ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 19
| Isai | CopSahBi | 19:1 | ⲑⲟⲣⲁⲥⲓⲥ ⲛⲕⲏⲙⲉ ⲉⲓⲥ ⲡϫⲟⲉⲓⲥ ϥϩⲙⲟⲟⲥ ϩⲓϫⲛ ⲟⲩⲕⲗⲟⲟⲗⲉ ⲉⲥⲁⲥⲱⲟⲩ ⲁⲩⲱ ϥⲛⲏⲩ ⲉϩⲣⲁⲓ ⲉⲕⲏⲙⲉ ⲙⲙⲟⲩⲛⲅ ⲛϭⲓϫ ⲧⲏⲣⲟⲩ ⲛⲕⲏⲙⲉ ⲛⲁⲕⲓⲙ ⲙⲡⲉϥⲙⲧⲟ ⲉⲃⲟⲗ ⲁⲩⲱ ⲡⲉⲩϩⲏⲧ ⲛⲁϭⲱⲧⲡ ϩⲣⲁⲓ ⲛϩⲏⲧⲟⲩ | |
| Isai | CopSahBi | 19:2 | ⲁⲩⲱ ⲛⲣⲙⲛⲕⲏⲙⲉ ⲛⲁⲧⲱⲟⲩⲛ ⲉϫⲛ ⲛⲣⲙⲛⲕⲏⲙⲉ ⲁⲩⲱ ⲡⲣⲱⲙⲉ ⲛⲁⲙⲓϣⲉ ⲙⲛ ⲡⲉϥⲥⲟⲛ ⲡⲣⲱⲙⲉ ⲙⲛ ⲡⲉⲧϩⲓⲧⲟⲩⲱϥ ⲟⲩⲛⲟⲩⲡⲟⲗⲓⲥ ⲛⲁⲧⲱⲟⲩⲛ ⲉϫⲛ ⲟⲩⲡⲟⲗⲓⲥ ⲁⲩⲱ ⲟⲩⲧⲟϣ ⲉϫⲛ ⲟⲩⲧⲟϣ | |
| Isai | CopSahBi | 19:3 | ⲛⲧⲉⲡⲉⲡⲛⲁ ⲛⲛⲣⲙⲛⲕⲏⲙⲉ ϣⲧⲟⲣⲧⲣ ϩⲣⲁⲓ ⲛϩⲏⲧⲟⲩ ⲁⲩⲱ ϯⲛⲁϫⲱⲱⲣⲉ ⲉⲃⲟⲗ ⲙⲡⲉⲩϣⲟϫⲛⲉ ⲁⲩⲱ ⲥⲉⲛⲁϣⲓⲛⲉ ⲛⲛⲉⲩⲛⲟⲩⲧⲉ ⲙⲛ ⲛⲉⲩⲧⲟⲩⲱⲧ ⲙⲛ ⲛⲉⲧⲙⲟⲩⲧⲉ ⲉⲃⲟⲗ ϩⲙ ⲡⲕⲁϩ ⲙⲛ ⲛⲉⲧϣⲁϫⲉ ⲉⲃⲟⲗ ⲛϩⲏⲧⲟⲩ | |
| Isai | CopSahBi | 19:4 | ⲁⲩⲱ ϯⲛⲁϯ ⲛⲕⲏⲙⲉ ⲉⲛϭⲓϫ ⲛϩⲉⲛⲣⲱⲙⲉ ⲛϫⲟⲉⲓⲥ ⲉⲩⲛⲁϣⲧ ⲁⲩⲱ ⲟⲩⲛϩⲉⲛⲉⲣⲱⲟⲩ ⲉⲩⲛⲁϣⲧ ⲛⲁⲣϫⲟⲉⲓⲥ ⲉⲣⲟⲟⲩ ⲛⲁⲓ ⲛⲉⲧⲉⲣⲉⲡϫⲟⲉⲓⲥ ⲡⲛⲟⲩⲧⲉ ⲥⲁⲃⲁⲱⲑ ϫⲱ ⲙⲙⲟⲟⲩ | |
| Isai | CopSahBi | 19:6 | ⲁⲩⲱ ⲛⲧⲉⲛⲓⲉⲣⲱⲟⲩ ⲱϫⲛ ⲙⲛ ⲛⲓⲟⲟⲣ ⲙⲡⲓⲉⲣⲟ ⲁⲩⲱ ⲥⲟⲟⲩϩⲥ ⲛⲓⲙ ⲙⲙⲟⲟⲩ ⲛⲁϣⲟⲟⲩⲉ ⲁⲩⲱ ϩⲩⲗⲟⲥ ⲛⲓⲙ ⲛⲕⲁϣ ϩⲓ ϫⲟⲟⲩϥ | |
