I SAMUEL
Chapter 18
| I Sa | CopSahBi | 18:6 | ⲛⲉⲧⲭⲟⲣⲉⲩⲉ ⲇⲉ ⲁⲩⲉⲓ ⲉⲃⲟⲗ ϩⲏⲧϥ ⲛⲇⲁⲩⲉⲓⲇ ⲉⲃⲟⲗ ϩⲛ ⲛⲉⲡⲟⲗⲓⲥ ⲧⲏⲣⲟⲩ ⲙⲡ ⲙⲛ ⲛⲉⲩⲕⲟⲩⲕⲙ ⲁⲩⲱ ⲛⲉⲩⲕⲩⲙⲃⲁⲗⲟⲛ ϩⲛ ⲟⲩⲣⲁϣⲉ | |
| I Sa | CopSahBi | 18:7 | ⲁⲩⲱ ⲛⲉⲩϩⲓⲟⲙⲉ ⲁⲩϩⲙⲟⲟⲥ ⲉⲩϩⲱⲥ ⲉⲩⲥⲱⲃⲉ ⲉⲩϫⲱ ⲙⲙⲟⲥ ϫⲉ ⲥⲁⲟⲩⲗ ⲁϥⲡⲁⲧⲁⲥⲥⲉ ϩⲛ ⲛⲉϥϣⲟ ⲇⲁⲩⲉⲓⲇ ϩⲱⲱϥ ϩⲛ ⲛⲉϥⲧⲃⲁ | |
| I Sa | CopSahBi | 18:8 | ⲁⲩⲱ ⲡⲉⲓϣⲁϫⲉ ⲁϥϣⲱⲡⲉ ⲙⲡⲟⲛⲏⲣⲟⲛ ⲉⲙⲁⲧⲉ ⲛⲁϩⲣⲁϥ ⲛⲥⲁⲟⲩⲗ ⲉⲧⲃⲉ ⲡⲉⲓϣⲁϫⲉ ⲛⲧⲁⲩϫⲟⲟϥ ⲉⲩϫⲱ ⲙⲙⲟⲥ ϫⲉ ⲛⲉⲧⲃⲁ ⲁⲩⲧⲁⲁⲩ ⲛⲇⲁⲩⲉⲓⲇ ⲁⲛⲟⲕ ϩⲱ ⲁⲩϯⲛϣⲟ ⲛⲁⲓ | |
| I Sa | CopSahBi | 18:10 | ⲁⲥϣⲱⲡⲉ ⲇⲉ ⲙⲛⲛⲥⲁ ⲡⲉϩⲟⲟⲩ ⲉⲧⲙⲙⲁⲩ ⲁⲩ ⲙⲡⲟⲛⲏⲣⲟⲛ ⲉⲓ ⲉϫⲛ ⲥⲁⲟⲩⲗ ⲁϥⲡⲣⲟⲫⲏⲧⲉⲩⲉ ϩⲛ ⲧⲙⲏⲧⲉ ⲙⲡⲉϥⲏⲓ ⲕⲁⲧⲁ ⲑⲉ ⲟⲛ ⲙⲙⲏⲛⲉ ⲁⲩⲱ ⲧⲗⲟⲅⲭⲏ ⲛⲉⲥϩⲛⲧϭⲓϫ ⲛⲥⲁⲟⲩⲗ | |
| I Sa | CopSahBi | 18:11 | ⲥⲁⲟⲩⲗ ⲇⲉ ⲁϥⲛⲁⲩ ⲉⲧⲗⲟⲅⲭⲏ ⲡⲉϫⲁϥ ϫⲉ ϯⲛⲁⲣⲁϩⲧⲇⲁⲩⲉⲓⲇ ϩⲛ ⲧⲁⲓ ⲛⲧⲉⲣⲉϥⲛⲟϫⲥ ⲇⲉ ⲉ ⲁϥⲡⲟϣⲥϥ ϩⲁ ⲡϩⲟ ⲛⲥⲁⲟⲩⲗ ⲁⲥⲧⲱⲝ ⲉⲧϫⲟ | |
| I Sa | CopSahBi | 18:13 | ⲁϥⲧⲣⲉϥⲗⲟ ϩⲁ ⲡⲉϥϩⲟ ⲁϥⲕⲁⲑⲓⲥⲧⲁ ⲙⲙⲟϥ ⲛⲭⲓⲗⲓⲁⲣⲭⲟⲥ ⲛⲁϥ ⲁⲩⲱ ⲛⲉϥⲙⲟⲟϣⲉ ⲉⲃⲟⲗ ⲁⲩⲱ ⲛⲉϥⲛⲏⲩ ⲉϩⲟⲩⲛ ϩⲓⲑⲏ ⲙⲡⲗⲁⲟⲥ | |
