I SAMUEL
Chapter 7
| I Sa | CopSahBi | 7:1 | ⲁⲩⲱ ⲁⲩⲉⲓ ⲛϭⲓ ⲛⲣⲱⲙⲉ ⲛⲕⲁⲣⲓⲑⲓⲁⲣⲓⲙ ⲁⲩϥⲓ ⲛⲧⲕⲟⲓⲃⲱⲧⲟⲥ ⲛⲧⲇⲓⲁⲑⲏⲕⲏ ⲙⲡϫⲟⲉⲓⲥ ⲁⲩϫⲓⲧⲥ ⲉϩⲟⲩⲛ ⲉⲡⲏⲓ ⲛⲁⲙⲓⲛⲁⲇⲁⲃ ⲡⲉⲧϩⲛⲡⲃⲟⲩⲛⲟⲥ ⲁⲩⲱ ⲉⲗⲉⲁⲍⲁⲣ ⲡⲉϥϣⲏⲣⲉ ⲁϥⲧⲃⲃⲟϥ ⲉⲧⲣⲉϥϩⲁⲣⲉϩ ⲉⲧⲕⲟⲓⲃⲱⲧⲟⲥ ⲛⲧⲇⲓⲁⲑⲏⲕⲏ ⲙⲡϫⲟⲉⲓⲥ | |
| I Sa | CopSahBi | 7:2 | ⲁⲩⲱ ϫⲓⲛ ⲉⲡⲉϩⲟⲟⲩ ⲛⲧⲁⲧⲕⲟⲓⲃⲱⲧⲟⲥ ϣⲱⲡⲉ ϩⲛ ⲕⲁⲣⲓⲁⲑⲓⲁⲣⲓⲙ ⲛⲉϩⲟⲟⲩ ⲁⲩⲁϣⲁⲓ ⲁⲩⲣϫⲟⲩⲱⲧⲉ ⲛⲣⲟⲙⲡⲉ ⲁⲩⲱ ⲡⲏⲓ ⲧⲏⲣϥ ⲙⲡ ⲁⲩⲕⲧⲟⲟⲩ ⲁⲩⲟⲩⲁϩⲟⲩ ⲛⲥⲁ ⲡϫⲟⲉⲓⲥ | |
| I Sa | CopSahBi | 7:3 | ⲥⲁⲙⲟⲩⲏⲗ ⲇⲉ ⲡⲉϫⲁϥ ⲙⲡⲏⲓ ⲧⲏⲣϥ ⲙⲡ ϫⲉ ⲉϣⲱⲡⲉ ϩⲙ ⲡⲉⲧⲛ[ϩⲏⲧ ⲧⲏⲣϥ] ⲛⲧⲱⲧⲛ [ⲧⲉ]ⲧⲛⲛⲁⲕⲉⲧⲧⲏⲩⲧⲛ ⲉⲡϫⲟⲉⲓⲥ ϥⲓ ⲙⲙⲁⲩ ⲛⲛⲉⲧⲛⲛⲟⲩⲧⲉ ⲛϣⲙⲙⲟ ⲉⲃⲟⲗ ϩⲛ ⲧⲉⲧⲛⲙⲏⲧⲉ ⲙⲛ ⲛⲉⲕⲉⲙⲁ ⲛϣⲏⲛ ⲛⲧⲉⲧⲛⲥⲟⲩⲧⲛ ⲛⲉⲧⲛϩⲏⲧ ⲉϩⲟⲩⲛ ⲉⲡϫⲟⲉⲓⲥ ⲛⲧⲉⲧⲛⲣϩⲙϩⲁⲗ ⲛⲁϥ ⲟⲩⲁⲁⲃ ⲁⲩⲱ ϥⲛⲁⲛⲉϩⲙⲧⲏⲩⲧⲛ ⲛⲧⲟⲟⲧⲟⲩ ⲛⲛⲁⲗⲗⲟⲫⲩⲗⲟⲥ | |
| I Sa | CopSahBi | 7:4 | ⲁⲩⲱ ⲛⲉϣⲏⲣⲉ ⲙⲡ ⲁⲩϥⲓ ⲙⲙⲁⲩ ⲛⲛⲉⲃⲁϩⲁⲗⲓⲙ ⲙⲛ ⲛⲉⲕⲉⲙⲁ ⲛϣⲏⲛ ⲛⲧⲁⲥⲧⲁⲣⲱⲑ ⲁⲩⲣϩⲙϩⲁⲗ ⲙⲡϫⲟⲉⲓⲥ ⲙⲁⲩⲁⲁϥ | |
| I Sa | CopSahBi | 7:5 | ⲡⲉϫⲉⲥⲁⲙⲟⲩⲏⲗ ⲛⲁⲩ ϫⲉ ⲥⲱⲟⲩϩ ⲉϩⲟⲩⲛ ⲙⲡ ⲧⲏⲣϥ ⲉϩⲣⲁⲓ ⲉⲙⲁⲥⲥⲏⲫⲁⲧ ⲛⲧⲁϣⲗⲏⲗ ⲉϩⲣⲁⲓ ⲉⲡϫⲟⲉⲓⲥ ⲉϫⲱⲧⲛ | |
