ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 44
| Isai | CopSahBi | 44:2 | ⲧⲁⲓ ⲧⲉ ⲑⲉ ⲉⲧⲉⲣⲉⲡϫⲟⲉⲓⲥ ⲡⲛⲟⲩⲧⲉ ⲉϫⲱ ⲙⲙⲟⲥ ⲡⲉⲛⲧⲁϥⲧⲁⲙⲓⲟⲕ ⲁϥⲡⲗⲁⲥⲥⲉ ⲙⲙⲟⲕ ⲉⲃⲟⲗ ϩⲛ ⲑⲏ ϫⲉ ⲁⲓⲃⲟⲏⲑⲉⲓ ⲉⲣⲟⲕ ⲙⲡⲣⲣϩⲟⲧⲉ ⲡⲁϩⲙϩⲁⲗ ⲓⲁⲕⲱⲃ ⲁⲩⲱ ⲡⲁⲙⲉⲣⲓⲧ ⲡⲓⲥⲣⲁⲏⲗ ⲛⲧⲁⲓⲥⲟⲧⲡϥ | |
| Isai | CopSahBi | 44:3 | ϫⲉ ⲁⲛⲟⲕ ϯⲛⲁϯ ⲛⲟⲩⲙⲟⲟⲩ ϩⲛ ⲟⲩⲉⲓⲃⲉ ⲛⲛⲉⲧⲙⲟⲟϣⲉ ϩⲛ ⲟⲩⲙⲁ ⲉⲙⲛⲙⲟⲟⲩ ⲛϩⲏⲧϥ ϯⲛⲁⲕⲱ ⲙⲡⲁⲡⲛⲉⲩⲙⲁ ⲉϫⲙ ⲡⲉⲕⲥⲡⲉⲣⲙⲁ ⲁⲩⲱ ⲛⲁⲥⲙⲟⲩ ⲉϫⲛ ⲛⲉⲕϣⲏⲣⲉ | |
| Isai | CopSahBi | 44:4 | ⲁⲩⲱ ⲥⲉⲛⲁϯⲟⲩⲱ ⲛⲑⲉ ⲛⲟⲩⲭⲟⲣⲧⲟⲥ ⲛⲧⲙⲏⲧⲉ ⲛⲟⲩⲙⲟⲟⲩ ⲁⲩⲱ ⲛⲑⲉ ⲛⲟⲩⲃⲱ ⲛⲧⲱⲣⲉ ⲉⲥϩⲓϫⲛ ⲟⲩⲙⲟⲟⲩ ⲉϥϩⲁⲧⲉ | |
| Isai | CopSahBi | 44:5 | ⲡⲁⲓ ⲛⲁϫⲟⲟⲥ ϫⲉ ⲁⲛⲅⲡⲁⲡⲛⲟⲩⲧⲉ ⲁⲩⲱ ⲕⲉⲟⲩⲁ ⲛⲁⲱϣ ⲉⲃⲟⲗ ⲉϫⲙ ⲡⲣⲁⲛ ⲛⲓⲁⲕⲱⲃ ⲁⲩⲱ ⲕⲉⲟⲩⲁ ⲛⲁⲥϩⲁⲓϥ ϫⲉ ⲁⲛⲅⲡⲁⲡⲛⲟⲩⲧⲉ ⲛϥϫⲓϣⲕⲁⲕ ⲉⲃⲟⲗ ⲉϫⲙ ⲡⲣⲁⲛ ⲙⲡⲓⲥⲣⲁⲏⲗ | |