| I Sa | CopSahBi | 18:16 | ⲡ ⲇⲉ ⲧⲏⲣϥ ⲙⲛ ⲓⲟⲩⲇⲁ ⲛⲉⲩⲙⲉ ⲛⲇⲁⲩⲉⲓⲇ ⲉⲃⲟⲗ ϫⲉ ⲛⲧⲟϥ ⲛⲉϥⲛⲏⲩ ⲉϩⲟⲩⲛ ⲁⲩⲱ ⲛⲉϥⲛⲏⲩ ⲉⲃⲟⲗ ϩⲓⲑⲏ ⲙⲡⲗⲁⲟⲥ | |
| I Sa | CopSahBi | 18:17 | ⲡⲉϫⲉⲥⲁⲟⲩⲗ ⲉϩⲟⲩⲛ ϩⲛ ⲇⲁⲩⲉⲓⲇ ϫⲉ ⲉⲓⲥ ⲧⲁⲛⲟϭ ⲛϣⲉⲉⲣⲉ ⲙⲉⲣⲟⲃ ϯⲛⲁⲧⲁⲁⲥ ⲛⲁⲕ ⲛⲥϩⲓⲙⲉ ⲡⲗⲏⲛ ϣⲱⲡⲉ ⲛⲁⲓ ⲛⲟⲩϣⲏⲣⲉ ⲛⲇⲩⲛⲁⲧⲟⲥ ⲛⲅⲡⲟⲗⲉⲙⲉⲓ ⲙⲛ ⲛϫⲁϫⲉ ⲙⲡϫⲟⲉⲓⲥ ⲥⲁⲟⲩⲗ ⲇⲉ ⲁϥϫⲟⲟⲥ ϫⲉ ⲛⲛⲉⲧⲁϭⲓϫ ϣⲱⲡⲉ ϩⲓϫⲱϥ | |
| I Sa | CopSahBi | 18:18 | ⲡⲉϫⲉⲇⲁⲩⲉⲓⲇ ϫⲉ ⲁⲛⲅ ⲛⲓⲙ ⲁⲛⲟⲕ ⲁⲩⲱ ⲟⲩ ⲛⲉ ⲛⲉⲥⲩⲅⲅⲉⲛⲓⲁ ⲙⲡⲁⲉⲓⲱⲧ ϩⲙ ⲡ ϫⲉ ⲉⲓⲉϩⲙⲟⲟⲥ ⲙⲛ ⲧϣⲉⲉⲣⲉ ⲙⲡⲣⲣⲟ | |
| I Sa | CopSahBi | 18:19 | ⲁⲩⲱ ⲁⲥϣⲱⲡⲉ ϩⲙ ⲡⲉⲩⲟⲉⲓϣ ⲉⲧⲣⲉⲙⲉⲣⲱⲃ ⲧϣⲉⲉⲣⲉ ⲛⲥⲁⲟⲩⲗ ϩⲙⲟⲟⲥ ⲙⲛ ⲇⲁⲩⲉⲓⲇ ⲁⲩⲧⲁⲁⲥ ⲙⲙⲁⲭⲣⲓⲏⲗ ⲡϣⲏⲣⲉ ⲙⲙⲁⲟⲗⲗⲁⲓⲥ ⲉⲧⲣⲉⲥϣⲱⲡⲉ ⲛⲁϥ ⲛⲥϩⲓⲙⲉ | |
| I Sa | CopSahBi | 18:21 | ⲡⲉϫⲉⲥⲁⲟⲩⲗ ϫⲉ ϯⲛⲁⲧⲁⲁⲥ ⲛⲁϥ ⲛⲥϩⲓⲙⲉ ϫⲉ ⲉⲥⲉϣⲱⲡⲉ ⲛⲁϥ ⲛⲥⲕⲁⲛⲇⲁⲗⲟⲛ ⲁⲩⲱ ⲧϭⲓϫ ⲛⲛⲁⲗⲗⲟⲫⲩⲗⲟⲥ ⲛⲉⲥϣⲟⲟⲡ ⲉϫⲛ ⲥⲁⲟⲩⲗ | |
