GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 20
| Gene | Kekchi | 20:1 | Laj Abraham queˈel saˈ li naˈajej li queˈcuan cuiˈ ut queˈco̱eb saˈ li naˈajej Neguev. Queˈcana saˈ jun li naˈajej li cuan saˈ xya̱nk li cuib chi tenamit Cades ut Shur. Ut mokon chic queˈel saˈ li naˈajej aˈan. Queˈco̱eb saˈ li tenamit Gerar. Ut aran queˈcana. | |
| Gene | Kekchi | 20:2 | Nak ac cuanqueb aran, laj Abraham quixye: —Lix Sara ma̱cuaˈ cuixakil. Aˈan cuanab, chan. Lix reyeb li tenamit Gerar, aˈan laj Abimelec. Li rey aˈan quixtakla xcˈambal lix Sara chokˈ rixakil. | |
| Gene | Kekchi | 20:3 | Chiru li kˈojyi̱n aˈan li Dios quia̱tinac riqˈuin laj Abimelec saˈ lix matcˈ ut quixye re: —Anakcuan la̱at tatca̱mk xban nak li ixk xacˈam a̱cuiqˈuin cuan xbe̱lom, chan li Dios re. | |
| Gene | Kekchi | 20:4 | Laj Abimelec toj ma̱jiˈ nacuan riqˈuin lix Sara. Laj Abimelec quixye re li Dios: —At Ka̱cuaˈ, ¿ma nacacˈoxla xcamsinquil li toj ma̱jiˈ naxba̱nu li ma̱c? | |
| Gene | Kekchi | 20:5 | Laj Abraham cuan re. Aˈan xyehoc cue nak lix Sara, aˈan ranab. Joˈcan ajcuiˈ lix Sara quixye cue nak laj Abraham, aˈan ras. Ma̱cuaˈ la̱in cuan cue nak xinba̱nu li naˈleb aˈin. Moco xinnau ta nak rixakil laj Abraham, chan laj Abimelec. | |
| Gene | Kekchi | 20:6 | Ut li Ka̱cuaˈ Dios quixye re saˈ lix matcˈ: —Ya̱l. La̱in ninnau nak moco la̱at ta cuan a̱cue. Xban nak ninnau aˈin, joˈcan nak incˈaˈ xatinqˈue chi cua̱nc riqˈuin lix Sara. Joˈcan nak incˈaˈ xatma̱cob chicuu. | |
| Gene | Kekchi | 20:7 | Ut anakcuan ta̱kˈaxtesi li ixk aˈin riqˈuin lix be̱lom. Laj Abraham aˈan jun li profeta li nayehoc re li cua̱tin ut aˈan ta̱tijok cha̱cuix re nak incˈaˈ tatca̱mk. Abanan cui incˈaˈ nacakˈaxtesi li ixk aˈin, la̱at tatca̱mk, joˈ eb ajcuiˈ la̱ comon, chan li Dios. | |
| Gene | Kekchi | 20:8 | Joˈ cuulajak chic laj Abimelec quicuacli toj ekˈela. Quixbokeb chixjunileb lix mo̱s ut quixserakˈi reheb li cˈaˈru quiril saˈ lix matcˈ. Ut eb aˈan cˈajoˈ nak queˈxucuac chi rabinquil li a̱tin aˈan. | |
| Gene | Kekchi | 20:9 | Ut laj Abimelec quixbok laj Abraham ut quixye re: —Cˈoxla cˈaˈru xaba̱nu cue. ¿Cˈaˈru inma̱c cha̱cuu nak xaqˈue li raylal aˈin saˈ inbe̱n joˈ ajcuiˈ saˈ xbe̱neb lin tenamit? Incˈaˈ us xaba̱nu cue. | |
| Gene | Kekchi | 20:11 | Laj Abraham quichakˈoc ut quixye re: —La̱in xincˈoxla nak incˈaˈ nequepa̱b li Ka̱cuaˈ Dios saˈ li tenamit aˈin. Cuan saˈ inchˈo̱l nak ma̱re tine̱camsi xban li cuixakil. | |
| Gene | Kekchi | 20:12 | Ya̱l li cˈaˈru xinye a̱cue nak lix Sara cui̱tzˈin. Junaj li kayucuaˈ ut li kanaˈ jalaneb. Joˈcan nak quinsumla riqˈuin. | |
| Gene | Kekchi | 20:13 | Li Dios quiyehoc cue nak tincanab rochoch lin yucuaˈ ut tinxic saˈ jalan naˈajej. La̱in quinye re li cuixakil nak yalak bar tonumekˈ aˈan tixye nak la̱in li ras, chan laj Abraham. | |
| Gene | Kekchi | 20:14 | Tojoˈnak laj Abimelec quixkˈaxtesi lix Sara saˈ rukˈ laj Abraham. Ut quixqˈue nabal lix queto̱mk. Quixqˈue ajcuiˈ lix mo̱s cui̱nk ut lix mo̱s ixk. | |
| Gene | Kekchi | 20:15 | Laj Abimelec quixye re laj Abraham: —Il li naˈajej aˈan. Chixjunil li chˈochˈ aˈan cue la̱in. Ta̱sicˈ li bar cuan ta̱cuulak cha̱cuu ut aran tatcua̱nk, chan. | |
| Gene | Kekchi | 20:16 | Ut laj Abimelec quixye re lix Sara: —Qˈue retal. La̱in xinqˈue jun mil tumin plata re la̱ cuas. Xinba̱nu aˈin re nak li cuanqueb saˈ la̱ cuochoch teˈxqˈue retal nak saˈ xya̱lal xatinkˈaxtesi riqˈuin la̱ be̱lom, ut re ajcuiˈ nak chixjunileb teˈxqˈue retal nak ma̱cˈaˈ a̱ma̱c, chan laj Abimelec re. | |
| Gene | Kekchi | 20:17 | (-18) Xban li cˈaˈru quicˈulman riqˈuin lix Sara, li Ka̱cuaˈ Dios quixtakla jun li yajel saˈ xbe̱neb chixjunileb li cuanqueb saˈ rochoch laj Abimelec re nak eb aˈan incˈaˈ teˈcua̱nk xcocˈaleb. Laj Abraham quitijoc chiru li Dios chirixeb. Li Dios quirabi ut quixqˈuirtesiheb chixjunileb li cuanqueb saˈ rochoch laj Abimelec re nak teˈcua̱nk xcocˈaleb ut quixqˈuirtesiheb ajcuiˈ lix mo̱seb. | |