| Isai | CopSahBi | 44:6 | ⲧⲁⲓ ⲧⲉ ⲑⲉ ⲉⲧⲉⲣⲉⲡⲛⲟⲩⲧⲉ ϫⲱ ⲙⲙⲟⲥ ⲡⲣⲣⲟ ⲙⲡⲓⲥⲣⲁⲏⲗ ⲡⲉⲛⲧⲁϥⲛⲁϩⲙⲉⲕ ⲡⲛⲟⲩⲧⲉ ϣⲁ ⲉⲛⲉϩ ⲥⲁⲃⲁⲱⲑ ⲁⲛⲟⲕ ⲡⲉ ⲡϣⲟⲣⲡ ⲁⲛⲟⲕ ⲟⲛ ⲡⲉ ⲙⲛⲛⲥⲱⲥ ⲁⲩⲱ ⲙⲛⲕⲉⲛⲟⲩⲧⲉ ⲛⲃⲗⲗⲁⲓ | |
| Isai | CopSahBi | 44:7 | ⲛⲓⲙ ⲡⲉⲧⲟ ⲛⲧⲁϩⲉ ⲙⲁⲣⲉϥⲁϩⲉⲣⲁⲧϥ ⲙⲁⲣⲉϥⲙⲟⲩⲧⲉ ⲁⲩⲱ ⲙⲁⲣⲉϥⲥⲟϥⲧⲉ ⲛⲁⲓ ϫⲓⲛⲧⲁⲓⲧⲁⲙⲓⲉⲡⲣⲱⲙⲉ ⲁⲩⲱ ϣⲁ ⲉⲛⲉϩ ⲙⲁⲣⲟⲩϫⲱ ⲛⲏⲧⲛ ⲛⲛⲉⲧⲛⲏⲩ ⲉⲙⲡⲁⲧⲟⲩⲉⲓ | |
| Isai | CopSahBi | 44:8 | ⲙⲡⲣⲕⲱ ⲡϫⲓⲛ ⲛϣⲟⲣⲡ ⲁⲧⲉⲧⲛⲥⲱⲧⲙ ⲁⲩⲱ ⲁⲓⲧⲁⲙⲱⲧⲛ ⲉⲣⲟⲟⲩ ⲛⲧⲱⲧⲛ ⲛⲉ ⲙⲙⲛⲧⲣⲉ ϫⲉ ⲛⲉⲩⲛⲕⲉⲛⲟⲩⲧⲉ ⲛⲃⲗⲗⲁⲓ ⲁⲩⲱ ⲛⲛⲉⲩϣⲟⲟⲡ ⲁⲛ ⲡⲉ ⲛϭⲓ ⲛⲉⲧⲡⲗⲁⲥⲥⲉ | |
| Isai | CopSahBi | 44:9 | ⲁⲩⲱ ⲛⲉⲧϣⲟϫⲧ ⲥⲉϣⲟⲩⲉⲓⲧ ⲧⲏⲣⲟⲩ ⲛϭⲓ ⲛⲉⲧⲧⲁⲙⲓⲟ ⲕⲁⲧⲁ ⲛⲉⲩⲙⲉⲉⲩⲉ ⲛϩⲏⲧ ⲛⲛⲉⲧⲉⲛⲥⲉⲛⲁϯϩⲏⲩ ⲙⲙⲟⲟⲩ ⲁⲛ ⲁⲗⲗⲁ ⲥⲉⲛⲁϫⲓϣⲓⲡⲉ | |
| Isai | CopSahBi | 44:11 | ⲁⲩⲱ ⲁⲩϣⲟⲟⲩⲉ ⲧⲏⲣⲟⲩ ϩⲙ ⲡⲙⲁ ⲛⲧⲁⲩⲧⲁⲙⲓⲟⲟⲩ ⲛϩⲏⲧϥ ⲁⲩⲱ ⲙⲉⲩⲥⲱⲧⲙ ⲉⲣⲱⲙⲉ ⲙⲁⲣⲟⲩⲥⲱⲟⲩϩ ⲧⲏⲣⲟⲩ ⲛⲥⲉⲁϩⲉⲣⲁⲧⲟⲩ ⲙⲁⲣⲟⲩⲱⲗⲥ ⲛⲥⲉϫⲓϣⲓⲡⲉ ϩⲓ ⲟⲩⲥⲟⲡ | |
