CopSahidicMSS - Jude - 1

1:1  [[ⲓⲟⲩⲇⲁⲥ ⲡϩⲙϩⲁⲗ ⲛ<ⲓⲥ> ⲡⲉ<ⲭⲥ> ⲡⲥⲟⲛ ⲇⲉ ⲛⲓⲁⲕⲱⲃⲟⲥ ⲉϥⲥϩⲁⲓ ⲙⲙⲉⲣⲁⲧⲉ ⲉⲧϩⲙ ⲡⲛⲟⲩⲧⲉ ⲡⲉⲓⲱⲧ ⲛⲉⲧⲁϩⲙ ⲉⲧⲟⲩϩⲁⲣⲉϩ ⲉⲣⲟⲟⲩ ϩⲛ <ⲓⲥ> ⲡⲉ<ⲭⲥ>]]

1:2  [[ⲡⲛⲁ ⲉϥⲉⲁϣⲁⲓ]] ⲛⲏⲧⲛ ⲁⲩⲱ ⲧⲁⲅⲁⲡⲏ ⲙⲛ ϯⲣⲏⲛⲏ

1:3  ⲛⲁⲙⲉⲣⲁⲧⲉ ⲉⲓⲉⲓⲣⲉ ⲛⲁⲡⲁⲧⲁⲁⲧ, ⲙⲙⲁⲧⲉ ⲉⲧⲣⲁⲥϩⲁⲓ ⲛⲏⲧⲛ ⲉⲧⲃⲉ ⲡⲉⲛⲟⲩϫⲁⲓ ϩⲓ ⲟⲩⲥⲟⲡ, ⲁⲡⲉⲧⲉϣϣⲉ ϣⲱⲡⲉ ⲛⲁⲓ ⲉⲧⲣⲁⲥϩⲁⲓ ⲛⲏⲧⲛ, ⲉⲓⲡⲁⲣⲁⲕⲁⲗⲉⲓ ⲙⲙⲱⲧⲛ ⲉⲧⲉⲧⲛⲙⲓϣⲉ ϩⲉϫⲛ ⲧⲡⲓⲥⲧⲓⲥ ⲛⲧⲁⲩⲧⲁⲁⲥ ⲛⲟⲩⲥⲟⲡ ⲉⲧⲟⲟⲧⲟⲩ ⲛⲛⲉⲧⲟⲩⲁⲁⲃ

1:4  ⲁϩⲉⲛⲣⲱⲙⲉ ⲅⲁⲣ ⲟϣⲟⲩ ⲉϩⲟⲩⲛ ⲛⲁⲓ ⲛⲧⲁⲩⲧⲟϭⲟⲩ ⲉⲃⲟⲗ ⲛϫⲓⲛⲛⲉ ϣⲟⲣⲡ ⲉⲡⲉⲓⲕⲣⲓⲙⲁ ⲉϩⲉⲛⲛⲁⲥⲉⲃⲏⲥ ⲛⲉ ⲉⲩⲡⲱⲱⲛⲉ ⲛⲧⲉⲭⲁⲣⲓⲥ ⲙⲡⲛⲟⲩⲧⲉ ⲉⲩϫⲱϩⲙ, ⲁⲩⲱ ⲡϫⲟⲉⲓⲥ ⲟⲩⲁⲁⲃ ⲙⲡⲧⲏⲣϥ ⲡⲉⲛϫⲟⲉⲓⲥ <ⲓⲥ> ⲡⲉ<ⲭⲥ> ⲉⲩⲁⲣⲛⲁ ⲙⲙⲟϥ

1:5  ϯⲟⲩⲱϣ ⲇⲉ ⲉⲧⲣⲉⲧⲉⲧⲉⲛⲣ ⲡⲙⲉⲉⲩⲉ ⲉⲧⲉⲧⲛⲥⲟⲟⲩⲛ ⲛⲕⲁ ⲛⲓⲙ ϫⲉ[<ⲓⲥ>] ⲁϥⲧⲟⲩϫⲉ ⲡⲗⲁⲟⲥ ⲉⲃⲟⲗ ϩⲙ [[ⲡⲕⲁϩ ⲛⲕⲏⲙⲉ ⲛⲟⲩⲥⲟⲡ ⲡⲙⲉϩⲥⲡ ⲥⲛⲁⲩ ⲛⲉⲧⲉ ⲙⲡⲟⲩⲡⲓⲥⲧⲉⲩⲉ ⲉⲣⲟϥ ⲁϥⲧⲁⲕⲟⲟⲩ,]]

