GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 48
| Gene | TpiKJPB | 48:1 | ¶ Na em i kamap olsem, bihain long ol dispela samting, wanpela i tokim Josep, Lukim, papa bilong yu i sik. Na em i kisim tupela pikinini man bilong en, Manasa na Ifraim, i go wantaim em. | |
| Gene | TpiKJPB | 48:2 | Na wanpela i tokim Jekop, na i tok, Lukim, pikinini man bilong yu Josep i kam long yu. Na Isrel i strongim em yet na i sindaun long bet. | |
| Gene | TpiKJPB | 48:3 | Na Jekop i tok long Josep, God i Gat Olgeta Strong i bin kamap long mi long Lus long graun bilong Kenan. Na Em i bin blesim mi. | |
| Gene | TpiKJPB | 48:4 | Na Em i tokim mi, Lukim, bai Mi mekim yu i karim planti kaikai na bai yu kamap planti. Na bai Mi mekim yu i kamap planti manmeri tru. Na bai Mi givim dispela graun long tumbuna pikinini bilong yu i kam bihain long yu bilong i stap samting bilong holimpas inap long oltaim oltaim. | |
| Gene | TpiKJPB | 48:5 | Na nau tupela pikinini man bilong yu, Ifraim na Manasa, ol i bilong mi. Ol i kamap long yu long graun bilong Isip taim mi no kam yet long yu long Isip. Olsem Ruben na Simion, ol bai i stap pikinini bilong mi. | |
| Gene | TpiKJPB | 48:6 | Na ol pikinini bilong yu, bai yu kamapim bihain long ol, ol bai i stap pikinini bilong yu. Na bai ol i kolim ol long nem bilong ol brata bilong ol, taim ol i kisim samting papa i givim ol. | |
| Gene | TpiKJPB | 48:7 | Na long mi, taim mi bin lusim Padan i kam, Resel i dai pinis klostu long mi long rot long graun bilong Kenan. I gat liklik wokabaut tasol bilong i kam long Efrat. Na mi planim em long dispela hap long rot bilong Efrat. Dispela yet em Betlehem. | |
| Gene | TpiKJPB | 48:9 | Na Josep i tok long papa bilong en, Ol i pikinini man bilong mi, God i bin givim ol long mi long dispela ples. Na em i tok, Mi askim plis long yu long bringim ol i kam long mi, na bai mi blesim ol. | |
| Gene | TpiKJPB | 48:10 | Nau tupela ai bilong Isrel i lapun na i no lait gut, inap long em i no inap lukim samting. Na em i bringim ol i kam klostu long em. Na em i givim kis long ol, na holimpas ol. | |
| Gene | TpiKJPB | 48:11 | Na Isrel i tokim Josep, Mi no bin tingting long lukim pes bilong yu. Na lukim, God i bin soim mi ol pikinini bilong yu tu. | |
| Gene | TpiKJPB | 48:12 | Na Josep i bringim ol i lusim hap namel long ol skru bilong en. Na em i lindaun, na pes bilong em i go long graun. | |
| Gene | TpiKJPB | 48:13 | Na Josep i kisim tupela, Ifraim long han sut bilong en i go long han kais bilong Isrel, na Manasa long han kais bilong en i go long han sut bilong Isrel. Na em i bringim tupela i go klostu long em. | |
| Gene | TpiKJPB | 48:14 | Na Isrel i stretim han sut bilong en, na i putim antap long het bilong Ifraim, em i yangpela moa. Na em i putim han kais bilong en antap long het bilong Manasa. Em i save na em i stiaim han bilong em. Long wanem, Manasa em i namba wan pikinini. | |
| Gene | TpiKJPB | 48:15 | Na em i blesim Josep, na i tok, Ol papa bilong mi, Ebraham na Aisak, ol i bin wokabaut long pes bilong God. Em dispela God i bin givim kaikai long mi long laip bilong mi olgeta, inap long dispela de. | |
| Gene | TpiKJPB | 48:16 | Em dispela Ensel i bin baim bek mi long olgeta samting nogut. Em i ken blesim ol dispela manki. Na nem bilong mi i ken kamap nem bilong ol, wantaim nem bilong ol papa bilong mi, Ebraham na Aisak. Na ol i ken kamap planti manmeri tru namel long ol manmeri bilong dispela graun. | |
| Gene | TpiKJPB | 48:17 | Na taim Josep i lukim papa bilong en i putim han sut antap long het bilong Ifraim, em i no amamas long dispela. Na em i holim han bilong papa bilong en antap, bilong rausim em i lusim het bilong Ifraim na putim i go long het bilong Manasa. | |
| Gene | TpiKJPB | 48:18 | Na Josep i tok long papa bilong en, Nogat, papa bilong mi. Long wanem, dispela em namba wan pikinini. Yu mas putim han sut bilong yu antap long het bilong em. | |
| Gene | TpiKJPB | 48:19 | Tasol papa bilong en i tok nogat, na i tok, Mi save, pikinini man bilong mi. Mi save. Em tu bai i kamap wanpela lain manmeri, na em tu bai i stap bikman. Tasol tru tumas, brata bilong em i yangpela moa bai i winim em, na bai tumbuna pikinini bilong em i kamap ol kantri i planti tru. | |
| Gene | TpiKJPB | 48:20 | Na long dispela de em i blesim ol, i spik, Long yu Isrel bai i givim blesing, i spik, God i mekim yu i stap olsem Ifraim na olsem Manasa. Na em i putim Ifraim paslain long Manasa. | |
| Gene | TpiKJPB | 48:21 | Na Isrel i tokim Josep, Lukim, mi laik i dai pinis. Tasol God bai stap wantaim yu. Na bai Em i bringim yu gen long hap graun bilong ol tumbuna papa bilong yu. | |