| Isai | CopSahBi | 44:12 | ϫⲉ ⲁⲩϩⲁⲙϣⲉ ⲧⲱⲙ ⲙⲡⲉϥⲥⲟⲧⲃⲉϥ ⲁϥⲣϩⲱⲃ ⲉⲣⲟϥ ϩⲛ ⲧⲉϥⲉⲓⲛⲉ ⲁⲩⲱ ⲁϥⲧⲁϩⲟϥ ⲉⲣⲁⲧϥ ϩⲙ ⲡⲉϥⲥⲁϩ ⲁϥⲣϩⲱⲃ ⲉⲣⲟϥ ϩⲙ ⲡⲉϭⲃⲟⲓ ⲛⲧⲉϥϭⲟⲙ ϥⲛⲁϩⲕⲟ ⲛϥⲣϭⲱⲃ ⲛϥⲧⲙⲥⲉⲙⲟⲟⲩ | |
| Isai | CopSahBi | 44:13 | ϫⲉ ⲟⲩϩⲁⲙϣⲉ ⲁϥⲥⲱⲗⲡ ⲛⲟⲩϣⲉ ⲁϥⲧⲁϩⲟϥ ⲉⲣⲁⲧϥ ϩⲛ ⲟⲩϣⲓ ⲁⲩⲱ ⲁϥⲧⲟϭϥ ϩⲛ ⲟⲩⲙⲁⲧⲣ ⲁϥⲧⲁⲙⲓⲟϥ ⲛⲑⲉ ⲛⲟⲩⲥⲙⲟⲧ ⲛⲣⲱⲙⲉ ⲉⲧⲁϩⲟϥ ⲉⲣⲁⲧϥ ϩⲛ ⲟⲩⲏⲓ ⲛⲑⲉ ⲙⲡⲥⲁ ⲛⲟⲩⲣⲱⲙⲉ | |
| Isai | CopSahBi | 44:15 | ϫⲉ ⲉⲣⲉⲡⲣⲱⲙⲉ ϩⲉ ⲉⲣⲟϥ ⲉⲣⲟⲕϩϥ ⲁⲩⲱ ⲁϥϫⲓ ⲉⲃⲟⲗ ⲛϩⲏⲧϥ ⲁϥϩⲙⲟⲙ ⲁⲩⲱ ⲛⲧⲉⲣⲉϥⲣⲟϩⲕϥ ⲁϥⲡⲉⲥϩ ⲛⲟⲉⲓⲕ ⲉⲃⲟⲗ ⲛϩⲏⲧϥ ⲡⲕⲉϣⲱϫⲡ ⲁⲩⲧⲁⲙⲓⲟϥ ⲛϩⲉⲛⲛⲟⲩⲧⲉ ⲁⲩⲟⲩⲱϣⲧ ⲛⲁⲩ | |
| Isai | CopSahBi | 44:16 | ⲡⲁⲓ ⲛⲧⲁⲩⲣⲉⲕϩⲧⲉϥⲡⲁϣⲉ ⲙⲡⲕⲱϩⲧ ⲁⲩⲱ ⲛⲧⲉⲣⲟⲩⲣⲟⲕϩϥ ⲁⲩⲡⲉⲥ ϩⲛ ⲟⲉⲓⲕ ϩⲓϫⲱϥ ⲁⲩⲱ ⲁϥϭⲉϭ ϩⲛ ⲁϥ ϩⲓϫⲱϥ ⲁϥⲟⲩⲱⲙ ⲁϥⲥⲉⲓ ⲁⲩⲱ ⲛⲧⲉⲣⲉϥϩⲙⲟⲙ ⲁϥϫⲟⲟⲥ ϫⲉ ⲛⲁⲛⲟⲩⲥ ϫⲉ ⲁⲓϩⲙⲟⲙ ⲁⲩⲱ ⲁⲓⲛⲁⲩ ⲉⲡⲕⲱϩⲧ | |
| Isai | CopSahBi | 44:17 | ⲡⲥⲉⲉⲡⲉ ⲇⲉ ⲁϥⲧⲁⲙⲓⲟϥ ⲛⲟⲩⲛⲟⲩⲧⲉ ⲙⲙⲟⲩⲛⲅ ⲛϭⲓϫ ⲁⲩⲱ ⲁϥⲡⲁϩⲧϥ ⲛⲁϥ ⲁⲩⲱ ⲁϥϣⲗⲏⲗ ⲉⲣⲟϥ ⲉϥϫⲱ ⲙⲙⲟⲥ ϫⲉ ⲙⲁⲧⲟⲩϫⲟⲓ ϫⲉ ⲛⲧⲟⲕ ⲡⲉ ⲡⲁⲛⲟⲩⲧⲉ | |
