobtesi laj Potifar laj Egipto saˈ xcˈabaˈ laj José. Xban li Ka̱cuaˈ Dios quinabaloˈ li cˈaˈru cuan re laj Potifar. | |
| Gene | Kekchi | 39:6 | Laj Potifar incˈaˈ nacˈoxlac chirix li cˈaˈru re xban nak laj José naril chi us chixjunil. Caˈaj chic lix tzacae̱mk naxcˈoxla. Laj José cˈajoˈ xchakˈal ru ut chˈinaˈus na-iloc. | |
| Gene | Kekchi | 39:7 | Joˈcan nak li rixakil laj Potifar cˈajoˈ nak quicuulac chiru. Saˈ jun li cutan li rixakil laj Potifar quixye re: —At José, quim arin. Anakcuan tatcua̱rk cuiqˈuin, chan li ixk. | |
| Gene | Kekchi | 39:8 | Laj José incˈaˈ quiraj xba̱nunquil li quixye li ixk ut quixye re: —Lin patrón laj Potifar incˈaˈ nacˈoxlac chicuix riqˈuin li cˈaˈru cuan re. Chixjunil quixkˈaxtesi saˈ cuukˈ. | |
| Gene | Kekchi | 39:9 | Ma̱ ani chic nim xcuanquil chicuu la̱in saˈ li cab aˈin. Chixjunil li cˈaˈru cuan re xkˈaxtesi saˈ cuukˈ. Caˈaj cuiˈ la̱at incˈaˈ xatxkˈaxtesi saˈ cuukˈ xban nak la̱at li rixakil. ¿Chanru nak tin-oc chixchˈicbal cuib a̱cuiqˈuin? Ma̱ jokˈe tinba̱nu chi joˈcan. Aˈan nimla ma̱c chiru li Ka̱cuaˈ Dios, chan laj José. | |
| Gene | Kekchi | 39:10 | Li ixk rajlal cutan naxtikcuasi xjolom laj José. Abanan laj José incˈaˈ naxcˈul xchˈo̱l li cˈaˈru naxye re. | |
| Gene | Kekchi | 39:11 | Saˈ jun li cutan laj José co̱ chi trabajic saˈ rochoch laj Potifar ut ma̱ jun eb li mo̱s cuanqueb saˈ cab nak quicuulac. | |
| Gene | Kekchi | 39:12 | Li ixk qui-oc saˈ junpa̱t ut quixchap li rakˈ laj José ut quixye re: —Anakcuan tatcua̱rk cuiqˈuin, chan re. Laj José saˈ junpa̱t quie̱lelic chiru li ixk. Xban nak quia̱linac saˈ junpa̱t quicana li rakˈ saˈ rukˈ li ixk. | |
| Gene | Kekchi | 39:14 | Quixbokeb lix mo̱s saˈ cab ut quixye reheb: —Ilomak li cui̱nk aj hebreo li xcˈam chak laj Potifar. Aˈan xraj raj xcˈutbal kaxuta̱n. Xol-ocak cuiqˈuin ut xraj raj inchapbal. Ut la̱in xinjap cue chi cau. | |
| Gene | Kekchi | 39:15 | Ut aˈan xril nak xinjap cue saˈ rukˈ, ut saˈ junpa̱t x-e̱lelic. Xban nak x-e̱lelic saˈ junpa̱t xcana li rakˈ arin, chan. | |
| Gene | Kekchi | 39:16 | Ut li ixk quixxoc li rakˈ laj José re nak tixcˈut chiru lix be̱lom nak ta̱cuulak saˈ cab. | |
| Gene | Kekchi | 39:17 | Nak laj Potifar quicuulac saˈ cab, li ixk quiticˈtiˈic chiru. Quixye re: —Qˈue retal li mo̱s aj hebreo li xacˈam chak kiqˈuin, aˈan x-oc cuiqˈuin saˈ cab ut xraj raj inchapbal. | |
| Gene | Kekchi | 39:18 | Ut nak xril nak la̱in xinjap cue chi cau, aˈan x-e̱lelic saˈ junpa̱t. Ut xcana li rakˈ cuiqˈuin. | |
| Gene | Kekchi | 39:19 | Joˈcaˈin quixba̱nu la̱ mo̱s cuiqˈuin, chan li ixk. Cˈajoˈ nak quipoˈ laj Potifar nak quirabi cˈaˈru quiyeheˈ re xban li rixakil. Ma̱ caˈchˈin lix joskˈil quichal saˈ xbe̱n laj José. | |
| Gene | Kekchi | 39:20 | Ut laj Potifar quixtakla xchapbal laj José ut quixqˈue saˈ tzˈalam li nequeˈcuan cuiˈ li pre̱x li nequeˈtakla̱c saˈ tzˈalam xban li acuabej. Ut aran quicana laj José chi pre̱xil. | |
| Gene | Kekchi | 39:21 | Ut li Dios junelic cuan riqˈuin. Quixtokˈoba ru laj José ut quixtenkˈa. Laj ilol tzˈalam quixqˈue retal nak laj José, aˈan cha̱bil. | |
| Gene | Kekchi | 39:22 | Quixkˈaxtesi saˈ rukˈ laj José chixjunileb li pre̱x re nak aˈan chic ta̱ilok reheb. Aˈ chic laj José naba̱nun re chixjunil lix cˈanjel laj ilol tzˈalam. | |