I PETER
Chapter 2
I Pe | Kapingam | 2:1 | Goodou kilia gi-daha nia mee huaidu huogodoo. Goodou kilia gi-daha nia kai-tilikai, mo nia halahalau-dangada, dubua mo nnelekai huaidu. | |
I Pe | Kapingam | 2:2 | Heia goodou gii-hai be nia dama-lligi ala e-hiihai-hua e-inu nia weuu donu o-di hagataalunga, gi-tomo-aga goodou gi-mouli. | |
I Pe | Kapingam | 2:4 | Malaa, goodou lloomoi gi Tagi, idimaa, go Mee dela go di Hadu-mouli, dela ne-hudu gi-daha go nia daangada be-di balumee, ge gu-hilihili-aga go God guu-hai di hadu hagalabagau. | |
I Pe | Kapingam | 2:5 | Goodou lloomoi be nia hadu-mouli, e-hau di hale daumaha hagataalunga, di gowaa dela e-hai godou hegau dabu mo godou tigidaumaha hagataalunga gi God mai i Jesus Christ. | |
I Pe | Kapingam | 2:6 | Idimaa, di Beebaa-Dabu e-helekai, “Au gu-hilihili-aga dagu hadu hagalabagau, e-dugu e-hai di hadu madaaduge i Zion. Tangada ga-hagadonu di hadu deenei, geia hagalee lodo-huaidu.” | |
I Pe | Kapingam | 2:7 | Di hadu deenei e-hagalabagau huoloo ang-gi digau ala e-hagadonu; gei ang-gi digau ala de-hagadonu: “Di hadu dela ne-haga-balumee gaa-hudu gi-daha go digau hau-hale, la-guu-hai di hadu hagalabagau huoloo i-hongo nia mee huogodoo.” | |
I Pe | Kapingam | 2:8 | Gei nia madagowaa i-golo, e-helekai, “Deenei di hadu dela e-hai nia daangada gi-tingatinga, deenei di hadugalaa dela e-hai digaula gii-too.” Digaula e-tingatinga, idimaa, digaula digi hagadonu ana helekai, deenei di manawa o God ang-gi digaula. | |
I Pe | Kapingam | 2:9 | Gei goodou la-go di madawaawa ne-hilihili, digau hai-mee-dabu ni-di king, nia daangada dabuaahia, nia dama-donu a God ne-hilihili-aga belee hagadele nia mee haga-goboina ala ne-hai gi ono lima, dela ne-gahigahi-mai goodou gi-daha mo-di bouli, gaa-dugu goodou gi-lodo dono maalama madamada. | |
I Pe | Kapingam | 2:10 | I-mua, goodou hagalee nia dama ni God, gei dolomeenei guu-hai nia dama ni Mee. I-mua, goodou nogo de-iloo tumaalia o God, gei dolomeenei, gu-hai-mee gi dono dumaalia. | |
I Pe | Kapingam | 2:11 | Ogu ihoo hagaaloho-nei, au e-hagamahi-adu gi goodou be digau mai i-daha, bolo goodou gi-maaliu-mai gi-daha mo nia hiihai huaidu o godou huaidina, ala e-heebagi ang-gi godou mouli i-nia madagoaa huogodoo. | |
I Pe | Kapingam | 2:12 | Godou hangahaihai humalia gi-heia labelaa i-baahi nia daangada ala digi maalama, idimaa, di madagoaa digaula gaa-hai nadau kai-tilikai bolo goodou digau huaidu, gei digaula ga-mmada-adu gi godou haihai humalia, ga-hagaamu a God i-di Laangi ma-ga-hanimoi-iei Mee. | |
I Pe | Kapingam | 2:13 | Mai di hiihai o Tagi, goodou gi-dugu-anga goodou gi digau huogodoo ala nadau mogobuna dagi: Ang-gi di king aamua, go mee ono mogobuna e-dagi muginua, | |
I Pe | Kapingam | 2:14 | mo ang-gi nia gobinaa ala ne-dongo go mee belee hagaduadua digau ala e-hai nia mee huaidu, ge e-hagaamu digau ala e-hai nia mee humalia. | |
I Pe | Kapingam | 2:15 | Idimaa, deenei di manawa o God bolo goodou gi-dugua nia leelee huaidu o digau ala e-dadaulia, gi godou haihai humalia. | |
I Pe | Kapingam | 2:16 | Goodou gi-mouli be digau maahede, ge hudee haga-hai-hegau-ina godou maahede e-gahu di huaidu, gei gi-mouli be nia hege a God. | |
I Pe | Kapingam | 2:17 | Goodou hagalabagau-ina nia daangada huogodoo. Goodou aloho i godou duaahina dama a Christ. Goodou hagalaamua-ina a God, gei gi-hagalabagau-ina di king. | |
I Pe | Kapingam | 2:18 | Goodou go nia hege, dugu-anga goodou gi godou gau aamua, gei gi-haga-modongoohia-ina gi digaula godou hagalabagau digaula huoloo. Malaa, hagalee anga-hua gi digau ala e-humalia ge dumaalia, mo anga labelaa gi digau ala e-hagamuamua. | |
I Pe | Kapingam | 2:19 | God ga-hagahumalia-laa goodou i-di-godou manawa-hagakono i-nia hagaduadua e-dee-tau gii-kae go goodou, idimaa, goodou e-iloo bolo goodou e-hai di mee dela e-hiihai ginai a God. | |
I Pe | Kapingam | 2:20 | Maa goodou ga-manawa-hagakono gi godou dadaaligi e-tau gi godou huaidu, di humalia-aha e-gila-adu gi goodou? Maa goodou ga-manawa-hagakono gi godou dadaaligi i di gili nia huaidu hagalee ne-hai go goodou, God ga-hagahumalia laa goodou. | |
I Pe | Kapingam | 2:21 | God ne-gahigahi goodou gi-di mee deenei, idimaa, ma go Christ dela ne-hagaduadua i goodou, ga-gowadu gi goodou di hagatau humalia bolo goodou gi-daudalia, gi-kawe-ai. | |
I Pe | Kapingam | 2:23 | Nia daangada ne-leelee huaidu i Mee, gei Mee digi helekai hai-baahi. I-lodo dono hagaduadua, gei Mee digi hagahuaidu-ina digau nogo dadaaligi Ia, gei Mee ne-dugu anga-hua ono hagadagadagagee huogodoo gi God, Tangada Hai-gabunga e-donu. | |
I Pe | Kapingam | 2:24 | Christ guu-kae tadau huaidu i-ono lodo gi-di loobuu, bolo gii-mmade gidaadou gi-di huaidu ge gi-mouli gi-di tonu. Ono gowaa moholehole ne-hagahili-ai goodou. | |