| Isai | CopSahBi | 44:19 | ⲁⲩⲱ ⲙⲡⲟⲩⲙⲉⲉⲩⲉ ϩⲛ ⲧⲉⲩⲯⲩⲭⲏ ⲟⲩⲇⲉ ⲙⲡⲟⲩⲉⲓⲙⲉ ⲉϭⲙⲡⲉⲩϩⲏⲧ ϫⲉ ⲁⲩⲣⲉⲕϩⲧⲉϥⲡⲁϣⲉ ϩⲙ ⲡⲕⲱϩⲧ ⲁⲩⲱ ⲁⲩⲡⲉⲥ ϩⲛ ⲟⲉⲓⲕ ϩⲛ ⲛⲉϥϫⲃⲃⲉⲥ ⲁⲩⲱ ⲁϥϭⲉϭ ϩⲛ ⲁϥ ⲁϥⲟⲩⲟⲙⲟⲩ ⲁⲩⲱ ⲡⲉϥⲥⲉⲉⲡⲉ ⲁϥⲧⲁⲙⲓⲟϥ ⲛⲟⲩⲃⲟⲧⲉ ⲁⲩⲱ ⲁϥⲟⲩⲱϣⲧ ⲛⲁϥ | |
| Isai | CopSahBi | 44:20 | ⲉⲓⲙⲉ ϫⲉ ⲟⲩⲕⲣⲙⲉⲥ ⲡⲉ ⲡⲉⲩϩⲏⲧ ⲁⲩⲱ ϥⲡⲗⲁⲛⲁ ⲁⲩⲱ ⲙⲛϣϭⲟⲙ ⲛⲗⲁⲁⲩ ⲉⲧⲟⲩϫⲉⲧⲉⲩⲯⲩⲭⲏ ⲁⲛⲁⲩ ϫⲉ ⲉⲧⲉⲧⲛⲁϫⲟⲟⲥ ⲁⲛ ϫⲉ ⲟⲩϭⲟⲗ ⲧⲉ ⲧϩⲛ ⲧⲁⲟⲩⲛⲁⲙ | |
| Isai | CopSahBi | 44:21 | ⲁⲣⲓⲡⲙⲉⲉⲩⲉ ⲛⲛⲁⲓ ⲓⲁⲕⲱⲃ ⲁⲩⲱ ⲡⲓⲥⲣⲁⲏⲗ ϫⲉ ⲛⲧⲟⲕ ⲡⲉ ⲡⲁϩⲙϩⲁⲗ ⲁⲓⲡⲗⲁⲥⲥⲉ ⲙⲙⲟⲕ ⲛϩⲙϩⲁⲗ ⲛⲁⲓ ⲛⲧⲕ ⲡⲱⲓ ⲁⲩⲱ ⲛⲧⲟⲕ ⲡⲓⲥⲣⲁⲏⲗ ⲙⲡⲣⲣⲡⲁⲱⲃϣ | |
| Isai | CopSahBi | 44:22 | ⲉⲓⲥ ϩⲏⲏⲧⲉ ⲅⲁⲣ ϯⲛⲁⲃⲱⲧⲉ ⲉⲃⲟⲗ ⲛⲛⲉⲕⲛⲟⲃⲉ ⲛⲑⲉ ⲛⲟⲩⲕⲗⲟⲟⲗⲉ ⲁⲩⲱ ⲛⲉⲕⲁⲛⲟⲙⲓⲁ ⲛⲑⲉ ⲛⲟⲩϭⲟⲥⲙ ⲕⲧⲟⲕ ϣⲁⲣⲟⲓ ⲁⲩⲱ ϯⲛⲁⲥⲟⲧⲕ | |