| Isai | CopSahBi | 19:7 | ⲁⲩⲱ ⲡⲁϩⲣ ⲉⲧⲟⲩⲉⲧⲟⲩⲱⲧ ⲛⲁϣⲟⲟⲩⲉ ⲉⲡⲧⲏⲣϥ ⲉⲧⲙⲡⲕⲱⲧⲉ ⲙⲡⲓⲉⲣⲟ ⲁⲩⲱ ⲡⲉⲧⲟⲩϫⲟ ⲙⲙⲟϥ ⲧⲏⲣϥ ϩⲓϫⲙ ⲡⲙⲟⲟⲩ ⲛⲁϣⲟⲟⲩⲉ ϩⲛ ⲟⲩϫⲛⲧⲏⲩ | |
| Isai | CopSahBi | 19:8 | ⲛⲟⲩⲱϩⲉ ⲛⲁⲁϣ ⲁϩⲟⲙ ⲁⲩⲱ ⲥⲉⲛⲁⲁϣ ⲁϩⲟⲙ ⲧⲏⲣⲟⲩ ⲛϭⲓ ⲛⲉⲧⲛⲉϫⲟⲓⲙⲉ ⲉⲡⲓⲉⲣⲟ ⲙⲛ ⲛⲉⲧⲛⲉϫⲁⲃⲱ ⲁⲩⲱ ⲛⲉⲧⲛⲉϫϣⲛⲏ ⲛϩⲓⲟⲩⲉ ⲛⲁⲣϩⲏⲃⲉ | |
| Isai | CopSahBi | 19:10 | ⲁⲩⲱ ⲛⲉⲧⲟⲩⲱⲧϩ ⲙⲙⲟⲟⲩ ⲛⲁϣⲱⲡⲉ ϩⲛ ⲟⲩⲙⲕⲁϩ ⲛϩⲏⲧ ⲁⲩⲱ ⲛⲉⲧⲧⲁⲙⲓⲟ ⲙⲡϩⲛⲕⲉ ⲧⲏⲣⲟⲩ ⲛⲁⲗⲩⲡⲏ ⲁⲩⲱ ⲛⲥⲉⲙⲕⲁϩ ⲉⲡⲉⲩϩⲏⲧ | |
| Isai | CopSahBi | 19:11 | ⲁⲩⲱ ⲛⲁⲣⲭⲱⲛ ⲛϫⲁⲁⲛⲉ ⲛⲁⲣⲥⲟϭ ⲛⲥⲟⲫⲟⲥ ⲛⲣⲉϥϫⲓϣⲟϫⲛⲉ ⲙⲡⲣⲣⲟ ⲁⲩⲱ ⲡⲉⲩϣⲟϫⲛⲉ ⲛⲁⲣⲥⲟϭ ⲛⲁϣ ⲛϩⲉ ⲧⲉⲧⲛⲁϫⲟⲟⲥ ⲙⲡⲣⲣⲟ ϫⲉ ⲁⲛⲟⲛ ⲛϣⲏⲣⲉ ⲛⲛⲥⲁⲃⲉⲉⲩ ⲛϣⲏⲣⲉ ⲙⲡⲣⲣⲟ ϫⲓⲛ ⲛϣⲟⲣⲡ | |
| Isai | CopSahBi | 19:12 | ⲉⲩⲧⲱⲛ ⲛⲉⲕⲥⲟⲫⲟⲥ ⲧⲉⲛⲟⲩ ⲙⲁⲣⲟⲩⲧⲁⲙⲟⲕ ⲛⲥⲉϫⲟⲟⲥ ⲛⲁⲕ ⲙⲁⲣⲟⲩⲉⲓⲙⲉ ϫⲉ ⲛⲧⲁⲡϫⲟⲉⲓⲥ ⲥⲁⲃⲁⲱⲑ ⲙⲉⲉⲩⲉ ⲉⲟⲩ ⲉϫⲛ ⲕⲏⲙⲉ | |
| Isai | CopSahBi | 19:13 | ⲁⲛⲁⲣⲭⲱⲛ ⲛϫⲁⲁⲛⲉ ⲱϫⲛ ⲁⲩⲱ ⲁⲩϫⲓϣⲓⲡⲉ ⲁⲩⲱ ⲁⲩϫⲓⲥⲱϣ ⲛϭⲓ ⲛⲁⲣⲭⲱⲛ ⲙⲙⲏⲃⲉ ⲥⲉⲛⲁⲡⲗⲁⲛⲁ ⲛⲕⲏⲙⲉ ⲕⲁⲧⲁ ⲫⲩⲗⲏ | |