1:6  [[ⲁⲩⲱ ⲛⲁⲅⲅⲉⲗⲟⲥ ⲉⲧⲉ ⲙⲡⲟⲩϩⲁⲣⲉϩ ⲉⲧⲉⲩⲁⲣⲭⲏ ⲁⲩⲟⲧⲡⲟⲩ ⲉϩⲟⲩⲛ ⲉⲡϩⲁⲡ ⲙⲡⲛⲟϭ ⲛϩⲟⲟⲩ ϩⲛ ϩⲉⲛⲥⲛⲁⲩϩ ⲛϣⲁ ⲉⲛⲉϩ ϩⲛ ⲟⲩϩⲧⲟⲙⲧⲙ]]

1:7  [[ⲛⲑⲉ ⲛⲥⲟⲇⲟⲙⲁ]] ⲙⲛ ⲅⲟⲙⲟⲣⲣⲁ ⲙⲛ ⲛⲕⲉⲡⲟⲗⲓⲥ, ⲉⲧⲕⲱⲧⲉ ⲉⲣⲟⲟⲩ ⲉⲁⲩⲡⲟⲣⲛⲉⲩⲉ ϩⲱⲟⲩ ϩⲙ ⲡⲉⲓⲥⲙⲟⲧ ⲛⲛⲟⲩⲱⲧ ⲛⲧⲉ ⲧⲙⲛⲧⲁⲧⲛⲁϩⲧⲉ ⲉⲁⲩⲟⲩⲁϩⲟⲩ ⲛⲥⲁ ⲕⲉⲥⲁⲣⲝ ⲥⲉⲕⲏ ⲅⲁⲣ ⲉϩⲣⲁⲓ ⲛϫⲓⲛⲛⲉ ϣⲟⲣⲡ ⲛⲥⲙⲟⲧ, ⲉⲁⲩϯ ϩⲁⲡ ⲉⲣⲟⲟⲩ ϩⲉⲛ ⲟⲩⲕⲱϩⲧ ⲛϣⲁ ⲉⲛⲉϩ,

1:8  ϩⲟⲙⲁⲓⲱⲥ ⲛⲉⲓⲕⲉⲕⲟⲟⲩⲉ ⲉⲩⲡⲉⲣⲉ ⲣⲁⲥⲟⲩ ⲛⲥⲁⲣⲝ ⲙⲛ ⲥⲉϫⲱϩⲙ ⲙⲙⲟⲟⲩ ⲙⲙⲛⲧϫⲟⲉⲓⲥ ⲥⲉⲁⲑⲏⲧⲉⲓ ⲙⲙⲟⲟⲩ ⲛⲉⲟⲟⲩ ⲥⲉϫⲓ ⲟⲩⲁ ⲉⲣⲟⲟⲩ,

1:9  ⲙⲓⲭⲁⲏⲗ ⲇⲉ ⲡⲁⲣⲭⲁⲅⲅⲉⲗⲟⲥ ⲉϥϣⲁϫⲉ ⲙⲛ ⲡⲇⲓⲁⲃⲟⲗⲟⲥ ⲛⲧⲉⲣⲉϥϫⲓ ϩⲁⲡ ⲛⲙⲙⲁϥ ⲉⲧⲃⲉ ⲡⲥⲱⲙⲁ ⲙⲙⲱⲩⲥⲏⲥ, ⲙⲡⲉϥⲧⲟⲗⲟⲙⲁ ⲉⲧⲣⲉϥⲉⲓⲛⲉ [[ⲛⲛⲟⲩϩⲁⲡ ⲛⲟⲩⲁ]] ⲉϩⲣⲁⲓ ⲉϫⲱϥ [[ⲁⲗⲗⲁ ⲛⲧⲁϥϫⲟⲟⲥ ϫⲉ ⲉⲣⲉⲡϫⲟⲉⲓⲥ ⲉⲡⲓⲧⲓⲙⲁ ⲛⲁⲕ]]