| Isai | CopSahBi | 44:23 | ⲉⲩⲫⲣⲁⲛⲉ ⲙⲡⲏⲩⲉ ϫⲉ ⲁⲡⲛⲟⲩⲧⲉ ⲛⲁ ⲙⲡⲓⲥⲣⲁⲏⲗ ⲥⲁⲗⲡⲓⲍⲉ ⲛⲥⲛⲧⲉ ⲙⲡⲕⲁϩ ⲛⲧⲟⲟⲩ ⲱϣ ⲉⲃⲟⲗ ⲛⲟⲩⲟⲩⲛⲟϥ ⲛⲥⲓⲃⲧ ⲙⲛ ⲛϣⲏⲛ ⲧⲏⲣⲟⲩ ⲉⲧϩⲓⲱⲟⲩ ϫⲉ ⲁⲡϫⲟⲉⲓⲥ ⲥⲉⲧⲓⲁⲕⲱⲃ ⲁⲩⲱ ⲡⲓⲥⲣⲁⲏⲗ ⲛⲁϫⲓⲉⲟⲟⲩ | |
| Isai | CopSahBi | 44:24 | ⲧⲁⲓ ⲧⲉ ⲑⲉ ⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲥ ⲡⲉⲛⲧⲁϥⲥⲟⲧⲕ ⲁⲩⲱ ⲡⲉⲛⲧⲁϥⲡⲗⲁⲥⲥⲉ ⲙⲙⲟⲕ ⲉⲃⲟⲗ ϩⲛ ⲑⲏ ⲁⲛⲟⲕ ⲡⲉ ⲡϫⲟⲉⲓⲥ ⲡⲉⲧϫⲱⲕ ⲉⲃⲟⲗ ⲛϩⲱⲃ ⲛⲓⲙ ⲁⲓⲡⲉⲣϣⲧⲡⲉ ⲉⲃⲟⲗ ⲙⲁⲩⲁⲁⲧ ⲁⲩⲱ ⲁⲓⲧⲁϫⲣⲉⲡⲕⲁϩ | |
| Isai | CopSahBi | 44:25 | ⲛⲓⲙ ⲡⲉ ⲡⲕⲉⲟⲩⲁ ⲛⲧⲁϥϫⲉⲉⲣⲉ ⲙⲙⲁⲉⲓⲛ ⲉⲃⲟⲗ ⲛⲛⲉⲧϣⲁϫⲉ ⲉⲃⲟⲗ ⲛϩⲏⲧⲟⲩ ⲙⲛ ⲛⲉⲧⲧⲟⲛⲧⲛ ⲉⲃⲟⲗ ϩⲙ ⲡⲉⲩϩⲏⲧ ⲡⲉⲧⲕⲧⲟ ⲛⲛⲉⲓⲥⲁⲃⲉⲉⲩ ⲉⲡⲁϩⲟⲩ ⲉⲧⲉⲓⲣⲉ ⲙⲡⲉⲩϣⲟϫⲛⲉ ⲛⲥⲟϭ | |
| Isai | CopSahBi | 44:26 | ⲉⲧⲧⲁϩⲟ ⲉⲣⲁⲧϥ ⲙⲡϣⲁϫⲉ ⲙⲡⲉϥϣⲏⲣⲉ ⲉⲧⲉⲓⲣⲉ ⲙⲡϣⲟϫⲛⲉ ⲛⲛⲉϥⲁⲅⲅⲉⲗⲟⲥ ⲙⲙⲉ ⲡⲉⲧϫⲱ ⲙⲙⲟⲥ ⲛⲑⲓⲉⲣⲟⲩⲥⲁⲗⲏⲙ ϫⲉ ⲧⲉⲛⲁϭⲱⲣϭ ⲁⲩⲱ ⲙⲡⲟⲗⲓⲥ ⲛϯⲟⲩⲇⲁⲓⲁ ϫⲉ ⲥⲉⲛⲁⲕⲉⲧⲧⲏⲩⲧⲛ ⲁⲩⲱ ⲛⲉⲥⲙⲁ ⲛϫⲁⲓⲉ ⲛⲁϯⲟⲩⲱ | |