| Isai | CopSahBi | 19:14 | ⲁⲡϫⲟⲉⲓⲥ ⲅⲁⲣ ⲕⲩⲣⲁ ⲛⲁⲩ ⲛⲟⲩⲡⲛⲉⲩⲙⲁ ⲛⲥⲱⲣⲙ ⲁⲩⲱ ⲁⲩⲡⲗⲁⲛⲁ ⲛⲕⲏⲙⲉ ϩⲛ ⲛⲉⲩϩⲃⲏⲩⲉ ⲧⲏⲣⲟⲩ ⲛⲑⲉ ⲛϣⲁϥⲡⲗⲁⲛⲁ ⲛϭⲓ ⲡⲉⲧⲧⲁϩⲉ ⲁⲩⲱ ⲡⲉⲧⲕⲁⲃⲟⲗ ϩⲓ ⲟⲩⲥⲟⲡ | |
| Isai | CopSahBi | 19:16 | ϩⲙ ⲡⲉϩⲟⲟⲩ ⲉⲧⲙⲙⲁⲩ ⲛⲣⲙⲛⲕⲏⲙⲉ ⲛⲁⲣⲑⲉ ⲛⲛⲓⲥϩⲓⲙⲉ ϩⲛ ⲟⲩϩⲟⲧⲉ ⲙⲛ ⲟⲩⲥⲧⲱⲧ ⲙⲡⲉⲙⲧⲟ ⲉⲃⲟⲗ ⲛⲧϭⲓϫ ⲙⲡϫⲟⲉⲓⲥ ⲥⲁⲃⲁⲱⲑ ⲉⲧϥⲛⲁⲛⲧⲥ ⲉϫⲱⲟⲩ | |
| Isai | CopSahBi | 19:17 | ⲁⲩⲱ ⲧⲉⲭⲱⲣⲁ ⲛⲛⲓⲟⲩⲇⲁⲓ ⲛⲁϣⲱⲡⲉ ⲛϩⲟⲧⲉ ⲛⲛⲣⲙⲕⲏⲙⲉ ⲟⲩⲟⲛ ⲛⲓⲙ ⲉⲧⲧⲁⲩⲉⲣⲓⲛⲥ ⲛⲁⲩ ⲥⲉⲛⲁⲣϩⲟⲧⲉ ⲉⲧⲃⲉ ⲡϣⲟϫⲛⲉ ⲛⲧⲁⲡϫⲟⲉⲥ ⲙⲉⲉⲩⲉ ⲉⲣⲟϥ ⲉϩⲣⲁⲓ ⲉϫⲱⲥ | |
| Isai | CopSahBi | 19:18 | ϩⲙ ⲡⲉϩⲟⲟⲩ ⲉⲧⲙⲙⲁⲩ ⲟⲩⲛϯ ⲙⲡⲟⲗⲓⲥ ⲛⲁϣⲱⲡⲉ ϩⲛ ⲕⲏⲙⲉ ⲉⲩϣⲁϫⲉ ϩⲛ ⲧⲁⲥⲡⲉ ⲛⲛⲉⲭⲁⲛⲁⲛⲁⲓⲟⲥ ⲁⲩⲱ ⲉⲩⲱⲣⲕ ⲙⲡⲣⲁⲛ ⲙⲡϫⲟⲉⲓⲥ ⲥⲉⲛⲁⲙⲟⲩⲧⲉ ⲉⲧⲟⲩⲉⲓ ⲙⲡⲟⲗⲓⲥ ϫⲉ ⲁⲥⲉⲇⲉⲕ | |
| Isai | CopSahBi | 19:19 | ϩⲙ ⲡⲉϩⲟⲟⲩ ⲉⲧⲙⲙⲁⲩ ⲟⲩⲛⲟⲩⲑⲩⲥⲓⲁⲥⲧⲏⲣⲓⲟⲛ ⲛⲁϣⲱⲡⲉ ⲙⲡϫⲟⲉⲓⲥ ϩⲛ ⲧⲉⲭⲱⲣⲁ ⲛⲛⲣⲙⲛⲕⲏⲙⲉ ⲁⲩⲱ ⲟⲩⲥⲧⲩⲗⲏ ϩⲁⲧⲙ ⲡⲉⲥⲧⲟϣ ⲙⲡϫⲟⲉⲓⲥ | |
