ROMANS
Chapter 5
Roma | Kapingam | 5:1 | Gidaadou ala guu-donu i-baahi o God mai i tadau hagadonu, gidaadou guu-noho i-di aumaalia i-baahi o God mai i tadau Dagi go Jesus Christ. | |
Roma | Kapingam | 5:2 | Mee ne-laha-mai gidaadou i tadau hagadonu gi-lodo tumaalia o God dela e-mouli-ai gidaadou. Malaa, gidaadou gi-tenetene i-lodo tadau hagadagadagagee idimaa gidaadou ga-hai-mee gi-di madamada o God! | |
Roma | Kapingam | 5:3 | Gidaadou gi-tenetene labelaa i-lodo tadau madagoaa haingadaa, idimaa, gidaadou e-iloo bolo di haingadaa e-hai gidaadou gii-tuu maaloo, | |
Roma | Kapingam | 5:4 | gei di tuu maaloo la di mee a God dela e-hila-mai-ai gi gidaadou, gei dono hila-mai le e-hidi-ai tadau hagadagadagagee. | |
Roma | Kapingam | 5:5 | Gei di hagadagadagagee deenei hagalee hai gidaadou gi-manawa-gee, idimaa, God ne-hagahonu dono aloho gi-lodo tadau manawa mai i-di Hagataalunga-Dabu dela ne-gaamai gi gidaadou. | |
Roma | Kapingam | 5:6 | Idimaa, i-lodo tadau madagoaa nogo tadau hagamaamaa ai, Christ guu-made gi digau huaidu, i-di madagoaa ne-haga-noho go God. | |
Roma | Kapingam | 5:7 | Di mee e-haingadaa dono hai, maa tangada gaa-made gi tangada dela e-donu. Holongo, tangada i-golo e-hiihai e-made gi tangada humalia. | |
Roma | Kapingam | 5:8 | Gei God gu-haga-modongoohia dono aloho damanaiee i gidaadou, idimaa, i-di madagoaa gidaadou nogo noho i-lodo di huaidu, gei Christ guu-made i tadau lohongo! | |
Roma | Kapingam | 5:9 | Malaa, gidaadou la-guu-hai digau e-donu i-baahi o God dolomeenei mai i-nia dodo o Christ, deenei-laa, Mee ga-haga-dagaloaha gidaadou labelaa gi-daha mo-di hagawelewele o God! | |
Roma | Kapingam | 5:10 | Gidaadou nogo hai nia hagadaumee ni God i-mua, gei dolomeenei gei gidaadou guu-hai nia hoo hagaaloho ni-Mee mai i-di made o dana Dama-daane. Dolomeenei gidaadou guu-hai nia hoo hagaaloho ni God, ga-hagamouli hogi i-di mouli o Jesus Christ! | |
Roma | Kapingam | 5:11 | Gei hagalee bolo deenei-hua: gidaadou gu-tenetene gi-nia mee a God ne-hai mai i-tadau Dagi go Jesus Christ, i Mee dela ne-hai gidaadou gii-hai nia hoo hagaaloho ni God! | |
Roma | Kapingam | 5:12 | Di huaidu ne-hanimoi gi henuailala mai i tangada e-dahi, ono hala gu-gaamai di made. Di hagaodi gi-muli, di made guu-tale ang-gi digau huogodoo, idimaa, nia daangada huogodoo la-gu-ihala. | |
Roma | Kapingam | 5:13 | Di huaidu nogo i henuailala i-mua nnaganoho ne-gaamai. I-nia gowaa ono haganoho ai, di huaidu digi tale gi tangada. | |
Roma | Kapingam | 5:14 | Mai di madagoaa Adam gaa-tugi gi-di madagoaa Moses, di made nogo dagi nia daangada huogodoo, dalia digau ala digi hai di huaidu a Adam ne-hai i dono de-hagalongo gi nnelekai a God. Adam la di haga-modongoohia o tangada dela ga-hanimoi maalia. | |
Roma | Kapingam | 5:15 | Gei meemaa dogolua la-hagalee hai be-di mee e-dahi, idimaa, tumaalia o God la-hagalee hai be-di huaidu o Adam. Gei e-donu bolo digau dogologo guu-mmade mai i-di huaidu o tangada e-dahi. Gei tumaalia dehuia o God le-koia damanaiee huoloo, dono wanga dehuia e-damanaiee gi-nia daangada dogologo mai i tumaalia o tangada e-dahi, go Jesus Christ. | |
Roma | Kapingam | 5:16 | E-hai geegee huoloo i-mehanga tumaalia o God mo-di huaidu a tangada e-dahi ne-hai. I-muli di huaidu e-dahi ne-hai, gei di hagi-aga gu-gila-aga, dela e-helekai boloo, “Gu-ihala.” Gei i-muli nia hala ne-logowaahee, gei tumaalia dehuia ga-gila-aga labelaa, e-helekai boloo, “Hagalee e-hala!” | |
Roma | Kapingam | 5:17 | E-donu bolo di huaidu o tangada e-dahi ne-hidi-ai di made ga-daamada gaa-dagi. Gei e-damanaiee go di hai o tangada dela i-golo ne-hai, deenei go Jesus Christ: Nia daangada huogodoo ala ne-kae tumaalia damanaiee, guu-donu i dono baahi, gaa-dagi i-lodo di mouli mai i-baahi o Christ. | |
Roma | Kapingam | 5:18 | Malaa, di huaidu e-dahi dela ne-hagahuaidu nia daangada huogodoo, i-di ala la-hua, di haihai donu e-dahi ga-haga-mehede nia daangada huogodoo, gaa-wanga gi digaula di mouli. | |
Roma | Kapingam | 5:19 | Tee-hagalongo o tangada e-dahi ne-hai nia daangada huogodoo gii-hala, gadoo be-di hagalongo o tangada e-dahi gaa-hai nia daangada dogologo gii-donu i-baahi o God. | |
Roma | Kapingam | 5:20 | Nnaganoho ne-hai belee haga-damana nia haihai huaidu. Di madagoaa di huaidu ga-damana-mai, gei tumaalia o God la-koia ga-damana gi-nonua. | |