Esperanto - Job - 25

25:1  Ekparolis Bildad, la Ŝuĥano, kaj diris:

25:2  Regado kaj timigo estas ĉe Li, Kiu faras pacon en Siaj altaj sferoj.

25:3  Ĉu oni povas kalkuli Liajn taĉmentojn? Kaj super kiu ne leviĝas Lia lumo?

25:4  Kiel povas homo esti prava antaŭ Dio? Kaj kiel naskito de virino povas esti pura?

25:5  Vidu, eĉ la luno ne estas hela Kaj la steloj ne estas puraj antaŭ Liaj okuloj:

25:6  Des pli homo, la vermo! Kaj homido, la tineo!