| Isai | CopSahBi | 19:20 | ⲁⲩⲱ ϥⲛⲁϣⲱⲡⲉ ⲉⲩⲙⲁⲉⲓⲛ ϣⲁ ⲉⲛⲉϩ ⲙⲡϫⲟⲉⲓⲥ ϩⲛ ⲧⲉⲭⲱⲣⲁ ⲛⲛⲣⲙⲛⲕⲏⲙⲉ ϫⲉ ⲥⲉⲛⲁϫⲓϣⲕⲁⲕ ⲉϩⲣⲁⲓ ⲉⲡϫⲟⲉⲓⲥ ⲡⲛⲟⲩⲧⲉ ⲉⲧⲃⲉ ⲛⲉⲧⲑⲗⲓⲃⲉ ⲙⲙⲟⲟⲩ ⲁⲩⲱ ⲡϫⲟⲉⲓⲥ ⲛⲁϫⲟⲟⲩ ⲛⲁⲩ ⲛⲟⲩⲣⲱⲙⲉ ⲡⲁⲓ ⲉⲧⲛⲁⲛⲁϩⲙⲟⲩ ϥⲛⲁⲛⲁϩⲙⲟⲩ ⲉϥⲕⲣⲓⲛⲉ | |
| Isai | CopSahBi | 19:21 | ⲁⲩⲱ ⲡϫⲟⲉⲓⲥ ⲛⲁⲟⲩⲱⲛϩ ⲉⲛⲣⲙⲛⲕⲏⲙⲉ ⲁⲩⲱ ⲛⲣⲙⲛⲕⲏⲙⲉ ⲛⲁⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲛⲥⲉⲉⲓⲣⲉ ⲛϩⲉⲛⲑⲩⲥⲓⲁ ⲛⲥⲉⲉⲣⲏⲧ ⲛϩⲉⲛⲉⲣⲏⲧ ⲙⲡϫⲟⲉⲓⲥ ⲛⲥⲉⲧⲁⲁⲩ | |
| Isai | CopSahBi | 19:22 | ⲁⲩⲱ ⲡϫⲟⲉⲓⲥ ⲛⲁⲡⲁⲧⲁⲥⲥⲉ ⲛⲛⲣⲙⲛⲕⲏⲙⲉ ϩⲛ ⲟⲩⲥⲁϣ ⲁⲩⲱ ⲛϥⲧⲁⲗϭⲟⲟⲩ ϩⲛ ⲟⲩⲧⲁⲗϭⲟ ⲁⲩⲱ ⲥⲉⲛⲁⲕⲟⲧⲟⲩ ⲉⲡϫⲟⲉⲓⲥ ⲛϥⲥⲱⲧⲙ ⲉⲣⲟⲟⲩ ⲛϥⲧⲁⲗϭⲟⲟⲩ | |
| Isai | CopSahBi | 19:23 | ⲟⲩⲛⲟⲩϩⲓⲏ ⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲛⲕⲏⲙⲉ ⲉⲛⲁⲥⲥⲩⲣⲓⲟⲥ ⲁⲩⲱ ⲛⲁⲥⲥⲩⲣⲓⲟⲥ ⲛⲁⲃⲱⲕ ⲉⲕⲏⲙⲉ ⲁⲩⲱ ⲛⲣⲙⲛⲕⲏⲙⲉ ⲛⲁⲃⲱⲕ ϣⲁ ⲛⲁⲥⲥⲩⲣⲓⲟⲥ ⲛⲧⲉⲛⲣⲙⲛⲕⲏⲙⲉ ⲣϩⲙϩⲁⲗ ⲛⲛⲁⲥⲥⲩⲣⲓⲟⲥ | |
| Isai | CopSahBi | 19:24 | ϩⲙ ⲡⲉϩⲟⲟⲩ ⲉⲧⲙⲙⲙⲁⲩ ⲡⲓⲥⲣⲁⲏⲗ ⲛⲁⲣⲙⲉϩϣⲟⲙⲛⲧ ϩⲛ ⲛⲁⲥⲥⲩⲣⲓⲟⲥ ⲁⲩⲱ ϩⲛ ⲛⲣⲙⲛⲕⲏⲙⲉ ⲉϥⲥⲙⲁⲙⲁⲁⲧ ϩⲙ ⲡⲕⲁϩ | |