| I Sa | CopSahBi | 7:6 | ⲁⲩⲥⲱⲟⲩϩ ⲇⲉ ⲧⲏⲣⲟⲩ ⲉϩⲣⲁⲓ ⲉⲙⲁⲥⲏⲫⲁⲧ ⲁⲩⲙⲉϩⲙⲟⲟⲩ ⲁⲩⲡⲱϩⲧ ϩⲁⲑⲏ ⲙⲡϫⲟⲉⲓⲥ ⲉϫⲙ ⲡⲕⲁϩ ⲁⲩⲱ ⲁⲩⲛⲏⲥⲧⲉⲩⲉ ⲙⲡⲉϩⲟⲟⲩ ⲉⲧⲙⲙⲁⲩ ⲉⲩϫⲱ ⲙⲙⲟⲥ ϫⲉ ⲁⲛⲣⲛⲟⲃⲉ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ ⲁⲩⲱ ⲥⲁⲙⲟⲩⲏⲗ ⲁϥϯϩⲁⲡ ⲉⲛⲉϣⲏⲣⲉ ⲙⲡ ϩⲙ ⲙⲁⲥⲏⲫⲁⲧ | |
| I Sa | CopSahBi | 7:7 | ⲛⲁⲗⲗⲟⲫⲩⲗⲟⲥ ⲇⲉ ⲁⲩⲥⲱⲧⲙ ϫⲉ ⲛⲉϣⲏⲣⲉ ⲧⲏⲣⲟⲩ ⲙⲡ ⲁⲩⲥⲱⲟⲩϩ ⲉⲙⲁⲥⲥⲏⲫⲁⲧ ⲁⲩⲉⲓ ⲉϩⲣⲁⲓ ⲛϭⲓ ⲛⲥⲁⲧⲣⲁⲡⲏⲥ ⲛⲛⲁⲗⲗⲟⲫⲩⲗⲟⲥ ⲉⲣⲱϥ ⲙⲡ ⲁⲩⲱ ⲛⲉϣⲏⲣⲉ ⲙⲡ ⲁⲩⲥⲱⲧⲙ ⲁⲩⲣϩⲟⲧⲉ ⲉⲙⲁⲧⲉ ϩⲓⲑⲏ ⲛⲛⲁⲗⲗⲟⲫⲩⲗⲟⲥ | |
| I Sa | CopSahBi | 7:8 | ⲡⲉϫⲉⲛⲉϣⲏⲣⲉ ⲙⲡ ⲉϩⲟⲩⲛ ϩⲛ ⲥⲁⲙⲟⲩⲏⲗ ϫⲉ ⲙⲡⲉⲣⲕⲁⲣⲱⲕ ⲉϫⲱⲛ ⲛⲅϭⲱ ⲛⲟⲩⲉϣ ⲛⲱϣ ⲉϩⲣⲁⲓ ⲉⲡϫⲟⲉⲓⲥ ⲡⲉⲕⲛⲟⲩⲧⲉ ⲛⲅⲛⲁϩⲙⲉⲛ ⲛⲧⲟⲟⲧⲟⲩ ⲛⲛⲁⲗⲗⲟⲫⲩⲗⲟⲥ | |
| I Sa | CopSahBi | 7:9 | ⲁⲩⲱ ⲥⲁⲙⲟⲩⲏⲗ ⲁϥϫⲓ ⲛⲟⲩϩⲓⲉⲓⲃ ⲉϥϩⲁⲡⲉϥⲉⲣⲱⲧⲉ ⲁϥⲧⲁⲗⲟϥ ⲉϩⲣⲁⲓ ⲛⲟⲩϭⲗⲓⲗ ⲙⲛ ⲡⲗⲁⲟⲥ ⲧⲏⲣϥ ⲙⲙⲁϩ ⲙⲡϫⲟⲉⲓⲥ ⲁⲩⲱ ⲥⲁⲙⲟⲩⲏⲗ ⲁϥⲱϣ ⲉϩⲣⲁⲓ ⲉⲡϫⲟⲉⲓⲥ ⲉϫⲙ ⲡ ⲁⲡϫⲟⲉⲓⲥ ⲥⲱⲧⲙ ⲉⲣⲟϥ | |
