ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 60
| Isai | CopSahBi | 60:2 | ⲉⲓⲥ ϩⲏⲏⲧⲉ ⲅⲁⲣ ⲡⲕⲁⲕⲉ ⲙⲛ ⲡϭⲟⲥⲙ ⲛⲁϩⲉⲃⲥⲡⲕⲁϩ ⲉϫⲛ ⲛϩⲉⲑⲛⲟⲥ ⲡϫⲟⲉⲓⲥ ⲇⲉ ⲛⲁϣⲁ ⲉϫⲱ ⲁⲩⲱ ⲡⲉϥⲉⲟⲟⲩ ⲛⲁⲟⲩⲱⲛϩ ⲉⲃⲟⲗ ⲉϫⲱ | |
| Isai | CopSahBi | 60:4 | ϥⲓ ⲉⲓⲁⲧⲉ ⲉϩⲣⲁⲓ ⲙⲡⲟⲩⲕⲱⲧⲉ ϩⲛ ⲛⲟⲩⲃⲁⲗ ⲛⲧⲉⲛⲁⲩ ⲉⲛⲟⲩϣⲏⲣⲉ ⲧⲏⲣⲟⲩ ⲉⲩⲥⲟⲟⲩϩ ⲉⲓⲥ ϩⲏⲏⲧⲉ ⲁⲛⲟⲩϣⲏⲣⲉ ⲧⲏⲣⲟⲩ ⲉⲓ ⲙⲡⲟⲩⲉ ⲁⲩⲱ ⲛⲟⲩϣⲉⲉⲣⲉ ⲉⲩϥⲓ ⲙⲙⲟⲟⲩ ϩⲓ ⲛⲉⲩⲛⲁϩⲃ | |
| Isai | CopSahBi | 60:5 | ⲧⲟⲧⲉ ⲧⲉⲛⲁⲛⲁⲩ ⲛⲧⲉⲣϩⲟⲧⲉ ⲛⲧⲉⲣϣⲡⲏⲣⲉ ϩⲙ ⲡⲟⲩϩⲏⲧ ϫⲉ ⲧⲙⲛⲧⲣⲙⲙⲁⲟ ⲛⲑⲁⲗⲁⲥⲥⲁ ⲛⲁⲕⲟⲧⲥ ⲉⲣⲟ ⲁⲩⲱ ⲧⲁ ⲛϩⲉⲑⲛⲟⲥ ⲙⲛ ⲛⲗⲁⲟⲥ ⲁⲩⲱ ⲥⲉⲛⲏⲩ ϣⲁⲣⲟ | |
| Isai | CopSahBi | 60:6 | ⲛϭⲓ ϩⲉⲛⲁⲅⲅⲉⲗⲏ ⲛϭⲁⲙⲟⲩⲗ ⲛⲥⲉϩⲟⲃⲥⲉ ⲛϭⲓ ⲛϭⲁⲙⲟⲩⲗ ⲙⲙⲁⲇⲓϩⲁⲙ ⲙⲛ ⲅⲁⲓⲫⲁⲣ ⲥⲉⲛⲏⲩ ⲧⲏⲣⲟⲩ ⲉⲃⲟⲗ ϩⲛ ⲥⲁⲃⲁ ⲉⲩⲉⲓⲛⲉ ⲙⲡⲛⲟⲩⲃ ⲁⲩⲱ ⲥⲉⲛⲁⲉⲓⲛⲉ ⲛⲉ ⲙⲡⲗⲓⲃⲁⲛⲟⲥ ⲙⲛ ⲡⲱⲛⲉ ⲙⲙⲉ ⲛⲥⲉⲧⲁϣⲉⲟⲉⲓϣ ⲛⲉ ⲙⲡⲟⲩϫⲁⲓ ⲙⲡϫⲟⲉⲓⲥ | |