1:10  [[ⲛⲁⲓ ⲇⲉ ⲛⲉⲧⲉ ⲛⲥⲉⲥⲟⲟⲩⲛ ⲙⲙⲟⲟⲩ ⲁⲛ ⲥⲉϫⲓ ⲟⲩⲁ ⲉⲣⲟⲟⲩ ⲛⲉⲧⲟⲩⲥⲟⲟⲩⲛ ⲇⲉ ⲙⲙⲟⲟⲩ ⲛⲑⲉ ⲙⲡⲉⲥⲙⲟⲧ ⲛⲛⲧⲃⲛⲟⲟⲩⲉ ⲥⲉⲧⲁⲕⲟ ϩⲣⲁⲓ ⲛϩⲏⲧⲟⲩ]]

1:11  [[ⲟⲩⲟⲓ ⲛⲁⲩ ϫⲉ ⲁⲩⲙⲟⲟϣⲉ ϩⲉⲛ ⲧⲉϩⲓⲏ ⲛⲕⲁⲓⲛ ⲁⲩϫⲱⲱⲣⲉ ⲉⲃⲟⲗ]] ϩⲉⲛ ⲧⲉⲡⲗⲁⲛⲏ ⲙⲡⲃⲉⲕⲏ ⲛⲃⲁⲗⲁϩⲁⲙ, ⲁⲩⲱ ⲁⲩⲧⲁⲕⲟ ϩⲉⲛ ⲧⲁⲛⲧⲓⲗⲟⲅⲓⲁ ⲛⲕⲟⲣⲉ, ϩⲉⲛⲣⲉϥⲕⲣⲙⲣⲙ ⲛⲣⲉϥϭⲉⲛ ⲁⲣⲕⲉⲓ ⲉⲩⲙⲟⲟϣⲉ ⲕⲁⲧⲁ ⲛⲉⲩⲉⲡⲉⲓⲑⲩⲙⲓⲁ,

1:12  ⲛⲁⲓ ⲛⲉⲧϫⲁϩⲙ ϩⲉⲛ ⲛⲉⲧⲉⲛⲛⲁⲅⲁⲡⲏ ⲉⲩⲟⲩⲛⲟϥ ⲛⲙⲙⲏⲧⲛ ⲁϫⲛ ϩⲟⲧⲉ, ⲉⲩϫⲱϩⲙ ⲙⲙⲟⲟⲩ ⲉϩⲉⲛⲕⲗⲟⲟⲗⲉ ⲉⲩϣⲟⲩⲉⲓⲧ ⲛⲉ, ⲉⲣⲉϩⲉⲛⲧⲏⲩ ϩⲓⲟⲩⲉ ⲛⲥⲱⲟⲩ, ⲁⲩⲱ ϩⲉⲛϣⲏⲛ ⲉⲩϣⲟⲩⲱⲟⲩ ⲛⲉ ⲛⲁⲧⲕⲁⲣⲡⲟⲥ ⲉⲁⲩⲙⲟⲩ ⲛⲕⲉⲥⲟⲡ ϩⲉⲛ ⲛⲉⲩⲛⲟⲩⲛⲉ

1:13  ⲛϩⲟⲉⲓⲙ ⲉⲧⲛⲁϣⲧ ⲛⲧⲉ ⲑⲁⲗⲗⲁⲥⲥⲁ ⲉⲩⲧⲁⲟⲩⲟ ⲉⲃⲟⲗ ⲙⲡⲉⲩϣⲓⲡⲉ ⲛⲥⲓⲟⲩ ⲛⲧⲁⲩⲥⲱⲣⲙ ⲛⲁⲓ ⲛⲧⲁⲩⲥⲟⲃⲧⲉ ⲛⲁⲩ ⲛϣⲁ ⲉⲛⲉϩ ⲙⲡⲕⲁⲕⲉ ⲉⲧϩⲧⲙⲧⲱⲙ

