I CHRONICLES
Chapter 18
| I Ch | Vulgate | 18:1 | factum est autem post haec ut percuteret David Philisthim et humiliaret eos et tolleret Geth et filias eius de manu Philisthim | |
| I Ch | Vulgate | 18:3 | eo tempore percussit David etiam Adadezer regem Suba regionis Emath quando perrexit ut dilataret imperium suum usque ad flumen Eufraten | |
| I Ch | Vulgate | 18:4 | cepit ergo David mille quadrigas eius et septem milia equites ac viginti milia virorum peditum subnervavitque omnes equos curruum exceptis centum quadrigis quas reservavit sibi | |
| I Ch | Vulgate | 18:5 | supervenit autem et Syrus damascenus ut auxilium praeberet Adadezer regi Suba sed et huius percussit David viginti duo milia virorum | |
| I Ch | Vulgate | 18:6 | et posuit milites in Damasco ut Syria quoque serviret sibi et offerret munera adiuvitque eum Dominus in cunctis ad quae perrexerat | |
| I Ch | Vulgate | 18:7 | tulit quoque David faretras aureas quas habuerant servi Adadezer et adtulit eas in Hierusalem | |
| I Ch | Vulgate | 18:8 | necnon de Thebath et Chun urbibus Adadezer aeris plurimum de quo fecit Salomon mare aeneum et columnas et vasa aenea | |
| I Ch | Vulgate | 18:9 | quod cum audisset Thou rex Emath percussisse videlicet David omnem exercitum Adadezer regis Suba | |
| I Ch | Vulgate | 18:10 | misit Aduram filium suum ad regem David ut postularet ab eo pacem et congratularetur ei eo quod expugnasset et percussisset Adadezer adversarius quippe Thou erat Adadezer | |
| I Ch | Vulgate | 18:11 | sed et omnia vasa aurea et argentea et aenea consecravit rex David Domino cum argento et auro quod tulerat ex universis gentibus tam de Idumea et Moab et filiis Ammon quam de Philisthim et Amalech | |
| I Ch | Vulgate | 18:13 | et constituit in Edom praesidium ut serviret Idumea David salvavitque Dominus David in cunctis ad quae perrexerat | |
| I Ch | Vulgate | 18:14 | regnavit ergo David super universum Israhel et faciebat iudicium atque iustitiam cuncto populo suo | |
| I Ch | Vulgate | 18:15 | porro Ioab filius Sarviae erat super exercitum et Iosaphat filius Ahilud a commentariis | |