| Isai | CopSahBi | 60:7 | ⲛⲧⲉⲛⲉⲥⲟⲟⲩ ⲧⲏⲣⲟⲩ ⲛⲕⲏⲇⲁⲣ ⲥⲱⲟⲩϩ ⲛⲉ ⲛⲧⲉⲛⲟⲉⲓⲗⲉ ⲛⲁⲃⲁⲓⲱⲑ ⲉⲓ ⲛⲉ ⲁⲩⲱ ⲥⲉⲛⲁⲧⲁⲗⲉⲇⲱⲣⲟⲛ ⲉϩⲣⲁⲓ ⲉϥϣⲏⲡ ⲉϫⲙ ⲡⲁⲑⲩⲥⲓⲁⲥⲧⲏⲣⲓⲟⲛ ⲁⲩⲱ ⲡⲏⲓ ⲙⲡⲁϣⲗⲏⲗ ⲛⲁϫⲓⲉⲟⲟⲩ ⲡⲁⲏⲓ ⲅⲁⲣ ⲉⲩⲛⲁⲙⲟⲩⲧⲉ ⲉⲣⲟϥ ϫⲉ ⲡⲏⲓ ⲙⲡⲉϣⲗⲏⲗ ⲛⲛϩⲉⲑⲛⲟⲥ ⲧⲏⲣⲟⲩ | |
| Isai | CopSahBi | 60:9 | ⲁⲩⲱ ⲛⲧⲁⲛⲛⲏⲥⲟⲥ ϩⲩⲡⲟⲙⲉⲓⲛⲉ ⲉⲣⲟ ⲁⲩⲱ ⲛⲉϫⲏⲩ ⲛⲑⲁⲣⲥⲓⲥ ⲣϣⲟⲣⲡ ⲉⲉⲓⲛⲉ ⲛⲉ ⲛⲛⲟⲩϣⲏⲣⲉ ⲙⲡⲟⲩⲉ ⲁⲩⲱ ⲡⲛⲟⲩⲃ ⲙⲛ ⲡϩⲁⲧ ⲛⲙⲙⲁⲩ ⲉⲧⲃⲉ ⲡⲣⲁⲛ ⲙⲡϫⲟⲉⲓⲥ ⲉⲧⲟⲩⲁⲁⲃ ⲁⲩⲱ ⲉⲧⲣⲉⲡⲉⲧⲟⲩⲁⲁⲃ ⲙⲡⲓⲥⲣⲁⲏⲗ ϣⲱⲡⲉ ϩⲁ ⲉⲟⲟⲩ | |
| Isai | CopSahBi | 60:10 | ⲁⲩⲱ ⲛϣⲙⲙⲟ ⲛⲁⲕⲱⲧ ⲛⲛⲟⲩⲥⲟⲃⲧ ⲁⲩⲱ ⲛⲣⲣⲱⲟⲩ ⲛⲁⲁϩⲉⲣⲁⲧⲟⲩ ⲉⲣⲟ ⲉⲧⲃⲉ ⲧⲁⲟⲣⲅⲏ ⲁⲓⲡⲁⲧⲁⲥⲥⲉ ⲙⲙⲟ ⲁⲩⲱ ⲉⲧⲃⲉ ⲟⲩⲛⲁ ⲁⲓⲙⲉⲣⲓⲧⲉ | |
| Isai | CopSahBi | 60:11 | ⲁⲩⲱ ⲛⲟⲩⲡⲩⲗⲏ ⲛⲁⲟⲩⲱⲛ ⲛⲟⲩⲟⲉⲓϣ ⲛⲓⲙ ⲙⲡⲉϩⲟⲟⲩ ⲙⲛ ⲧⲉⲩϣⲏ ⲛⲥⲉⲛⲁϣⲧⲁⲙ ⲁⲛ ⲉⲧⲣⲉⲩⲉⲓⲛⲉ ⲉϩⲟⲩⲛ ⲛⲉ ⲛⲧϭⲟⲙ ⲛⲛϩⲉⲑⲛⲟⲥ ⲙⲛ ⲛⲣⲣⲱⲟⲩ ⲉⲩⲉⲓⲛⲉ ⲙⲙⲟⲟⲩ | |
| Isai | CopSahBi | 60:12 | ⲛϩⲉⲑⲛⲟⲥ ⲅⲁⲣ ⲙⲛ ⲛⲣⲱⲟⲩ ⲉⲧⲉⲛⲥⲉⲛⲁⲣϩⲙϩⲁⲗ ⲛⲉ ⲁⲛ ⲥⲉⲛⲁⲧⲁⲕⲟ ⲁⲩⲱ ⲛϩⲉⲑⲛⲟⲥ ϩⲛ ⲟⲩϫⲁⲓⲉ ⲥⲉⲛⲁⲣϫⲁⲉⲓⲉ | |