1:14  ⲉⲛⲱⲭ ⲇⲉ ⲁϥⲡⲣⲟⲫⲏⲧⲉⲩⲉ ⲛⲛⲉⲓⲕⲟⲟⲩⲉ [[ⲉⲡⲙⲉϩⲥⲁϣϥ ⲡⲉ ϫⲓⲛⲛ ⲁⲇⲁⲙ ⲉϥϫⲱ ⲙⲙⲟⲥ ϫⲉ ⲉⲓⲥ ⲡϫⲟⲉⲓⲥ ⲛⲏⲩ ϩⲉⲛ ⲛⲉϥⲧⲃⲁ ⲛⲁⲅⲅⲉⲗⲟⲥ ⲉⲧⲟⲩⲁⲁⲃ]]

1:15  [[ⲉⲧⲣⲉϥⲉⲓⲣⲉ ⲛⲟⲩⲕⲣⲓⲥⲓⲥ ⲉϫⲛ ⲟⲩⲟⲛ ⲛⲓⲙ ⲁⲩⲱ ⲛϥϫⲡⲓⲉ ⲯⲩⲭⲏ ⲛⲓⲙ ⲉⲧⲃⲉ ϩⲱⲃ ⲛⲓⲙ ⲛⲧⲁⲩⲣ]] ϣⲁϥⲧⲉ ⲛϩⲏⲧⲟⲩ ⲁⲩⲱ ⲉⲧⲃⲉ ⲛⲛϣⲁϫⲉ ⲧⲏⲣⲟⲩ ⲉⲧⲛⲁϣⲧ ⲛⲧⲁⲩϫⲟⲟⲩ ⲉⲣⲟϥ, ⲛϭⲓ ⲛⲛⲣⲉϥⲣ ⲛⲟⲃⲉ ⲛⲁⲥⲉⲃⲏⲥ,

1:16  ⲛⲁⲓ ⲛⲉ ⲛⲣⲉϥⲕⲣⲙⲣⲙ ⲛⲣⲉϥϭⲉⲛ ⲁⲣⲓⲕⲉ, ⲉⲩⲙⲟⲟϣⲉ ⲕⲁⲧⲁ ⲛⲉⲩⲉⲡⲓⲑⲩⲙⲓⲁ ⲁⲩⲱ ⲧⲉⲩⲧⲁⲡⲣⲟ ϫⲓ ⲙⲛⲧϩⲣⲟⲩⲱ ⲉⲩⲣ ϣⲡⲏⲣⲉ ⲛⲥⲁ ϩⲉⲛϩⲟ ⲉⲧⲃⲉ ⲟⲩϩⲏⲩ

1:17  ⲛⲧⲱⲧⲛ ⲇⲉ ⲛⲁⲙⲉⲣⲁⲧⲉ ⲁⲣⲓ ⲡⲙⲉⲉⲩⲉ ⲛⲛϣⲁϫⲉ ⲙⲡⲉⲛϫⲟⲉⲓⲥ <ⲓⲥ> ⲡⲉ<ⲭⲥ> ⲛⲁⲓ ⲛⲧⲁⲛⲉϥⲁⲡⲟⲥⲧⲟⲗⲟⲥ ϫⲟⲟⲩ ⲛϫⲓⲛⲛ ϣⲟⲣⲡ

1:18  ⲉⲃⲟⲗ ϫⲉ ⲁⲩϫⲟⲟⲥ ϫⲉ ϩⲛⲑⲁⲏ ⲛⲛⲉⲩⲟⲩⲟⲉⲓϣ ⲟⲩⲛ ϩⲉⲛⲣⲉϥϫⲏⲣ ⲛⲏⲩ ⲉⲩⲙⲟⲟϣⲉ ⲕⲁⲧⲁ ⲛⲉⲩⲉⲡⲓⲑⲩⲙⲓⲁ ⲛⲛⲉⲩⲙⲛⲧϣⲁϥⲧⲉ,