| I Sa | CopSahBi | 18:22 | ⲥⲁⲟⲩⲗ ⲇⲉ ⲁϥϩⲱⲛ ⲉⲧⲟⲟⲧⲟⲩ ⲉⲛⲉϥϩⲙϩⲁⲗ ⲉϥϫⲱ ⲙⲙⲟⲥ ⲛⲁⲩ ϫⲉ ⲛⲧⲱⲧⲛ ϣⲁϫⲉ ⲛϩⲱⲡ ⲙⲛ ⲉⲧⲉⲧⲛϫⲱ ⲙⲙⲟⲥ ⲛⲁϥ ϫⲉ ⲉⲓⲥ ⲡⲣⲣⲟ ⲟⲩⲁϣⲕ ⲁⲩⲱ ⲛⲉϥⲕⲉϩⲙϩⲁⲗ ⲧⲏⲣⲟⲩ ⲥⲉⲙⲉ ⲙⲙⲟⲕ ⲛⲧⲟⲕ ϭⲉ ⲟⲩⲱϣ ⲉϩⲙⲟⲟⲥ ⲙⲛ ⲧϣⲉⲉⲣⲉ ⲙⲡⲣⲣⲟ | |
| I Sa | CopSahBi | 18:23 | ⲁⲩⲱ ⲛϩⲙϩⲁⲗ ⲛⲥⲁⲟⲩⲗ ⲁⲩϣⲁϫⲉ ⲙⲛ ⲇⲁⲩⲉⲓⲇ ⲕⲁⲧⲁ ⲛⲉⲓϣⲁϫⲉ ⲡⲉϫⲉ ⲛⲁⲩ ϫⲉ ⲡϩⲱⲃ ⲟⲩⲗⲁⲁⲩ ϩⲏ ⲡⲉ ⲛⲁϩⲣⲏⲧⲛ ⲉⲧⲣⲁⲧⲱϩ ⲛⲧⲉⲓϩⲉ ⲙⲛ ⲡⲣⲣⲟ ⲁⲛⲟⲕ ⲇⲉ ⲁⲛⲅ ⲟⲩⲣⲱⲙⲉ ⲛϩⲏⲕⲉ ⲉⲓⲥⲏϣ ⲉⲛϯⲧⲁⲓⲏⲩ ⲁⲛ | |
| I Sa | CopSahBi | 18:25 | ⲡⲉϫⲉⲥⲁⲟⲩⲗ ⲛⲁⲩ ϫⲉ ⲛⲁⲓ ⲛⲉⲧⲉⲧⲛⲛⲁϫⲟⲟⲩ ⲉⲇⲁⲩⲉⲓⲇ ϫⲉ ⲛⲉⲣⲉⲡⲣⲣⲟ ⲟⲩⲉϣⲧⲣⲉⲡⲉⲓⲧⲱϣ ϣⲱⲡⲉ ⲁⲛ ϩⲛ ϩⲉⲛⲭⲣⲏⲙⲁ ⲁⲗⲗⲁ ϩⲛ ϣⲉ ⲙⲙⲛⲧⲁⲧⲥⲃⲃⲉ ⲛⲧⲉ ⲛⲁⲗⲗⲟⲫⲩⲗⲟⲥ ⲉϫⲓⲕⲃⲁ ⲛⲛⲉϫⲁϫⲉ ⲙⲡⲣⲣⲟ ⲥⲁⲟⲩⲗ ⲇⲉ ⲁϥⲙⲟⲕⲙⲉⲕ ⲉⲧⲁⲁϥ ⲉⲧⲟⲟⲧⲟⲩ ⲛⲛⲁⲗⲗⲟⲫⲩⲗⲟⲥ | |
| I Sa | CopSahBi | 18:27 | ⲁⲩⲱ ⲇⲁⲩⲉⲓⲇ ⲁϥⲧⲱⲟⲩⲛ ⲁϥⲃⲱⲕ ⲙⲛ ⲛⲉϥⲣⲱⲙⲉ ⲁϥⲡⲁⲧⲁⲥⲥⲉ ⲛⲛⲁⲗⲗⲟⲫⲩⲗⲟⲥ ⲛϣⲉ ⲛⲣⲱⲙⲉ ⲁϥⲉⲓⲛⲉ ⲛⲛⲉⲩⲙⲛⲧⲁⲧⲥⲃⲃⲉ ⲉⲣⲁⲧϥ ⲙⲡⲣⲣⲟ ⲁϥⲧⲱϩ ⲇⲉ ⲙⲛ ⲡⲣⲣⲟ ⲁⲩⲱ ⲙⲉⲗⲭⲱⲗ ⲧⲉϥϣⲉⲉⲣⲉ ⲁϥⲧⲁⲁⲥ ⲛⲁϥ ⲛⲥϩⲓⲙⲉ | |