EXODUS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
Chapter 7
| Exod | TpiKJPB | 7:1 | ¶ Na BIKPELA i tok long Moses, Lukim, Mi bin mekim yu wanpela god long Fero. Na Eron, brata bilong yu, bai stap profet bilong yu. | |
| Exod | TpiKJPB | 7:2 | Yu mas tokaut long olgeta samting Mi givim strongpela tok long yu long mekim. Na Eron, brata bilong yu, bai tok long Fero long em i mas salim ol pikinini bilong Isrel i go na lusim graun bilong em. | |
| Exod | TpiKJPB | 7:3 | Na bai Mi mekim bel bilong Fero i kamap olsem ston, na mekim ol mak bilong Mi na ol samting bilong Mi i winim tingting i kamap planti moa long graun bilong Isip. | |
| Exod | TpiKJPB | 7:4 | Tasol bai Fero i no harim gut tok bilong yu, bai Mi ken putim han bilong Mi long Isip na bringim i kamaut ol ami bilong Mi, na ol manmeri bilong Mi, em ol pikinini bilong Isrel, long ol i ken lusim graun bilong Isip long ol bikpela pe bilong kot. | |
| Exod | TpiKJPB | 7:5 | Na ol manmeri bilong Isip bai save long Mi stap BIKPELA, taim Mi taitim han bilong Mi long Isip, na bringim ol pikinini bilong Isrel i kamaut long namel long ol. | |
| Exod | TpiKJPB | 7:6 | Na Moses na Eron i mekim olsem BIKPELA i givim strongpela tok long ol, yes ol i mekim olsem. | |
| Exod | TpiKJPB | 7:7 | Na Moses i gat 80-pela krismas na Eron i gat 83-pela krismas taim ol i tok long Fero. | |
| Exod | TpiKJPB | 7:9 | Taim Fero bai tok long yupela na spik, Soim wanpela mirakel bilong yupela. Long dispela taim yu mas tok long Eron, Kisim stik bilong wokabaut bilong yu na tromoi dispela long graun long pes bilong Fero, na dispela bai kamap wanpela snek. | |
| Exod | TpiKJPB | 7:10 | Na Moses na Eron i go insait na go long Fero, na ol i mekim olsem BIKPELA i bin givim strongpela tok long ol. Na Eron i tromoi stik bilong wokabaut bilong em i go daun long plua long pes bilong Fero na long pes bilong ol wokboi bilong em, na dispela i kamap wanpela snek. | |
| Exod | TpiKJPB | 7:11 | Long dispela taim Fero tu i singautim ol man i gat save tru na ol man bilong mekim poisin. Nau ol i trikman bilong Isip, ol tu i mekim wankain samting long ol poisin bilong ol. | |
| Exod | TpiKJPB | 7:12 | Long wanem ol man wan wan i tromoi stik bilong wokabaut bilong em yet i go daun, na ol i kamap snek. Tasol stik bilong wokabaut bilong Eron i daunim olsem kaikai ol stik bilong wokabaut bilong ol. | |
| Exod | TpiKJPB | 7:13 | Na Em i mekim bel bilong Fero i kamap olsem ston bai em i no harim gut tok bilong ol, olsem BIKPELA i bin tok. | |
| Exod | TpiKJPB | 7:14 | ¶ Na BIKPELA i tok long Moses, Bel bilong Fero i stap olsem ston, na em i tok nogat long larim ol manmeri i go. | |
| Exod | TpiKJPB | 7:15 | Yu mas i go long Fero long moningtaim. Harim, em i go ausait long i go long wara, na yu mas sanap long arere bilong wara riva inap long em i kam, na yu mas kisim long han bilong yu dispela stik bilong wokabaut i bin kamap snek. | |
| Exod | TpiKJPB | 7:16 | Na yu mas tok long em, God BIKPELA bilong lain Hibru i bin salim mi long yu long spik, Larim ol manmeri bilong Mi i go, bai ol i ken mekim wok bilong Mi long ples i no gat man. Na harim, pastaim yu no laik harim. | |
| Exod | TpiKJPB | 7:17 | BIKPELA i tok olsem, Long dispela bai yu save long Mi stap BIKPELA. Harim, long dispela stik bilong wokabaut i stap long han bilong mi, bai mi paitim ol wara i stap long riva na ol bai kamap blut. | |
| Exod | TpiKJPB | 7:18 | Na ol pis i stap long wara riva bai dai pinis na riva bai sting, na ol Isip bai les long dringim wara bilong riva. | |
| Exod | TpiKJPB | 7:19 | Na BIKPELA i tok long Moses, Tokim Eron, kisim stik bilong wokabaut bilong yu na taitim han bilong yu long ol wara bilong Isip. Em long ol liklik wara bilong ol na long ol wara riva bilong ol, na long ol liklik raunwara bilong ol, na long olgeta ples bilong ol long bungim wara, bai ol i ken kamap blut. Na bilong blut i ken i stap namel long olgeta hap bilong graun bilong Isip, long ol samting bilong holim bilong diwai wantaim ol samting bilong holim bilong ston. | |
| Exod | TpiKJPB | 7:20 | Na Moses na Eron i mekim olsem BIKPELA i givim strongpela tok long ol. Na Eron i litimapim stik bilong wokabaut na em i paitim ol wara i stap long wara riva long ai bilong Fero na long ai bilong ol wokboi bilong em. Na olgeta wara i stap long wara riva i kamap blut. | |
| Exod | TpiKJPB | 7:21 | Na ol pis i stap long wara riva i dai pinis. Na riva i sting tru, na lain Isip i no inap dring long wara bilong riva. Na blut i stap long olgeta hap bilong graun bilong Isip. | |
| Exod | TpiKJPB | 7:22 | Na ol trikman bilong Isip i mekim olsem long ol poisin bilong ol. Na bel bilong Fero i kamap olsem ston, na tu em i no harim gut tok bilong ol, olsem BIKPELA i bin tok. | |
| Exod | TpiKJPB | 7:23 | Na Fero i tanim em yet na em i go insait long haus bilong em, na tu em i no tingim dispela em i bikpela samting. | |
| Exod | TpiKJPB | 7:24 | Na olgeta bilong lain Isip i brukim graun arere long riva bilong kisim wara long dring. Long wanem ol i no inap dringim wara bilong riva. | |