Site uses cookies to provide basic functionality.

OK
I CORINTHIANS
1 2 3 4 5 6 7 8 9 10 11 12 13 14 15 16
Prev Up Next
Chapter 3
I Co Azeri 3:1  قارداشلار، من سئزئنله روحانئلرله دانيشان کئمي دانيشا بئلمه‌دئم، آنجاق جئسمانئلر کئمي، مسئحده کؤرپه​لر کئمي دانيشديم.
I Co Azeri 3:2  من سئزه آغير يمک يوخ، سود وردئم. چونکي اونو يمه‌يه گوجونوز چاتميردي، ائندي ده چاتمير.
I Co Azeri 3:3  چونکي سئز حله ده جئسمانئسئنئز. آرانيزدا پاخيلّيق و چکئشمه اولماسيندان آيا جئسماني ديئلسئنئز؟ آيا آيري ائنسانلار کئمي ياشاميرسينيز؟
I Co Azeri 3:4  چونکي اگر بئري "من پولوسدان تَبَعئيّت اِدئرم" او بئري ده "من اَپولّوسدان تَبَعئيّت اِدئرم" ديئر، آيا آيري ائنسانلار کئمي ديئلسئنئز؟
I Co Azeri 3:5  اَپولّوس کئمدئر؟ پولوس کئمدئر؟ آنجاق خئدمتکارديرلار کي، اونلارين واسئطه‌سئله، ربّئن هر کسه وردئيي فورصته گؤره ائمان گتئردئنئز.
I Co Azeri 3:6  من اَکدئم، اَپولّوس سوواردي، آمّا تاري بؤيوتدو.
I Co Azeri 3:7  بونا گؤره، موهوم اولان اَکن و يا سوواران ديئل، بؤيودن تاري‌دير.
I Co Azeri 3:8  اَکنله سووارانين دَيَري بئردئر، لاکئن هر بئري چکدئيي زحمتئنه گؤره اجر آلاجاق.
I Co Azeri 3:9  چونکي بئز تاري ائله ائشله‌ين ائشچئلرئک؛ لاکئن سئز تارينين زمئسي، تارينين عئمارتئسئنئز.
I Co Azeri 3:10  من، تارينين منه وردئيي فيضه گؤره، حئکمتلي بئر معمار کئمي بونؤوره قويدوم و آيري بئر آدام اونون اوستونده بئنا ادئر. آمّا هر کس نجه بئنا اتدئيئنه دئقّت اتسئن.
I Co Azeri 3:11  چونکي هچ کئم قويولان بونؤوره​دن، يعني عئسا مسئحدن باشقا بئر بونؤوره قويا بئلمز.
I Co Azeri 3:12  اگر بئري بو بونؤوره اوستونده قيزيلدان، گوموشدن، قئيمتلي داشلاردان، تاختادان، ساماندان، کولَشدن بئنا اتسه،
I Co Azeri 3:13  هر بئرئنئن ائشي بلّي اولاجاق؛ اونا گؤره کي، دئوان گونو اورتايا چيخاجاق، چونکي اودلا آچيغا چيخاجاق. و اود اؤزو هر کسئن ائشئنئن کيفئيّتئني ائمتاحان اده‌جکدئر.
I Co Azeri 3:14  کئمئن بئنا اتدئيي داوام گتئرسه، او، اجر آلاجاق.
I Co Azeri 3:15  کئمئن ائشي يانسا، او، ضرر چکه​جک، آمّا اؤزو اوددان چيخان کئمي نئجات تاپاجاقدير.
I Co Azeri 3:16  مگر بئلمئرسئنئز کي، سئز تارينين معبدئسئنئز و تارينين روحو سئزده ساکئندئر؟
I Co Azeri 3:17  کئم تارينين معبدئني محو اتسه، تاري اونو محو اده​جک. چونکي تارينين معبدي موقدّسدئر؛ بو معبد ده سئزسئنئز.
I Co Azeri 3:18  هچ کئم اؤزونو آلداتماسين. سئزلردن هر کس اگر اؤزونو بو عصرده حئکمت صاحئبي سايير، قوي عاغيلسيز اولسون کي، بلکه حئکمت آلسين.
I Co Azeri 3:19  چونکي بو دونيانين حئکمتي تارينين حوضوروندا عاغيلسيزليقدير. نجه کي، يازيليب دا: "تاري‌دير کي، حئکمت صاحئبلرئني اؤزلرئنئن حؤقّه​بازليقلاري ائله توتور."
I Co Azeri 3:20  گئنه ده يازيليب: "رب بئلئر کي، حئکمت صاحئبلرئنئن دوشونجه​لري فايداسيزدير."
I Co Azeri 3:21  بونا گؤره، هچ کئمئن فخري ائنسانلاردا اولماسين، چونکي هر شي سئزئندئر.
I Co Azeri 3:22  ائستر پولوس اولسون، ائستر اَپولّوس؛ ائستر کئفا اولسون، ائستر دونيا؛ ائستر حيات اولسون، ائستر اؤلوم، ائستر ائندئکي شِيلر اولسون، ائستر گله​جکده​کي؛ هاميسي سئزئندئر.
I Co Azeri 3:23  سئز ده مسئحئنسئنئز، مسئح ده تارينيندير.