EZEKIEL
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Chapter 42
| Ezek | Kekchi | 42:1 | Chirix aˈan li cui̱nk quinixcˈam chirix li templo cuan cuiˈ li neba̱l li ma̱cˈaˈ xbe̱n, li cuanqueb cuiˈ li cocˈ naˈajej saˈ li norte. | |
| Ezek | Kekchi | 42:2 | Lix nimal li cab, li cuan cuiˈ li puerta li na-iloc saˈ li norte, aˈan laje̱b roxcˈa̱l metro xnimal rok ut o̱b xcaˈcˈa̱l metro xnimal ru. | |
| Ezek | Kekchi | 42:3 | Li jun pacˈal li cocˈ naˈajej na-iloc cuan cuiˈ li neba̱l li cuan chi saˈ, aˈan laje̱b metro xnimal ru, ut li jun pacˈal chic na-iloc cuan cuiˈ li neba̱l li cuan chirix, li tusbil xan chiru. Li cocˈ naˈajej aˈin oxib tasaleb. | |
| Ezek | Kekchi | 42:4 | Chiruheb li cocˈ naˈajej cuan jun li xmu cab. Li xmu cab aˈan o̱b metro ru ut laje̱b roxcˈa̱l metro li rok. Eb li oqueba̱l, aˈan cuanqueb saˈ li norte. | |
| Ezek | Kekchi | 42:5 | Eb li cocˈ naˈajej li cuanqueb saˈ li xcab ut li rox tasal cocˈ chiruheb li cuanqueb saˈ li xbe̱n tasal xban nak saˈ li xcab ut li rox tasal cuan li beleba̱l. | |
| Ezek | Kekchi | 42:6 | Eb li naˈajej li cuanqueb saˈ li xcab ut saˈ li rox tasal cocˈ chiruheb li cuanqueb saˈ li xbe̱n tasal xban nak ma̱cˈaˈ rokechaleb joˈ li cuan takˈa. | |
| Ezek | Kekchi | 42:7 | Li tzˈac li cuan chiruheb li cocˈ naˈajej aˈin, li nacuulac toj saˈ li neba̱l li cuan chirix, aˈan o̱b xcaˈcˈa̱l metro rok. | |
| Ezek | Kekchi | 42:8 | Li tzˈac li cuan chiruheb li cocˈ naˈajej, aˈan o̱b xcaˈcˈa̱l metro xnimal rok ut li tzˈac li cuan nachˈ riqˈuin li Santil Naˈajej, aˈan laje̱b roxcˈa̱l metro xnimal rok. | |
| Ezek | Kekchi | 42:9 | Li oqueba̱l reheb li cocˈ naˈajej li cuanqueb saˈ li xbe̱n tasal, aˈan cuan saˈ li este, li nequeˈoc cuiˈ saˈ li neba̱l li cuan chirix. | |
| Ezek | Kekchi | 42:10 | Cuanqueb ajcuiˈ li cocˈ naˈajej saˈ li pacˈal li cuan saˈ li sur chiru li tzˈac re li neba̱l li cuan chirix. | |
| Ezek | Kekchi | 42:11 | Chiruheb li cocˈ naˈajej cuan li xmu cab. Chanchaneb li cocˈ naˈajej li cuanqueb saˈ li norte. Juntakˈe̱t xbisbaleb, joˈ li rok, joˈ li ru. Ut juntakˈe̱t ajcuiˈ li oqueba̱leb reheb li naˈajej aˈan. | |
| Ezek | Kekchi | 42:12 | Eb li oqueba̱l juntakˈe̱t riqˈuineb li oqueba̱l li cuanqueb saˈ li norte. Cuan jun li oqueba̱l saˈ li tzˈac li cuan saˈ li este, li nequeˈoc cuiˈ saˈ li neba̱l li cuan chirix. | |
| Ezek | Kekchi | 42:13 | Li cui̱nk quixye cue: —Eb li cocˈ naˈajej li cuanqueb saˈ li norte joˈ ajcuiˈ li cuanqueb saˈ li sur chiru li neba̱l, aˈaneb lix naˈajeb laj tij. Aran teˈxcuaˈ li tib li teˈxmayeja chiru li Ka̱cuaˈ. Aran teˈxqˈue li mayej li kˈaxal lokˈ joˈ li mayej re li xbe̱n ru li acui̱mk, li mayej re xpatzˈbal xcuybal xma̱queb ut li mayej re xtojbal rix lix ma̱queb. Teˈxqˈue aran xban nak li naˈajej aˈan santo. | |
| Ezek | Kekchi | 42:14 | Nak eb laj tij teˈoc saˈ li templo, incˈaˈ naru teˈxic saˈ li neba̱l li cuan chirix cui incˈaˈ teˈrisi li rakˈ li cuan chirixeb nak teˈcˈanjelak chiru li Dios saˈ li Santil Naˈajej. Teˈxcanab li rakˈ saˈ li naˈajej aˈan xban nak li rakˈ aˈan santobresinbil. Teˈxqˈue jalan rakˈeb chirix nak teˈxic saˈ li neba̱l li cuanqueb cuiˈ li cristian, chan li cui̱nk. | |
| Ezek | Kekchi | 42:15 | Nak quirakeˈ chixbisbal chi saˈ lix naˈaj li templo, li cui̱nk quinrisi saˈ li oqueba̱l li cuan saˈ li este. Ut li cui̱nk quixbis li chˈochˈ li cuan cuiˈ li templo. | |
| Ezek | Kekchi | 42:16 | Quixbis chirix riqˈuin lix bisleb cheˈ li nuba̱l li cuan saˈ li este. Aˈan cuib ciento metro riqˈuin laje̱b roxcˈa̱l metro. | |
| Ezek | Kekchi | 42:17 | Quixbis ajcuiˈ li nuba̱l li cuan saˈ li norte. Aˈan cuib ciento metro riqˈuin laje̱b roxcˈa̱l metro. | |
| Ezek | Kekchi | 42:18 | Quixbis li nuba̱l li cuan saˈ li sur. Aˈan cuib ciento metro riqˈuin laje̱b roxcˈa̱l metro. | |
| Ezek | Kekchi | 42:19 | Ut quixbis ajcuiˈ li nuba̱l li cuan saˈ li oeste. Aˈan cuib ciento metro riqˈuin laje̱b roxcˈa̱l metro. | |