1:19  ⲛⲁⲓ ⲛⲉⲧⲡⲱⲣϫ ⲉⲃⲟⲗ, ⲉϩⲉⲛⲯⲩⲭⲓⲕⲟⲥ ⲛⲉ ⲉⲙⲛⲧⲟⲩ <ⲡⲛⲁ> ⲙⲙⲁⲩ,

1:20  ⲛⲧⲱⲧⲛ ⲇⲉ ⲛⲁⲙⲉⲣⲁⲧⲉ ⲉⲧⲉⲧⲛⲕⲱⲧ ⲙⲙⲱⲧⲛ ϩⲉⲛ ⲧⲉⲧⲛⲡⲓⲥⲧⲓⲥ ⲉⲧⲟⲩⲁⲁⲃ ⲉⲙⲁⲧⲉ ⲉⲧⲉⲧⲛϣⲗⲏⲗ ϩⲙ ⲡⲉ<ⲡⲛⲁ> ⲉⲧⲟⲩⲁⲁⲃ,

1:21  ϩⲁⲣⲉϩ ⲉⲣⲱⲧⲛ ϩⲉⲛ ⲧⲁⲅⲁⲡⲏ ⲙⲡⲛⲟⲩⲧⲉ ⲉⲧⲉⲧⲛϭⲱϣⲧ ⲉⲃⲟⲗ ⲉϩⲏⲧϥ ⲙⲡⲛⲁ ⲙⲡⲉⲛϫⲟⲉⲓⲥ <ⲓⲥ> ⲡⲉ<ⲭⲥ> ⲉⲩⲱⲛϩ ⲛϣⲁ ⲉⲛⲉϩ,

1:22  ⲁⲩⲱ ϩⲟⲓⲛⲉ ⲉⲧⲉⲧⲉⲛⲧⲱⲕⲙ ⲙⲙⲟⲟⲩ ⲉⲃⲟⲗ ϩⲉⲛ ⲧⲥⲟⲧⲉ,

1:23  ⲉⲧⲉⲧⲛⲛⲁ ⲛⲛⲉⲧϫⲓ ϩⲁⲡ ϩⲛ ⲟⲩϩⲟⲧⲉ ⲉⲧⲉⲧⲛⲙⲟⲥⲧⲉ ⲛⲛⲉϣⲧⲏⲛ ⲉⲧϫⲁϩⲙ ⲉⲃⲟⲗ ϩⲉⲛ ⲧⲥⲁⲣⲝ,

1:24  ⲡⲉⲧⲉ ⲟⲩⲛ ϭⲟⲙ ⲙⲙⲟϥ ⲉⲧⲣⲉϥϩⲁⲣⲉϩ ⲉⲣⲱⲧⲛ ⲉⲧⲉⲧⲛⲧⲁϫⲣⲏⲩ ⲛϥⲧⲁϩⲱⲧⲛ ⲉⲣⲁⲧ ⲧⲏⲩⲧⲛ ⲙⲡⲉⲙⲧⲟ ⲉⲃⲟⲗ ⲙⲡⲉϥⲉⲟⲟⲩ, ⲉⲧⲉⲧⲛⲟⲩⲁⲁⲃ ϩⲉⲛ ⲟⲩⲧⲉⲗⲏⲗ

1:25  [[ⲡⲛⲟⲩⲧⲉ ⲡⲉⲛⲥⲱⲧⲏⲣ ⲟⲩⲁⲁⲃ ⲡⲉⲟⲟⲩ ⲛⲁϥ ⲉⲃⲟⲗ ϩⲓⲧⲛ <ⲓⲥ> ⲡⲉ<ⲭⲥ> ⲡⲉⲛϫⲟⲉⲓⲥ ⲙⲛ ⲧϭⲟⲙ ⲁⲩⲱ ⲡⲁⲙⲁϩⲧⲉ ⲙⲛ ⲧⲉⲝⲟⲩⲥⲓⲁ ϩⲁⲑⲏ ⲛⲛⲁⲓⲱⲛ ⲧⲏⲣⲟⲩ ⲁⲩⲱ ϫⲓⲛⲧⲉⲛⲟⲩ ⲉⲛⲁⲓⲱⲛ ⲧⲏⲣⲟⲩ ϩⲁⲙⲏⲛ]]