| I Sa | CopSahBi | 7:10 | ⲥⲁⲙⲟⲩⲏⲗ ⲇⲉ ⲛⲉϥⲧⲁⲗⲟ ⲉϩⲣⲁⲓ ⲙⲡⲉϥϭⲗⲓⲗ ⲛⲁⲗⲗⲟⲫⲩⲗⲟⲥ ϩⲱⲟⲩ ⲁⲩⲉⲓ ⲉϩⲣⲁⲓ ⲉⲣⲱϥ ⲙⲡ ⲉⲡⲟⲗⲩⲙⲉⲓ ⲛⲙⲙⲁⲩ ⲡϫⲟⲉⲓⲥ ⲇⲉ ⲁϥϯ ⲛⲟⲩϩⲣⲟⲩⲃⲁⲓ ⲙⲡⲉϩⲟⲟⲩ ⲉⲧⲙⲙⲁⲩ ϩⲛ ⲟⲩⲛⲟϭ ⲛϩⲣⲟⲟⲩ ⲉϫⲛ ⲛⲁⲗⲗⲟⲫⲩⲗⲟⲥ ⲁⲩⲱ ⲁⲩϣⲧⲟⲣⲧⲣ ⲁⲩϭⲱⲧⲡ ⲙⲡⲙⲧⲟ ⲉⲃⲟⲗ ⲙⲡ | |
| I Sa | CopSahBi | 7:11 | ⲛϣⲏⲣⲉ ⲇⲉ ⲙⲡ ⲁⲩⲉⲓ ⲉⲃⲟⲗ ϩⲙ ⲙⲁⲥⲥⲏⲫⲁⲧ ⲁⲩⲡⲱⲧ ⲛⲥⲁ ⲛⲁⲗⲗⲟⲫⲩⲗⲟⲥ ⲁⲩϩⲓⲟⲩⲉ ⲛⲥⲱⲟⲩ ϣⲁⲛⲧⲟⲩⲉⲓ ⲉϩⲣⲁⲓ ⲉⲃⲁⲓⲑⲭⲟⲣ | |
| I Sa | CopSahBi | 7:12 | ⲁⲩⲱ ⲥⲁⲙⲟⲩⲏⲗ ⲁϥϫⲓ ⲛⲟⲩⲱⲛⲉ ⲁϥⲧⲁϩⲟϥ ⲉⲣⲁⲧϥ ϩⲛ ⲧⲙⲏⲧⲉ ⲙⲙⲁⲥⲥⲏⲫⲁⲧ ⲁⲩⲱ ϩⲛ ⲧⲙⲏⲧⲉ ⲛⲧⲉⲧⲟⲩⲙⲟⲩⲧⲉ ⲉⲣⲟⲥ ϫⲉ ⲧⲡⲁⲗⲁⲓⲁ ⲁϥⲙⲟⲩⲧⲉ ⲉⲡⲉϥⲣⲁⲛ ϫⲉ ⲁⲃⲉⲛⲉⲍⲉⲣ ⲉⲧⲉⲡⲁⲓ ⲡⲉ ⲡⲱⲛⲉ ⲙⲡⲃⲟⲏⲑⲟⲥ ⲉϥϫⲱ ⲙⲙⲟⲥ ϫⲉ ϣⲁ ⲉϩⲣⲁⲓ ⲉⲡⲉⲓⲙⲁ ⲁⲡϫⲟⲉⲓⲥ ⲃⲟⲏⲑⲉⲓ ⲉⲣⲟⲛ | |
| I Sa | CopSahBi | 7:13 | ⲁⲩⲱ ⲡϫⲟⲉⲓⲥ ⲁϥⲑⲃⲃⲓⲟ ⲛⲛⲁⲗⲗⲟⲫⲩⲗⲟⲥ ⲙⲡⲟⲩⲱϩ ⲉⲧⲟⲟⲧⲟⲩ ⲉⲉⲓ ⲉϫⲛ ⲛⲉⲧⲟϣ ⲙⲡ ⲁⲩⲱ ⲧϭⲓϫ ⲙⲡϫⲟⲉⲓⲥ ⲁⲥϣⲱⲡⲉ ⲉϫⲛ ⲛⲁⲗⲗⲟⲫⲩⲗⲟⲥ ⲛⲛⲉϩⲟⲟⲩ ⲧⲏⲣⲟⲩ ⲛⲥⲁⲙⲟⲩⲏⲗ | |
| I Sa | CopSahBi | 7:14 | ⲁⲩⲱ ⲙⲡⲟⲗⲓⲥ ⲛⲧⲁⲛⲁⲗⲗⲟⲫⲩⲗⲟⲥ ϥⲓⲧⲟⲩ ⲛⲧⲟⲟⲧⲟⲩ ⲛⲛϣⲏⲣⲉ ⲙⲡ ϫⲓⲛ ⲁⲥⲕⲁⲗⲱⲛ ϣⲁ ⲉϩⲣⲁⲓ ⲉⲁⲍⲟⲃ ⲁⲩⲱ ⲡⲧⲟϣ ⲙⲡ ⲁⲩϥⲓⲧϥ ⲛⲧⲟⲟⲧⲟⲩ ⲛⲛⲁⲗⲗⲟⲫⲩⲗⲟⲥ ⲛⲉⲣⲉⲟⲩⲉⲓⲣⲏⲛⲏ ⲇⲉ ϣⲟⲟⲡ ϩⲛ ⲧⲙⲏⲧⲉ ⲛⲛϣⲏⲣⲉ ⲙⲡ ⲁⲩⲱ ϩⲛ ⲧⲙⲏⲧⲉ ⲙⲡⲁⲙⲟⲣⲣⲁⲓⲟⲥ | |