| Isai | CopSahBi | 60:13 | ⲁⲩⲱ ⲡⲉⲟⲟⲩ ⲙⲡⲗⲓⲃⲁⲛⲟⲥ ⲛⲏⲩ ⲛⲉ ϩⲛ ⲟⲩⲕⲩⲡⲁⲣⲓⲥⲥⲟⲥ ⲙⲛ ⲟⲩⲡⲉⲩⲕⲏ ⲙⲛ ⲟⲩⲕⲉⲇⲣⲟⲥ ϩⲓ ⲟⲩⲥⲟⲡ ⲉϯⲉⲟⲟⲩ ⲙⲡⲁⲙⲁ ⲉⲧⲟⲩⲁⲁⲃ | |
| Isai | CopSahBi | 60:14 | ⲁⲩⲱ ⲥⲉⲛⲏⲩ ϣⲁⲣⲟ ⲉⲩⲣϩⲟⲧⲉ ⲛϭⲓ ⲛϣⲏⲣⲉ ⲛⲛⲉⲛⲧⲁⲩⲑⲃⲃⲓⲟ ⲁⲩⲱ ⲛⲉⲛⲧⲁⲩϯⲛⲟⲩϭⲥ ⲛⲉ ⲁⲩⲱ ⲥⲉⲛⲁⲙⲟⲩⲧⲉ ⲉⲣⲟ ϫⲉ ⲧⲡⲟⲗⲓⲥ ⲙⲡϫⲟⲉⲓⲥ ⲥⲓⲱⲛ ⲧⲉⲧⲟⲩⲁⲁⲃ ⲙⲡⲓⲥⲣⲁⲏⲗ | |
| Isai | CopSahBi | 60:15 | ⲉⲧⲃⲉ ϫⲉ ⲁⲓⲕⲁⲁⲧⲉ ⲛⲥⲱⲓ ⲡⲉ ⲁⲩⲱ ⲁⲓⲙⲉⲥⲧⲱ ⲁⲩⲱ ⲛⲉⲙⲛⲡⲉⲧⲃⲟⲏⲑⲉⲓ ⲛⲉ ⲡⲉ ⲁⲩⲱ ϯⲛⲁⲕⲁⲁⲧⲉ ⲛⲧⲉⲗⲏⲗ ϣⲁ ⲉⲛⲉϩ ⲁⲩⲱ ⲛⲟⲩⲛⲟϥ ⲛϩⲉⲛϫⲱⲙ ⲛϫⲱⲙ | |
| Isai | CopSahBi | 60:16 | ⲧⲉⲛⲁⲥⲱⲛⲅ ⲙⲡⲉⲣⲱⲧⲉ ⲛⲛϩⲉⲑⲛⲟⲥ ⲛⲧⲉⲟⲩⲱⲙ ⲛⲧⲙⲛⲧⲣⲙⲙⲁⲟ ⲛⲛⲣⲣⲱⲟⲩ ⲛⲧⲉⲉⲓⲙⲉ ϫⲉ ⲁⲛⲟⲕ ⲡⲉ ⲡϫⲟⲉⲓⲥ ⲉⲧⲧⲁⲛϩⲟ ⲙⲙⲟ ⲁⲩⲱ ⲉⲧⲛⲟⲩϩⲙ ⲙⲙⲟ ⲡⲛⲟⲩⲧⲉ ⲙⲡⲓⲥⲣⲁⲏⲗ | |
| Isai | CopSahBi | 60:17 | ⲁⲩⲱ ⲉⲡⲙⲁ ⲛⲟⲩϩⲟⲙⲛⲧ ϯⲛⲁϯ ⲛⲉ ⲛⲟⲩⲛⲟⲩⲃ ⲁⲩⲱ ⲟⲩϩⲁⲧ ⲉⲡⲙⲁ ⲛⲟⲩⲡⲉⲛⲓⲡⲉ ⲉⲡⲙⲁ ⲇⲉ ⲛϩⲉⲛϣⲉ ϯⲛⲁϯ ⲛⲉ ⲛⲟⲩϩⲟⲙⲛⲧ ⲁⲩⲱ ⲟⲩⲡⲉⲛⲓⲡⲉ ⲉⲡⲙⲁ ⲛϩⲉⲛⲱⲛⲉ ϯⲛⲁϯ ⲛⲛⲟⲩⲁⲣⲭⲱⲛ ϩⲛ ⲟⲩⲉⲓⲣⲏⲛⲏ ⲁⲩⲱ ⲛⲟⲩⲉⲡⲓⲥⲕⲟⲡⲟⲥ ϩⲛ ⲟⲩⲇⲓⲕⲁⲓⲟⲥⲩⲛⲏ | |
| Isai | CopSahBi | 60:18 | ⲛⲥⲉⲧⲙⲥⲱⲧⲙ ϫⲓⲛ ⲧⲉⲛⲟⲩ ⲉϫⲓ ⲛϭⲟⲛⲥ ϩⲙ ⲡⲟⲩⲕⲁϩ ⲟⲩⲇⲉ ⲟⲩⲱϣϥ ⲟⲩⲇⲉ ⲧⲁⲗⲁⲓⲡⲱⲣⲓⲁ ϩⲛ ⲛⲟⲩⲧⲟϣ ⲁⲗⲗⲁ ⲥⲉⲛⲁⲙⲟⲩⲧⲉ ⲉⲛⲟⲩⲥⲟⲃⲧ ϫⲉ ⲡⲟⲩϫⲁⲓ ⲁⲩⲱ ⲛⲟⲩⲡⲩⲗⲏ ϫⲉ ⲡⲉⲅⲗⲩⲙⲙⲁ | |
| Isai | CopSahBi | 60:19 | ⲁⲩⲱ ⲙⲡⲣⲏ ⲁⲛ ⲡⲉⲧⲛⲁϣⲱⲡⲉ ⲛⲉ ⲛⲟⲩⲟⲉⲓⲛ ⲙⲡⲉϩⲟⲟⲩ ⲁⲩⲱ ⲙⲡϣⲁϩ ⲁⲛ ⲙⲡⲟⲟϩ ⲡⲉⲧⲛⲁⲣⲟⲩⲟⲉⲓⲛ ⲉⲣⲟ ϩⲛ ⲧⲉⲩϣⲏ ⲁⲗⲗⲁ ⲡϫⲟⲉⲓⲥ ⲡⲉⲧⲛⲁϣⲱⲡⲉ ⲛⲉ ⲛⲟⲩⲟⲉⲓⲛ ϣⲁ ⲉⲛⲉϩ ⲁⲩⲱ ⲡⲛⲟⲩⲧⲉ ⲛⲉⲟⲟⲩ ⲛⲉ | |
| Isai | CopSahBi | 60:20 | ⲙⲡⲟⲩⲣⲏ ⲅⲁⲣ ⲛⲁ ϩⲱⲧⲡ ⲁⲛ ⲁⲩⲱ ⲙⲡⲟⲩⲟⲟϩ ⲛⲁϭⲱϫⲃ ⲁⲛ ⲡϫⲟⲉⲓⲥ ⲅⲁⲣ ⲡⲛⲟⲩⲧⲉ ⲛⲁϣⲱⲡⲉ ⲛⲉ ⲛⲟⲩⲟⲉⲓⲛ ϣⲁ ⲉⲛⲉϩ ⲛⲧⲉⲛⲉϩⲟⲟⲩ ⲙⲡⲟⲩϩⲏⲃⲉ ϫⲱⲕ ⲉⲃⲟⲗ | |
| Isai | CopSahBi | 60:21 | ⲁⲩⲱ ⲡⲟⲩⲗⲁⲟⲥ ⲧⲏⲣϥ ⲛⲇⲓⲕⲁⲓⲟⲥ ⲁⲩⲱ ⲥⲉⲛⲁⲕⲗⲏⲣⲟⲛⲟⲙⲉⲓ ⲙⲡⲕⲁϩ ϣⲁ ⲉⲛⲉϩ ⲡⲉⲧⲁⲣⲉϩ ⲉⲡⲧⲱϭⲉ ⲛⲛⲉϩⲃⲏⲩⲉ ⲛⲛⲉϥϭⲓϫ ⲉⲩⲉⲟⲟⲩ | |